🔄 ❝ အဖေါ်ကောင်းရှိပါစေ ❞
☘ လောက မှာ အဖေါ် ဆိုတာ လိုအပ်တယ်။
ပစ္စုပ္ပန် အဖေါ်ရယ် သံသရာ အဖေါ် ရယ်လို့  (၂)မျိုး ရှိပါတယ်။
☘ ပစ္စုပ္ပန်မှာ အဖေ အမေ အကိုအမ ဇနီးမယား
သမီး သားရယ်လို့  မိသားစု အဖေါ်တွေ လိုအပ်ပါတယ်။
အဲ့ဒီ အဖေါ်တွေကတော့ တဘ၀စာ တနပ်စာ အတွက်ရပ်တည်ကြမယ့်သူတွေပါ။
ဒီ အဖေါ်တွေမှာလည်း ကောင်းတဲ့ အဖေါ်ရှိသလို
မကောင်းတဲ့ အဖေါ်လည်း ရှိပါတယ်။
ကောင်းကျိုးလိုလားသူဆိုရင်တော့ ကောင်းတာတွေ ဖြစ်မယ်။ သံသရာအတွက်ပါ
ကောင်းမယ်။
မကောင်းတဲ့ အဖေါ်ကတော့ ခုလည်း
မကောင်းဘူး သံသရာအတွက်လည်း
မကောင်းနိုင်ဘူး။
☘ ဒါန ။သီလ ။ သမထ။ ၀ိပဿ နာ ဆိုတဲ့
လေးမျိုးသော ကုသိုလ် တရားတွေဟာ
သံသရာ အတွက် အဖေါ်ကောင်းတွေ ဖြစ်ပါတယ်။
☘ မိုးကုတ် ဆရာတော်ဘုရားကြီး က •••
ဇာတိ တရားလက်ခံထားသူ များဗိုလ်လူတို့ 
နောက်မူ စင်စစ် သေမင်းလက်သို့ 
အသက် အပ်နှင်း မယွင်းသေချာ
ဖြစ်မြဲသာတည့်လို့  ဆိုထားပါတယ်။
☘ အကယ် ၍များ အဖေါ်ကောင်းမရှိခဲ့ရင်
ဇာတိ ကို ရထားတဲ့ ခန္ဓာတိုင်းဟာ
အိုမှုသဘော ကို`၎င်း
နာမှုသဘောကို၎င်း ခံစားရတဲ့အခါ မခံစား
နိုင်ဖြစ်ကြတယ်။
အဖေါ်ကောင်းရှိထားတဲ့သူတွေ ကတော့
အိုခြင်းသဘော နာခြင်းသဘောကို သိရှိ
ပြီး ဖြစ်သလိုအဖေါ် ကောင်းရဲ့
အထောက် အပံ့ နဲ့ ပြုံးပြုံး ရွင်ရွှင်
ရင်ဆိုင်နိုင်ကြပါတယ်။
☘ ဇာတိ ရဲ့ နောက်မှာ ဇရာ မရဏ
ကပ် ပါလာတာပါ။
ခန္ဓာကို ရတဲ့သူတိုင်းဟာ
ရုပ်ကိုစွဲလမ်းတတ်တယ်။
ဝေဒနာ ကိုစွဲလမ်း တတ်တယ်။
အဲ့ဒီလိုစွဲလမ်းတော့
အိုမှုသဘော နာမှုသဘော ရုပ် ရဲ့ ဖေါက်
ပြန်မှုသဘောတွေကို မခံစားနိုင်အောင် ဝေဒနာ
ဖြစ်တတ်ကြပါတယ်။
✠ သေမည့် ခန္ဓာ သေခန္ဓာ မှန်စွာဖြစ်ရမည်။
✠ နာမည့် ခန္ဓာ နာခန္ဓာ မှန်စွာ ဖြစ်ရမည်။
✠ အိုမည့်ခန္ဓာ အိုခန္ဓာ မှန်စွာ ဖြစ်ရမည်။
✠ အိုဖို့  ရလာ အိုခန္ဓာ အိုမှာ မကြောက်နဲ့။
✠ နာဖို့ရလာ နာခန္ဓာ နာမှာ မကြောက်နဲ့။
✠ သေဖို့ ရလာ သေခန္ဓာ သေမှာ
မကြောက်နဲ့ လို့ 
မြတ်စွာဘုရားရှင် ကိုယ်တော်မြတ်က
ဆုံးမတော်မူခဲ့ပါတယ်။
☘ ဘုရားရှင် ဘယ်လောက်ပဲဆုံးမထား
ဆုံးမထား ၀ိပဿ နာ အသိလေးနဲ့
လေ့ကျင့်အားထုတ်ထားခြင်း
မရှိရင်တော့ သတိကပ်ပြီး မှတ်နိုင်မှာ
မဟုတ်ပါဘူး။
အဖေါ် ကောင်းကို ရှာဖွေ ပေါင်းဖေါ်
ထားခြင်းမရှိတဲ့အတွက်
နာရင်နာတယ် လို့ ခံစားပြီး ငါနာတယ်
ငါကျင်တယ်လို့
ဖြစ်နေကြမှာပါ။
☘ ၀ိပဿ နာ အသိလေးနဲ့ သတိလေးကပ်ပြီး
နာတာကိုမှတ်မယ် နာခြင်းသဘောကို
ဖြစ်ပျက်ရှုမယ် ဆိုရင်
အဖေါ်ကောင်း နဲ့ နေသူဖြစ်တဲ့အတွက်
နိဗ္ဗာန် ကို အဲ့ဒီ အဖေါ်ကောင်းက
ပို့ဆောင်ပေးမှာ ဖြစ်ပါတယ်။
☘ ဒါကြောင့် အဖေါ်ကောင်း နဲ့
ပေါင်းတတ် သင်းတတ်မှသာ
အဲ့ဒီ အဖေါ်ကောင်းက
နိဗ္ဗာန် ပို့ မယ်အပါယ် တံခါး ကို
ပိတ်ပေးပါလိမ့်မယ်။
အဖေါ်ကောင်းရှိမှာသာ ချမ်းသာ ကို
ရပါလိမ့်မယ်။
【မြောက်ဦးဆရာတော် ၀န၀ါသီအရှင်ဝါယာမိန္ဒ 】
No comments:
Post a Comment