နိဗ္ဗာန်ဆိုတာဘာမှမရှိဘူးလို့မပြောနဲ့
****************************
ဒို့ဗုဒ္ဓဘာသာတွေမှာ ဝေဝါးနေတာရှိ
တယ်။ နိဗ္ဗာန်ဆိုတာ ဘာမှမရှိဘူး
ဒီလိုထင်လိုက်တာ။
အခုကောဘာရှိတုန်း? စဉ်းစာနော်
အခုလက်ရှိရှိတာဘာမှန်းမသိတော့
နိဗ္ဗာန်ဘာရှိရမယ်မှန်းလဲမသိကြဘူး။
အခုလက်ရှိ ရှိနေတာက__
ကဲ တိုတိုကျင်းကျင်းဘဲပြောရအောင်
ရုပ်တရားနဲ့ နာမ်တရား။
တစ်လောကလုံးမှာရှိတာလည်း ဒါဘဲ။
ကိုယ့်ဆီမှာရှိတာလည်း ဒါဘဲ။
ရုပ်တရား >> ကိုယ့်ရုပ်ကလေး ကိုယ်
ပြန်ကြည့်။ မြဲသောတရားလား?
မမြဲသောတရားလား? ရုပ်ရှိထားရင်
ဘယ်ရုပ်ဖြစ်ဖြစ် မမြဲဘူး။ခင်ဗျားတို့မှာ
ရုပ်ကလေးရလာကထဲက အိုခြင်း နာ
ခြင်း သေခြင်းဆိုတာတွေမရှိဘူးလား?
(ရှိပါတယ်ဘုရား)
အေး…… အဲဒါအရှိတရား။
ပူလိုက် အေးလိုက် ညောင်းလိုက် ကိုက်
လိုက် ခဲလိုက်ကောမရှိဘူးလား?
(ရှိပါတယ်ဘုရား)
အေး…အဲဒါတကယ့်အရှိသဘော။
နာမ်တရား >> နာမ်မှာ အပိုင်း(၄)ပိုင်း
ရှိတယ်။
ဝေဒနာ_ ခံစားတဲ့အပိုင်းရှိတယ်။
သညာ_ မှတ်သားတဲ့အပိုင်းရှိတယ်။
သင်္ခါရ_ ပြု ပြင်စေ့ဆော်တဲ့အပိုင်း
ရှိတယ်။
ဝိဉာဏ်_ သိ ကြံတဲ့အပိုင်းရှိတယ်။
အဲဒိ(၄)ပိုင်းပေါင်းတာကို နာမ် လို့
ခေါ်တယ်။
အဲဒိနာမ်သည် ရုပ်ပေါ်မှီပြီးဖြစ်တယ်။
ခံစားမှု လည်း ရုပ်မှာမှီပြီး ခံစားတယ်
မှတ်သားမှု လည်း ရုပ်မှာမှီပြီး မှတ်
သားတယ်။
ဆိုတော့____
ရုပ်တရားသည် မြဲသောတရားလား?
မမြဲသောတရားလား?
(မမြဲသောတရားပါဘုရား)
ဒါဖြင့် ရုပ်မှာမှီပြီးသူ့နောက်ကဖြစ်တဲ့ နာမ်တရားကကော မြဲပါ့မလား?
(မမြဲပါဘူးဘုရား)။
ဒါဖြင့်အမြဲမပြတ်ဖေါက်ပြန်ပျက်စီးနေ
သော မမြဲသောဒီရုပ်နာမ်ကြီးသည်
ကိုယ်ဖြစ်ချင်သလို ဖြစ်သလား?
ကိုယ်စီမံသလိုရသလား?
(မရပါဘူးဘုရား)။
ဒါဖြင့်ရင် ကိုယ့်အလို ကိုယ့်အကြိုက်လဲ
မဆောင်ဘဲနဲ့ ဒီရုပ်နာမ်ကြီးနဲ့နေရတာ
ဟာ ချမ်းသာမလား? ဆင်းရဲမလား?
(ဆင်းရဲပါတယ်ဘုရား)။
ဒါဖြင့် လက်ရှိရှိနေတာ ဘာရှိနေတာ
လဲ? ဆင်းရဲသက်သက်ဘဲရှိတယ်။
ဘာဘဲရှိလဲ?
(ဆင်းရဲသက်သက်ဘဲရှိပါတယ်ဘုရား)
ဒါဖြင့်လက်ရှိခန္ဓာကြီး အရှိတရားကြီး
ဟာ ဘာသစ္စာကြီးလဲ?
(ဒုက္ခသစ္စာကြီးပါဘုရား)။
အေး……အဲဒါမြင်သာအောင် ခင်ဗျား
တို့ ပြောလိုက်တာ။
ကိုယ့်ဘာကိုယ့်မြင်အောင်ကြည့်
ငါတို့အတူနေနေရတာ ဘာနဲ့အတူနေ
ရတာလဲ? ဆင်းရဲနဲ့အတူနေရတာ။
ဘာနဲ့နေရတယ်?
(ဆင်းရဲနဲ့အတူနေရတာပါဘုရား)။
အေး…… အဲဒီတော့မှ နိဗ္ဗာန်ဆိုတာ
ဘာလဲလို့ မေးရင်__
အဲဒိ ဆင်းရဲမရှိတာ နိဗ္ဗာန်။
ဘာမှမရှိတာ နိဗ္ဗာန်မဟုတ်ဘူး။
ဘာမရှိတာလဲ?
(ဆင်းရဲမရှိတာပါဘုရား)။
အခုရှိနေတာ ဘာလဲ?
(ဆင်းရဲပါဘုရား)။
ဥူးသုမင်္ဂလ
(ဒယ်အိုးဆရာတော်)
ရွေးခြယ်ခံထိုက်သူ
တရားတော်မှ
No comments:
Post a Comment