အရေးကြီးလို့ ထပ်တင်ပါတယ်
ပထမ ဘဒ္ဒေကရတ္တသုတ်အပါအဝင်
★ ★ ★ ★ ★ ★ ★ ★
ပစ္စုပ္ပန်တည့်တည့် ဆိုတဲ့စကားကို ပြောလေ့ရှိကြတယ်။ အဲ့ဒီ ပစ္စုပ္ပန်တည့်တည့် ဆိုတဲ့စကားက အတိတ်မရှုရဘူး အနာဂါတ်မရှုရဘူးဆိုတဲ့ အဓိပ္ပါယ်မယူရဘူး အားလုံးဟာ ပစ္စုပ္ပန်တည့်တယ်ဆိုတဲ့ သဘောတရားက ဖြစ်လာလို့ရှိရင် ဖြစ်လာတဲ့ခိုက်မှာ သိဖို့က ပိုပြီးတော့ အရေးကြီးတယ်။ အဲဒါကြောင့် ဝိပဿနာ ရှုတဲ့အခါမှာ-
`ပစ္စုပ္ပန္နဉ္စ ယော ဓမ္မံ တတ္ထ တတ္ထ ဝိပဿတိ´ လို့ #ဘဒ္ဒေကရတ္တသုတ်မှာ မြတ်စွာဘုရား ဟောထားတယ်။ ပစ္စုပ္ပန်အခိုက် ရှုရမယ်ဆိုတဲ့နေရာ ပစ္စုပ္ပန်ကို ခွဲခြားသိဖို့ လိုသေးတယ်။ ပစ္စုပ္ပန်ဟာ ခဏပစ္စုပ္ပန်၊ သန္တတိပစ္စုပ္ပန်၊ အဒ္ဓါပစ္စုပ္ပန်ရှိတယ်။ ခဏပစ္စုပ္ပန်ဟာ ဖြစ်ခိုက်ကလေးကို ပြောတာ။ အဲဒီဖြစ်ခိုက်ကလေးမှာ နာမ်ကို ရှုလို့မရဘူး။ စိတ်က နှစ်ခု မဖြစ်ဘူး။ စိတ်ကို ရှုတဲ့စိတ် အရှုခံစိတ်ပေါ့။ စိတ်ကို စိတ်နဲ့ရှုတယ် ဆိုတဲ့နေရာမှာ အရှုခံ စိတ်ကလေးက တစ်ခု၊ ရှုတဲ့စိတ်က တစ်ခု။ အရှုခံစိတ်ကလေး ဖြစ်နေတဲ့အခိုက်မှာ ရှုတဲ့စိတ်က မပေါ်နိူင်သေးဘူး။ အရှုခံ စိတ်လေး ပျက်သွားတဲ့ အချိန်ကျမှ ရှုတဲ့စိတ် ပေါ်လို့ရတယ်။ နှစ်ခုပြိုင် ဖြစ်လို့မရဘူး။
နှစ်ခုပြိုင်ဖြစ်လို့မရသည့် အတွက်ကြောင့် ပစ္စုပ္ပန် တည့်တည့်ရှုတယ်ဆိုတာ ခဏပစ္စုပ္ပန်ကို ပြောတာမဟုတ်ဘူး။ နာမ်နဲ့ ပတ်သတ်လာရင် သန္တတိပစ္စုပ္ပန်ကို ပြောတာ။ ဖြစ်စဉ်လေးတစ်ခု .. ဥပမာ မျက်စိကနေ အဆင်းကို မြင်ပြီးတော့ ထိုအဆင်းပေါ်မှာ တွေးနေတဲ့ အချိန်ပိုင်းဟာ ပစ္စုပ္ပန်ပဲ။ သန္တတိပစ္စုပ္ပန်လို့ ခေါ်တယ်။ ဖြစ်ဆဲလေး တစ်ခုဟာ ပစ္စုပ္ပန်တစ်ခု။ အခု ဒီစာကို ဖတ်နေတယ် .. ဖတ်နေတဲ့ အချိန်အတိုင်းအတာတစ်ခု အချိန်ကာလတစ်ခုကို ပစ္စုပ္ပန်လို့ခေါ်တယ်။ အဲဒီ ပစ္စုပ္ပန်ကိုလည်း ရှုလို့ရတယ်။ ပြီးဆုံးသွားတာက အတိတ် ဖြစ်သွားပြီ။ အဲဒီတော့ ပစ္စုပ္ပန်တည့်တည့်ဆိုတာ အခုလက်ရှိ သန္တတိပစ္စုပ္ပန် အဒ္ဓါပစ္စုပ္ပန် တို့ကနေပြီးတော့ သန္တတိပစ္စုပ္ပန်ကိုရှုရင် အရှုခံစိတ်နဲ့ ရှုမှတ်တဲ့စိတ် နှစ်ခုဟာ ကပ်နိူင်သမျှ ကပ်သွားလို့ရှိရင် ကြားထဲမှာ ကိလေသာ မညပ်တော့ဘူးပေါ့။ နောက်ကျမှ ရှုရင် ကြားထဲမှာ အများကြီးကွာသွားပြီ။ ဆိုလိုတာက ဝီထိတစ်ခုနဲ့ တစ်ခုပေါ့။ အာရုံကို သိတဲ့ ဝီထိကတစ်ခု ပြန်ပြီးတော့ မှတ်တဲ့ ဝီထိကတစ်ခု အဲဒီ ဝီထိနှစ်ခုကြား ကိလေသာညပ်တာ မရှိဘူးဆိုရင် ဒါပစ္စုပ္ပန်တည့်သွားပြီလို့ ပြောလို့ရပါတယ်။
သို့သော် ခုနကလို ဖြစ်ခိုက် တည့်တည့် မဟုတ်ဘူး။ သန္တတိပစ္စုပ္ပန် အဒ္ဓါပစ္စုပ္ပန်ပဲ ဖြစ်နိူင်တယ်။ ခဏပစ္စုပ္ပန် မဖြစ်နိူင်ပါဘူး။ ဆိုပါစို့ ... မျက်စိက မြင်လို့ မြင်သည့် စိတ်တွေရဲ့ဖြစ်စဉ် (Process) ဝီထိကတစ်ခု အဲဒါကိုပြန်ပြီးတော့ ရှုတဲ့စိတ်ရဲ့ဖြစ်စဉ် (Process)က တစ်ခုပေါ့။ အဲဒီကြားမှာ မြင်ပြီးတဲ့နောက်မှာ သာယာတဲ့ လောဘတွေ မုန်းတီးတဲ့ ဒေါသတွေ မဖြစ်ရအောင် မြင်ပြီးတာနဲ့တပြိုင်နက် ရှုမှတ်တဲ့စိတ် နောက်က ကပ်လိုက်လာတာ။ ဒီ(Process)ပြီးရင် နောက်(Process)က မှတ်တဲ့စိတ် ဖြစ်သွားတယ်။ အဲဒါဆိုရင် ကြားထဲမှာ ကိလေသာ မညပ်တော့ဘူး။
အဲ့ဒါကိုပဲ ပစ္စုပ္ပန်တည့်တယ်လို့ ပြောတယ်။ ပစ္စုပ္ပန်တည့်တယ်ဆိုတာ ကြားထဲမှာ ကိလေသာ ခိုမသွားအောင် ညပ်မသွားအောင် ရှုတာ။ အဲ့ဒီ အဆင့်ရောက်သွားပြီဆိုရင် ရှေ့ကဖြစ်တာ နောက်ကသိတယ်။ မိုးကုတ်ဆရာတော်ဘုရားကြီး ပြောတဲ့ (ရှေ့ကဖြစ်ပျက် နောက်က မဂ်ဆိုတာ) အဲ့ဒါမျိုးကို ဆိုလိုတာပေါ့။
ပါမောက္ခချုပ်ဆရာတော်ကြီး၏
(ဓမ္မဗျူဟာ အမေးအဖြေမှ)
၁ - #ဘဒ္ဒေကရတ္တသုတ် မြန်မာပြန်
••••••••••••••••••••••••••••••••••••••••••
အကျွန်ုပ်သည် ဤသို့ ကြားနာခဲ့ရပါသည်အခါတစ်ပါး၌ မြတ်စွာဘုရားသည် သာဝတ္ထိပြည် အနာထပိဏ်သူဌေး၏ အရံဖြစ်သော ဇေတ၀န်ကျောင်း၌ သီတင်းသုံး နေတော်မူ၏၊ ထိုအခါ မြတ်စွာဘုရားသည် ရဟန်းတို့ကို "ရဟန်းတို့" ဟူ၍ မိန့်တော်မူ၏။ "အသျှင်ဘုရား" ဟု ထိုရဟန်းတို့သည် မြတ်စွာဘုရားအား ပြန်ကြား လျှောက်ထားကြကုန်၏။ မြတ်စွာဘုရားသည် "ရဟန်းတို့ သင်တို့အား ဘဒ္ဒေကရတ္တ၁သုတ်၏ အကျဉ်း(ဥဒ္ဒေသ)နှင့် အကျယ်(နိဒ္ဒေသ)ကို ဟောပေအံ့၊ ထိုသုတ်ကို နာကြားကြကုန်လော့၊ ကောင်းစွာ နှလုံးသွင်းကြကုန်လော့၊ ဟောပေအံ့" ဟု ဤစကားကို မိန့်တော်မူ၏။ "အသျှင်ဘုရား ကောင်းပါပြီ" ဟု ထိုရဟန်းတို့သည် မြတ်စွာဘုရားအား ပြန်ကြား လျှောက်ထားကြကုန်၏။
မြတ်စွာဘုရားသည် ဤစကားကို မိန့်တော်မူ၏ -
အတိတ်ခန္ဓာသို့လည်း အစဉ်မလိုက်ရာ၊ အနာဂတ်ခန္ဓာကိုလည်း မတောင့်တရာ၊ အတိတ်ခန္ဓာသည် ချုပ်ပြီးပြီ၊ အနာဂတ်ခန္ဓာလည်း မရောက်လာသေး။ ပစ္စုပ္ပန်ဖြစ်သော သဘောတရားကို ထိုထိုဖြစ်ဆဲ ခဏ၌သာလျှင် ၀ိပဿနာ ရှုသော ထိုပုဂ္ဂိုလ်သည် တွန့်တိုခြင်း ပျက်စီးခြင်း မရှိသော ထိုဝိပဿနာ ရှုမှုကို အဖန်ဖန် ပွါးများရာ၏။ အဘယ်သူသည် နက်ဖြန်၌ သေရမည်ကို သိနိုင်အံ့နည်း၊ ယနေ့ကပင်လျှင် အားထုတ်သင့်သော ကုသိုလ်ကောင်းမှု အလုပ်ကို ပြုလုပ်သင့်၏၊ ငါတို့မှာ များသော စစ်သည် ရှိသော ထိုသေမင်းနှင့် ချိန်းချက်ထားမှုသည် မရှိသည်သာတည်း။ ဤသို့ နေလေ့ရှိသော လွန်စွာ အားထုတ်ခြင်း ရှိသော နေ့ ညဥ့်ပတ်လုံး မပျင်းမရိ အားထုတ်သော ထိုရဟန်းကို စင်စစ် (ကောင်းသော ညဥ့်တစ်ညဥ့်ရှိသော ရဟန်း) ဟူ၍ ကိလေသာ ငြိမ်းအေးပြီးသော မြတ်စွာဘုရားသည် ဟောကြားတော်မူ၏။
ရဟန်းတို့ အဘယ်သို့လျှင် အတိတ် ခန္ဓာသို့ အစဉ်လိုက်သနည်း။
"အတိတ်ကာလက ဤသို့ နှစ်သက်ဖွယ် ကောင်းသော ရုပ်အဆင်းရှိသူ ဖြစ်ဖူးပြီ" ဟု ထိုရုပ်၌ နှစ်သက်ခြင်းကို အဖန်ဖန် ဖြစ်စေ၏။ "အတိတ်ကာလက ဤသို့ နှစ်သက်ဖွယ် ကောင်းသော ခံစားခြင်း(ဝေဒနာ) ရှိသူ ဖြစ်ခဲ့ဖူး၏" ဟု ထိုဝေဒနာ၌ နှစ်သက်ခြင်းကို အဖန်ဖန် ဖြစ်စေ၏။ "အတိတ်ကာလက ဤသို့ နှစ်သက်ဖွယ်ကောင်းသော မှတ်သားမှု(သညာ) ရှိသူ ဖြစ်ခဲ့ဖူး၏" ဟု ထိုသညာ၌ နှစ်သက်ခြင်းကို အဖန်ဖန် ဖြစ်စေ၏။ "အတိတ်ကာလက ဤသို့ နှစ်သက်ဖွယ်ကောင်းသော ပြုပြင်စီရင်မှု(သင်္ခါရ) ရှိသူ ဖြစ်ခဲ့ဖူး၏" ဟု ထိုသင်္ခါရ၌ နှစ်သက်ခြင်းကို အဖန်ဖန် ဖြစ်စေ၏။ "အတိတ်ကာလက ဤသို့ နှစ်သက်ဖွယ်ကောင်းသော သိမှု(၀ိညာဏ်) ရှိသူ ဖြစ်ခဲ့ဖူး၏" ဟု ထိုဝိညာဏ်၌ နှစ်သက်ခြင်းကို အဖန်ဖန် ဖြစ်စေ၏။ ရဟန်းတို့ ဤသို့လျှင် အတိတ်ခန္ဓာသို့ အစဉ်လိုက်၏။
ရဟန်းတို့ အဘယ်သို့လျှင် အတိတ်ခန္ဓာသို့ အစဉ်မလိုက်သနည်း။
"အတိတ်ကာလက ဤသို့ နှစ်သက်ဖွယ်ကောင်းသော ရုပ်အဆင်းရှိသူ ဖြစ်ခဲ့ဖူး၏" ဟု ထိုရုပ်၌ နှစ်သက်ခြင်းကို အဖန်ဖန် မဖြစ်စေ။ "အတိတ်ကာလက ဤသို့ နှစ်သက်ဖွယ် ကောင်းသော ခံစားမှု(ဝေဒနာ) ရှိသူ ဖြစ်ခဲ့ဖူး၏" ဟု ထိုဝေဒနာ၌ နှစ်သက်ခြင်းကို အဖန်ဖန် မဖြစ်စေ။ "အတိတ်ကာလက ဤသို့ နှစ်သက်ဖွယ်ကောင်းသော မှတ်သားမှု(သညာ) ရှိသူ ဖြစ်ခဲ့ဖူး၏" ဟု ထိုသညာ၌ နှစ်သက်ခြင်းကို အဖန်ဖန် မဖြစ်စေ။ "အတိတ်ကာလက ဤသို့ နှစ်သက်ဖွယ်ကောင်းသော ပြုပြင်စီရင်မှု(သင်္ခါရ) ရှိသူ ဖြစ်ခဲ့ဖူး၏" ဟု ထိုသင်္ခါရ၌ နှစ်သက်ခြင်းကို အဖန်ဖန် မဖြစ်စေ။ "အတိတ်ကာလက ဤသို့ နှစ်သက်ဖွယ်ကောင်းသော သိမှု(၀ိညာဏ်) ရှိသူ ဖြစ်ခဲ့ဖူး၏" ဟု ထိုဝိညာဏ်၌ နှစ်သက်ခြင်းကို အဖန်ဖန် မဖြစ်စေ။ ရဟန်းတို့ ဤသို့လျှင် အတိတ်ခန္ဓာသို့ အစဉ်မလိုက်။
ရဟန်းတို့ အဘယ်သို့လျှင် အနာဂတ်ခန္ဓာကို တောင့်တသနည်း။
"အနာဂတ်ကာလ၌ ဤသို့ နှစ်သက်ဖွယ်ကောင်းသော ရုပ်အဆင်းရှိသူ ဖြစ်လို၏" ဟု ထိုရုပ်၌ နှစ်သက်ခြင်းကို အဖန်ဖန် ဖြစ်စေ၏။ပ။ ဤသို့ နှစ်သက်ဖွယ်ကောင်းသော ခံစားမှု(ဝေဒနာ) ရှိသူ ဖြစ်လို၏။ပ။ ဤသို့ နှစ်သက်ဖွယ်ကောင်းသော မှတ်သားမှု(သညာ) ရှိသူ ဖြစ်လို၏။ ဤသို့ နှစ်သက်ဖွယ်ကောင်းသော ပြုပြင်စီရင်မှု(သင်္ခါရ) ရှိသူ ဖြစ်လို၏။ "အနာဂတ်ကာလ၌ ဤသို့ နှစ်သက်ဖွယ်ကောင်းသော သိမှု(၀ိညာဏ်) ရှိသူ ဖြစ်လို၏" ဟု ထိုဝိညာဏ်၌ နှစ်သက်ခြင်းကို အဖန်ဖန် ဖြစ်စေ၏။ ရဟန်းတို့ ဤသို့လျှင် အနာဂတ်ခန္ဓာကို တောင့်တ၏။
ရဟန်းတို့ အဘယ်သို့လျှင် အနာဂတ်ခန္ဓာကို မတောင့်တသနည်း။
"အနာဂတ်ကာလ၌ ဤသို့ နှစ်သက်ဖွယ်ကောင်းသော ရုပ်အဆင်းရှိသူ ဖြစ်လို၏" ဟု ထိုရုပ်၌ နှစ်သက်ခြင်းကို အဖန်ဖန် မဖြစ်စေ။ ဤသို့ နှစ်သက်ဖွယ် ကောင်းသော ခံစားမှု(ဝေဒနာ) ရှိသူ ဖြစ်လို၏။ ဤသို့ နှစ်သက်ဖွယ်ကောင်းသော မှတ်သားမှု(သညာ) ရှိသူ ဖြစ်လို၏။ ဤသို့ နှစ်သက်ဖွယ်ကောင်းသော ပြုပြင်စီရင်မှု(သင်္ခါရ) ရှိသူ ဖြစ်လို၏။ "အနာဂတ်ကာလ၌ ဤသို့ နှစ်သက်ဖွယ်ကောင်းသော သိမှု(၀ိညာဏ်) ရှိသူ ဖြစ်လို၏" ဟု ထိုဝိညာဏ်၌ နှစ်သက်ခြင်းကို အဖန်ဖန် မဖြစ်စေ။ ရဟန်းတို့ ဤသို့လျှင် အနာဂတ်ခန္ဓာကို မတောင့်တ။
ရဟန်းတို့ အဘယ်သို့လျှင် ဖြစ်ဆဲ ပစ္စုပ္ပန်တရားတို့၌ တွန့်တိုသနည်း။
ရဟန်းတို့ ဤလောက၌ အရိယာတို့ကို ဖူးမြင်လေ့ မရှိသော, အရိယာတရား၌ မကျွမ်းကျင်သော, အရိယာတရား၌ မယဉ်ကျေးသော၊ သူတော်ကောင်းတို့ကို ဖူးမြင်လေ့ မရှိသော, သူတော်ကောင်းတရား၌ မကျွမ်းကျင်သော, သူတော်ကောင်းတရား၌ မယဉ်ကျေးသော, အကြားအမြင် မရှိသော ပုထုဇဉ်သည် ရုပ်ကို အတ္တ(ကိုယ်) ဟု ရှု၏၊ (ကြွင်းခန္ဓာကို) ရုပ်ရှိသော အတ္တဟု လည်းကောင်း၊ အတ္တ၌ ရုပ်ဟု လည်းကောင်း၊ ရုပ်၌ အတ္တဟု လည်းကောင်း ရှု၏၊ ခံစားမှု(ဝေဒနာ)ကို။ပ။ မှတ်သားမှု(သညာ)ကို။ ပြုပြင်စီရင်မှု(သင်္ခါရ)တို့ကို။ သိမှု(၀ိညာဏ်)ကို အတ္တ(ကိုယ်) ဟု ရှု၏၊ (ကြွင်းခန္ဓာကို) ၀ိညာဏ် ရှိသော အတ္တဟု လည်းကောင်း၊ အတ္တ၌ ၀ိညာဏ်ဟု လည်းကောင်း၊ ၀ိညာဏ်၌ အတ္တဟု လည်းကောင်း ရှု၏။ ရဟန်းတို့ ဤသို့လျှင် ဖြစ်ဆဲ ပစ္စုပ္ပန်တရားတို့၌ တွန့်တို၏။
ရဟန်းတို့ အဘယ်သို့လျှင် ဖြစ်ဆဲ ပစ္စုပ္ပန်တရားတို့၌ မတွန့်တိုသနည်း။
ရဟန်းတို့ ဤလောက၌ အရိယာတို့ကို ဖူးမြင်လေ့ ရှိသော, အရိယာတရား၌ ကျွမ်းကျင်သော, အရိယာတရား၌ ယဉ်ကျေးသော၊ သူတော်ကောင်းတို့ကို ဖူးမြင်လေ့ ရှိသော, သူတော်ကောင်းတရား၌ ကျွမ်းကျင်သော, သူတော်ကောင်း တရား၌ ယဉ်ကျေးသော, အကြားအမြင်ရှိသော မြတ်စွာဘုရား၏ တပည့်သည် ရုပ်ကို အတ္တ(ကိုယ်) ဟု မရှု၊ (ကြွင်းခန္ဓာကိုလည်း) ရုပ်ရှိသော အတ္တဟု မရှု၊ အတ္တ၌ ရုပ်ဟု မရှု၊ ရုပ်၌ အတ္တဟု မရှု။ ခံစားမှု(ဝေဒနာ)ကို။ မှတ်သားမှု(သညာ)ကို။ ပြုပြင်စီရင်မှု(သင်္ခါရ)တို့ကို။ သိမှု(၀ိညာဏ်)ကို အတ္တ ဟု မရှု၊ (ကြွင်းခန္ဓာကို) ၀ိညာဏ် ရှိသော အတ္တ ဟု မရှု၊ အတ္တ၌ ၀ိညာဏ်ဟု မရှု၊ ၀ိညာဏ်၌ အတ္တဟု မရှု။ ရဟန်းတို့ ဤသို့လျှင် ဖြစ်ဆဲ ပစ္စုပ္ပန်တရား၌ မတွန့်တို။ အတိတ်ခန္ဓာသို့လည်း အစဉ်မလိုက်ရာ၊ အနာဂတ်ခန္ဓာကိုလည်း မတောင့်တရာ၊ အတိတ်ခန္ဓာသည် ချုပ်ပြီးပြီ၊ အနာဂတ်ခန္ဓာလည်း မရောက်လာသေး။ ပစ္စုပ္ပန်ဖြစ်သော သဘောတရားကို ထိုထိုဖြစ်ဆဲ ခဏ၌သာလျှင် ၀ိပဿနာ ရှုသော ထိုပုဂ္ဂိုလ်သည် တွန့်တိုခြင်း ပျက်စီးခြင်း မရှိသော ထိုဝိပဿနာ ရှုမှုကို အဖန်ဖန် ပွားများရာ၏။ အဘယ်သူသည် နက်ဖြန်၌ သေရမည်ကို သိနိုင်အံ့နည်း၊ ယနေ့ကပင်လျှင် အားထုတ်သင့်သော ကုသိုလ်ကောင်းမှု အလုပ်ကို ပြုလုပ်သင့်၏၊ ငါတို့မှာ များသော စစ်သည်ရှိသော ထိုသေမင်းနှင့် ချိန်းချက်ထားမှုသည် မရှိသည်သာတည်း။ ဤသို့ နေလေ့ရှိသော လွန်စွာအားထုတ်ခြင်း ရှိသော နေ့ ညဥ့်ပတ်လုံး မပျင်းမရိ အားထုတ်သော ထိုရဟန်းကို စင်စစ် (ကောင်းသော ညဥ့်တစ်ညဥ့်ရှိသော ရဟန်း) ဟူ၍ ကိလေသာငြိမ်းအေးပြီးသော မြတ်စွာဘုရားသည် ဟောကြားတော်မူ၏။
"ရဟန်းတို့ သင်တို့အား ဘဒ္ဒေကရတ္တသုတ်၏ အကျဉ်း(ဥဒ္ဒေသ)နှင့် အကျယ်(နိဒ္ဒေသ)ကို ဟောပေအံ့" ဟူ၍ ဆိုခဲ့သော စကားကို ဤသည်ကို အစွဲပြု၍ ငါဆိုခဲ့၏ ဟု (မိန့်တော်မူ၏)။ မြတ်စွာဘုရားသည် ဤတရား ဒေသနာတော်ကို ဟောကြားတော်မူ၏။ ထိုရဟန်းတို့သည် မြတ်စွာဘုရား၏ တရားဒေသနာတော်ကို ၀မ်းမြောက်ဝမ်းသာ လွန်စွာ နှစ်သက်ကုန်ပြီ။
(ရှေးဦးစွာသော ဘဒ္ဒေကရတ္တသုတ် ပြီး၏)
၁။ ဘဒ္ဒ+ဧကရတ္တ- ဘဒ္ဒ၊ ၀ိပဿနာ အားထုတ်မှုရှိသောကြောင့် ကောင်းသော။ ဧကရတ္တ၊ ညဥ့်တစ်ညဥ့်။ ဘဒ္ဒေကရတ္တ ၀ိပဿနာ အားထုတ်မှုရှိသော ကောင်းသော ညဥ့်တစ်ညဥ့်ရှိသော ပုဂ္ဂိုလ်။
-----------------------------------------
ဝိဘင်္ဂဝဂ်၊ ဥပရိပဏ္ဏာသ ပါ။မြန်
No comments:
Post a Comment