ရင့်ကျက်ချင်ပါတယ်
°°°°°°°°°°°°°°°°°
ဘယ်သူမှ မသိစေချင်ပါဘူး
ကိုယ့်ဘဝထဲက အခက်အခဲတွေကို။
ဘယ်သူမှ မသိစေချင်ပါဘူး
ကိုယ့်ဘဝထဲက အရှုတ်အထွေးတွေကို။
ဘယ်သူမှ မသိစေချင်ပါဘူး
ကိုယ့်ကြုံနေရတဲ့ ပြဿနာတွေကို။
ဘယ်သူမှ မသိစေချင်ပါဘူး
ကိုယ့်ဖြေရှင်းနေရတဲ့ ဒုက္ခတွေကို။
ဘယ်သူမှ မသိစေချင်ပါဘူး
ကိုယ့်မိသားစုရဲ့ အခက်အခဲတွေကို။
ဘယ်သူမှ မသိစေချင်ပါဘူး
ကိုယ်ခံစားနေရတဲ့ စိတ်ဆင်းရဲမှုတွေကို။
ဘယ်သူမှ မသိစေချင်ပါဘူး
ကိုယ်ခံစားနေရတဲ့ ခံစားချက်တွေကို။
ဘယ်သူမှ မသိစေချင်ပါဘူး
တကယ်ကို မသိစေချင်တာပါ။
ဘာလို့လဲ ပြောရရင်
လူတိုင်းမှာ အခက်အခဲကိုယ်စီရှိကြတယ်
လူတိုင်းမှာ ပြဿနာတွေကိုယ်စီရှိကြတယ်
လူတိုင်းမှာ ကြေကွဲစရာတွေကိုယ်စီရှိကြတယ်
လူတိုင်းမှာ စိတ်ခံစားချက်တွေကိုယ်စီရှိကြတယ်
လူတိုင်းမှာ ဝမ်းနည်းကြေကွဲစရာတွေကိုယ်စီရှိကြတယ်
လူတိုင်းမှာ အရှုတ်အထွေးတွေကိုယ်စီရှိကြတယ်
လူတိုင်းမှာ ဝေဖန်ခံရမှုတွေကိုယ်စီရှိကြတယ်
လူတိုင်းမှာ အတိုက်အခံတွေကိုယ်စီရှိကြတယ်
လူတိုင်းမှာ အကြတ်အတည်းကြုံရမှုတွေ ကိုယ်စီရှိကြတယ်
ဆိုတဲ့အကြောင်းကို . . .
ကောင်းကောင်းသိလာပြီးတဲ့နောက်ပေါ့။
ကိုယ်ပြဿနာ ကိုယ်ရှင်းမယ်
ကိုယ့်အခက်အခဲ ကိုယ်ဖြေရှင်းမယ်
ကိုယ်ရွေးချယ်ထားတဲ့လမ်း ကိုယ်ရဲရဲလျောက်လှမ်းမယ်
ကိုယ်ရေးသီထားတဲ့ ဇာတ်လမ်းကို ကိုယ်ပိုင်ပိုင်ကပြမယ်
ခက်ခဲမှုတွေကို မျိုသိပ်မယ်
ခံစားရသမျှကို ထိန်းချုပ်ထားမယ်
မခံစားနိုင်တော့လို့ ငိုချချင်ရင်တောင် လူမသိအောင် ငိုမယ်။
ဒီလို ဒီလိုတွေ ခံယူထားတတ်လာခဲ့ပါတယ်။
ဘယ်သူ့ကိုမှ အပူတွေမပေးချင်တော့ပါဘူး။
သူတို့မှာလဲ အပူအပင်တွေရှိမှာပဲလေ လို့ စာနာတတ်လာတယ်။
နားလည်ပေးချင်မိလာတယ်။
ကိုယ်ကြုံသမျှ ကိုယ်ကိုတိုင်ပဲ ဖြေရှင်းတာဟာ
ကိုယ့်ကိုကိုယ် အားကိုးခြင်းပီသပါတယ် လို့ သိလာတယ်။
ဒါမှသာ ကိုယ်ဟာ တည်ငြိမ် ရင့်ကျက်တဲ့သူတစ်ယောက် ဖြစ်လာမှာ မဟုတ်လား . . ?
လူသားတွေအားလုံး အပူအပင်အပေါင်းမှ ကင်းဝေးကြပါစေ . . .
စိတ်ဝေဒနာတွေ ကင်းရှင်းကြပါစေ . . .
ကိုယ်ကျန်းမာ စိတ်ချမ်းသာကြပါစေ . . .။
Credit _" အတွေးလှဆရာတော် "
No comments:
Post a Comment