" ဖြတ်သင့်ရင် ဖြတ်၊ ဒီထက်အရေးကြီးတာတွေရှိသေးတယ် "
ခန္ဓာကိုယ်ပြင်ပမှာရတဲ့ဒဏ်ရာထက် ရင်ဘတ်မှာရတဲ့ဒဏ်ရာက ပိုပြီးကုသရခက်ပါတယ် ။ဒါပေမဲ့ ဘယ်ဒဏ်ရာပဲဖြစ်ဖြစ် ဂရုစိုက်ကုသရင်တော့ အလျင်းမပြောက်ရင်တောင် အမာရွက်ကျန်ရုံလောက်အထိတော့ ကုသနိုင်ပါတယ် ။ အမြန်ဆုံးမကုသပဲ တနုံ့နုံ့ခံစားနေရင်တော့ အချိန်ကြာလာတာနဲ့အမျှ အလျော်အစားကြီးမားလာတတ်တယ် ။ တခါတလေ ဒဏ်ရာတခုခုကြောင့် လက်ဖြတ်ရ ခြေဖြတ်ရတာတွေရှိတတ်တယ် ။ ဘာဖြစ်လို့လဲဆိုတော့ ပိုအရေးကြီးတဲ့ အသက်ကိုဦးစားပေးရလို့ပါဘဲ ။
ရင်ဘတ်ထဲကဒဏ်ရာပုပ်သွားရင်တော့ လက်တွေ ခြေတွေတော့ မပေးဆပ်ရပါဘူး ။ သူ့ထက်တန်ဘိုးကြီးတဲ့ ဘဝတခုလုံးကို ပေးရတတ်တယ် ။ အပုပ်တော့မခံပါနဲ့နော် ။ သင့်ဘဝက သူ့တယောက်ထဲအတွက် အရေးကြီးတာမှ
မဟုတ်တာ ။ သင့်ကိုချစ်တဲ့ မိသားစု သူငယ်ချင်း အမျိုး ဘာသာ သာသနာ နိုင်ငံ အစရှိတာတွေအများကြီးရှိသေးတယ်ဆိုတာ သင်သတိထား အမှတ်ရနေရမယ် ။ နည်းနည်းတော့နာမယ် ။ ဒါပေမဲ့ ပြန်ကောင်းဖို့ အလားအလာမရှိတာသေချာရင် စောစောစီးစီးဖြတ်လိုက်ပါ ။ သင်အသက်ရှင်ဖို့ ပြန်လည်နိုးထလာပါလိမ့်မယ် ။သင့်ရဲ့ မနက်ဖြန်တွေ ပြန်ပြီး အဓိပ္ပါယ်ရှိလာပါလိမ့်မယ် ။ မနက်ဖြန်တွေကို သူမယူသွားနိုင်ပါဘူး ။ သူ့အတွက်မလိုအပ်တဲ့မနက်ဖြန်တွေကို သင် ရူးမိုက်စွာနဲ့ လက်ဆောင်မပေးလိုက်မိဖို့ပဲလိုတယ် ။ သင့်ကိုလိုအပ်သူတွေအတွက် အဲ့ဒီမနက်ဖြန်တွေပြန်ယူပြီး ရှင်သန်လိုက်ပါ ။
သင့်ရဲ့မနက်ဖြန်တွေကို သင်ကိုယ်တိုင်သာပိုင်ဆိုင်ထားတယ်ဆိုတာမမေ့ဖို့ ဦးဇင်းက မေ့နေသူတွေသတိပေးတဲ့အနေနဲ့ Post လေးရေးလိုက်ပါတယ် ။
လောကကြီးမှာ အဓိပ္ပါယ်အပြည့်ရှိတဲ့သူတွေဖြစ်နိုင်ကြပါစေ ။
ရွှေစည်းခုံ
No comments:
Post a Comment