အပါယ်ကျတာ သူတို့ကြောင့်
~~~~~~~~~~~~~~~~~~
>> ဘုန်းကြီးတို့ ပရိသတ်တွေ တွေ့ဖူးကြလိမ့်မယ်။
မြွေတစ်ကောင်ဟာ ဖားကိုခဲထားပြီ မျိုထားပြီဆိုရင်
မလွှတ်တော့ဘူး။
ခြောက်လန့်လို့လည်း မရဘူး။
အော်ဟစ်လို့လည်း ဂရုမစိုက်တော့ဘူး။
အပြင်းအထန်ကို ခဲထားတာ။
ဖြေလို့ ဖြုတ်လို့မရအောင်ကို ဆုပ်ထားတာနော်။
>> အစွဲအလမ်းဆိုတာ ဒီလိုပါပဲ။
စွဲမိရင် ဒီအစွဲကို ချွတ်ဖို့ မလွယ်တော့ဘူး။
သဲသဲမဲမဲကို စွဲတော့မယ်။
ခုနက မြင်တယ် ကြားတယ် ထိတွေ့ခံစားရတယ်
ဆိုတာတွေဟာ တကယ်တော့ ငါမဟုတ်ဘူး။
ရုပ်နာမ်တရားတွေ ခန္ဓာတရားတွေ
သဘောတရားသက်သက်ပဲ။
ငါ မပါဘူးနော်။
>> ဒါပေမယ့် အစွဲက ပြင်းထန်နေတော့ ပြင်လ်ို့မရဘူး။
ငါသိတယ် ငါမြင်တယ် ငါစားတယ် ငါသွားတယ်
ငါ့ဥစ္စာ ငါ့ပစ္စည်း ငါ့လင် ငါ့မယားလို့ကို စွဲနေတယ်။
အမှန်ကို မမြင်နိုင်လောက်ကို စွဲလမ်းနေကြတယ်။
>> ဘယ်လိုမျှ မမြင်နိုင်ဘူး။
ပြင်ခိုင်းလို့လည်း မရဘူး။
အမှန်အမြင်က်ို လက်မခံနိုင်ဘူး။
ငါဆိုတာက်ို ဗဟိုပြုပြီး သာယာတယ်။
အထင်အမြင်တွေ လွဲချော်နေတယ်။
လာပြီနော် တဏှာ ဒိဋ္ဌိ။
>> တချို့များ သေပြီးတာတောင် မကျွတ်ဘူး။
ပြောင်းသွားတာတောင် အစွဲကို မစွန့်လွှတ်နိုင်လို့
အပါယ်ရောက်ရတယ်။
လိုချင်တဲ့ တဏှာနဲ့ အမြင်မှားတဲ့ ဒိဋ္ဌိ။
သူတ်ို့ကြောင့် ဥပါဒါန် ဖြစ်လာ။
အဲဒီ ဥပါဒါန်က အပါယ်ငရဲကို ပို့ပြီး
သံသရာလည်နေတာ။
ဒုက္ခသံသရာကြီး လည်နေတာ။
>> အစွဲအလမ်းကြောင့် မဟုတ်တာတွေလုပ်
မဟုတ်တာတွေပြော မမှန်တာတွေ မတော်တာတွေ
ကြံစည်ပြီး အပါယ်သွားကြတယ်ပေါ့။
အပါယ်မကျချင် ဥပါဒါန် ပယ်ရမယ်။
ဆင်းရဲဒုက္ခ ကင်းချင်ရင် အစွဲ ဥပါဒါန်ကို ပယ်ရမယ်။
>> ဘုရား ရဟန္တာ ပစ္စေကဗုဒ္ဓါ အရှင်မြတ်တွေမှာ
ခန္ဓာတော့ ရှိပါရဲ့။
အပါယ်မသွားတော့ဘူး။
ဥပါဒါန် ပယ်လိုက်လို့ အစွဲကျွတ်သွားလို့ပေါ့။
ပုထုဇဉ်တွေက စွဲစရာ များလွန်းလို့ ခေါင်းစဉ်တောင်တပ်
လို့ မကုန်နိုင်ဘူး။
အကုန်လိုက်ပြီး စွဲနေတယ်။
စွန့်ရမှာတွေကို စွဲနေကြတယ်။
>> အပါယ်မကျချင်ရင် ဥပါဒါန် ပယ်ရမယ်။
အထင်လွဲမှု သာယာမှုတွေနဲ့ အစွဲဥပါဒါန်တွေ
ပျောက်အောင် ဘုန်းကြီးတို့ပရိသတ် ခန္ဓာငါးပါးက်ို
ရှုရမယ်။
ခန္ဓာငါးပါးကို အမှန်အတိုင်း မြင်အောင်ကြည့်ရမယ်။
>> အမှန်တကယ် ရှိနေတဲ့ ခန္ဓာငါးပါးကို တလွဲမထင်ဘဲ
မသာယာဘဲနဲ့ ခန္ဓာငါးပါးလို့ မြင်လ်ိုက်ရင်
အမှန်မြင်သွားတယ်။
အထင်အမြင်လွဲတာ သာယာတာ စွဲလမ်းတာတွေ
ပျောက်သွားပါတယ်။
ဘာမှ မဟုတ်ပါလား။
ငါသူတစ်ပါး ယောင်္ကျား မိန်းမ မဟုတ်ပါလား။
ရုပ်တရားနဲ့ နာမ်တရားပဲ ရှိတယ်။
တခြား ဘာမျှမရှိဘူးလို့ မြင်အောင်ကြည့်ရပါမယ်။
>> ခံစားတာ မှတ်သားတာ ပြုပြင်စီမံတာ သိတာပဲ
ရှိတယ်။
တခြား ဘာမျှမရှိဘူးလို့ မြင်ရင် ဥပါဒါန် အစွဲအလမ်းတွေ
ကင်းပါတယ်။
တရားသိမြင်ပါတယ်။
# ဓမ္မဒူတ အရှင်ပညိဿရ၏
လိုရင်းတိုရှင်းဝိပဿနာ တရားတော်မှ #
12.11.2018
No comments:
Post a Comment