@@@ ဖျားသောအခါ ရှုနည်း @@@
လယ်တီဆရာတော်
ကံ၊ စိတ်၊ ဥတု၊ အာဟာရ- အကြောင်းများကြောင့် မဟာဘုတ်များဖောက်ပြန်ကာ ပြင်းထန်သော ဝေဒနာများ ပေါ်ပေါက်လာရခြင်းဖြစ်သည်။ ဝေဒနာသည် ပုဂ္ဂိုလ်၊ သတ္တ၀ါ၊ ယောကျာ်း၊ မိန်းမ၊ အသား၊ အရေ၊ အကြော၊ အရိုး၊ သွေးလေ၊ သလိပ်၊ သည်းခြေ- စသည် မဟုတ်။ ဓာတ်လေးပါးတို့ ၏ အထူးဖောက်ပြန်မှုပင်တည်းဟု ယုံယုံကြည်ကြည် သဘောထားပြီးလျှင် စိတ်ကိုတစ်နေရာရာ၌ထား၍(ရင်ဝမှာ ထားနိုင်လျှင် သာ၍ကောင်းသည်) ရှုရမည်။ တစ်ကိုယ်လုံး၌ရှိသော ဝေဒနာတွေကို အလိုလိုသိလာလိမ့်မည်။
ဝေဒနာတစ်ခုထဲကို ကြည့်လျှင် ပို၍မခံနိုင်အောင် ဖြစ်လာတတ်သည်။ ဝေဒနာသည် ခြေကနာသည်၊ ခေါင်းကနာသည် စသည်တို့ဖြင့် -ပညတ်တို့ ဖြင့်တွဲ၍ ကြည့်နေလျှင်သာ၍ဆိုးသည်။ ပညတ်အာရုံကို ဂရုမစိုက်နှင့်။ တစ်ကိုယ်လုံး၌ရှိသော ဝေဒနာတို့ကိုသာ ခြုံ၍သိအောင် ကြည့်ရမည်။
နာကျင်ခံခက်သော ဒုက္ခဒဏ်ချက်ကို ဂရုမစိုက်ပဲ ဒုက္ခထဲမှ သေးငယ်မှုန်မွှားသော ဝေဒနာသဘောလေးတွေ -ဖြစ်ပေါ်လိုက် ပျောက်ပျက်လိုက်နှင့်နေသည့် ဝေဒနာ၏ အနိစ္စအချက်တို့ ကိုသာ ထင်ရှားအောင်ဂရုစိုက်၍ ရှုပါ။ ဤသို့  ဝေဒနာဖြစ်ပျက်တွေကို အထပ်ထပ် အခါခါ ရှုမြင်ပွားများနေတာကို ဝေဒနာနုပဿနာ ဟူ၍ခေါ်သည်။
ရှုဖန်များလျှင် ဝေဒနာတွေဖြစ်သင့်သလို ဖြစ်ပျက်နေတာကို သေသေချာချာ သိလာလိမ့်မည်။ ကြာလျှင်သမာဓိအား ကောင်းလာပြီး ကိုယ်ကာယကြီးကိုတောင် မသိတစ်ချက် သိတစ်ချက်နှင့် ဝေဒနာတို့ကိုသာလျှင် သိလျှက် စိတ်သည်တည်၍နေလိမ့်မည်။ စိတ်တည်၍ သမာဓိကောင်းလေ -ဝေဒနာတွေကိုသာပို၍ထင်ရှားစွာ သိမြင်ရလေ ဖြစ်လာလိမ့်မည်။ ထိုအခါ ပညတ်အာရုံတည်းဟူသော ကိုယ် လက် အင်္ဂါကြီးငယ်တို့ကို ရှိမှန်းတောင် မသိတော့ပဲ အနိမိတ္တ၊ အပ္ပဏိဟိတ၊ သုညတသမာဓိနှင့် ၀ိဟာရမျိုးဖြစ်လျှက် ပရမတ်အာရုံဖြစ်သော ဝေဒနာတို့ကိုသာလျှင် သိလျက်နေတော့သည်။ ဝေဒနာနုပဿနာ ဘာဝနာမယဥာဏ် ဟုခေါ်သည်။
( အနိမိတ္တ =ပုံသဏ္ဍာန်နိမိတ်၊ နိစ္စနိမိတ် ကင်းစင်
အပ္ပဏိဟိတ =သာယာတောင့်တသော တဏှာပဏီဓိ ကင်းစင်
သုညတ =ဘာမှမရှိ သုညချည်းသာဟု အတ္တဒိဋ္ဌိကင်းစင်)
ဤကဲ့သို့ ဘာဝနာမယဥာဏ်ဖြင့် ရှုမြင်နေရင်း သမာဓိအရှိန်ပြေလာလျှင် ကိုယ်အင်္ဂါ စသည်တို့ကို တွေ့ မြင်သိရှိ၍ လာပြန်၏။ သို့ပေမယ့် ဝေဒနာကိုမူ နှလုံးသွင်းမပျက်စေနှင့်။ ဆေးဝါးဓာတ်စာတို့ ကိုလည်း စားသင့်သမျှစားပြီးလျှင် ဝေဒနာကိုသာ ဆက်၍ရှု ။မကြာမီ ဘာဝနာမယဥာဏ် အပ္ပဏိဟိတသမာဓိ-တို့သို့ ရောက်သွားပြန်သည်။ အကြောင်းပြည့်စုံလျှင် မဂ်ဖိုလ်ကိုတောင် ရသွားတတ်သည်။
မဂ်ဖိုလ်တစ်ကြိမ်ရပြီးသူ ဖြစ်လျှင်မူကား အချိန်ကိုကြာချင်သလောက် အဓိဋ္ဌာန်၍ ဝေဒနာကိုရှု။ ရှုရင်း ရှုရင်း ဖိုလ်စိတ် ဖိုလ်ဇောတွေကျလျှက် နိဗ္ဗာန်ကို မျက်မှောက်ပြုမိလျက်သား ဖြစ်သွားတတ်သည်။ ၎င်းနောက်ထိုက်သည့်အားလျော်စွာ ကြာပြန်သောအခါ သတိပြန်၍ရလာတတ်သည်။ သတိရလျှင် အဓိဋ္ဌာန်ပြီး ဝေဒနာကို ထပ်၍ရှု ။ မကြာမီဒုက္ခငြိမ်းသွားတတ်သည်။
ဝေဒနာကိုရှုတတ်သော လူမမာသည် ပြင်းထန်စွာခံစားနေရသော်လည်း သာမညလောက်သာဟုထင်တတ်သည်။ လူနာစောင့်များကသာ ဝေဒနာပြင်းမှန်းသိကြသည်။ ဘူတရုပ်ကိုအားထုတ်သော လူနာငြိမ်ငြိမဆိမ်ဆိမ်နေလျှင် တစ်စုံတစ်ရာ မေးမြန်းပြောဆိုခြင်းမပြုအပ်ကြပေ။ သေမည်ဆိုလျှင်လည်း လားရာ သုဂတိ -နတ်ပြည် ၊ဘုံဗိမာန် စသည်ကို မြင်ရ၍ မျက်နှာ၌ ကြည်လင်ရွှင်ပြလျှက်ဖြစ်နေတတ်သည်။ အချို့ မှာ သူမြင်သလို အချိန်ရကပြောပြပြီးမှ သေတတ်သည်။
No comments:
Post a Comment