ကမ္ဘာ ကြီး လွမ်း ကျန်ရစ်အောင် လုပ်ကြစမ်းပါ

ကမ္ဘာ ကြီး လွမ်း ကျန်ရစ်အောင် လုပ်ကြစမ်းပါ
(သီတဂူဆရာတော်ဘုရားကြီး)
**************************

"လူစွမ်းကောင်းတွေဟာ အခွင့်အရေး ဆိုပြီး-
ဘာကိုဘဲ ယူမလဲ?။

အချိန်နဲ့ အလုပ်ပဲ။

တို့ များ ဘာ Degree မှ မရဘူး ။
B.A လည်း မရှိဘူး ။
M.A လည်း မရှိဘူး ။
Ph.D. ကလည်း မိုးပေါ်ကျ Ph.D။

ဒါပေမယ့် တိုို့ရဲ့ Degree က ဘာလည်း ဆိုရင် -
time and work.
အချိန် ရှိသလောက် အလုပ်လုပ်။
အဲ့ဒါ Degree ဘဲ။

အချိန်တွေ ရှိတယ် - အလုပ် မလုပ်ဘူး ဆိုရင်
အဲ့ဒီ "ပုဂ္ဂိုလ်ရဲ့ဘဝ"ဟာ "အချည်းနှီး"ဘဲ ။

လောကကြီးကို ကျေးဇူးပြုတဲ့ အရာတွေ။

" ရဝိ, စန္ဒော, ဃနာ, ရုက္ခာ ၊
နဒီ, ဂါဝေါစ, သဇ္ဇနာ ။
ဧတေ ပရောပကာရာယ ။
ယုဂေ ဘာဂျေန နိမ္မိတာ ။ "

"ရဝိ"= "နေ"
----------------

"ရဝိ"-ဆိုတဲ့ "ပါဠိပုဒ်"က "နေ"ပေါ့ ။

"နေ"သာ မထွက်ခဲ့ရင် တို့ ဘာမရဘူးလဲ?။
အပူရှိန် မရဘူး။
အကုန်လုံး သေကြဖို့ဘဲ။

-"နေ"မရှိတဲ့ အရပ်တွေ
-"နေ"မရောက်တဲ့ အရပ်တွေ

"ကမ္ဘာ မြောက်ခြမ်း"မှာ"နေ"သွားနေတဲ့ အချိန်မှာ-
"တောင်ခြမ်း"ကလူတွေ"ရေခဲ"ထဲမှာ နေရတာ
အကုန်သိတယ်နော်။

"ကမ္ဘာ တောင်ခြမ်းမှာ"နေ"သွားရင်
"မြောက်ခြမ်း"ကလူတွေ ရေခဲထဲမှာ နေကြရတယ်။

အဲဒီလို အေး နေတော့
အဲဒီ "အအေး"ကို Protect လုပ်ဖို့ "အပူ"ရှာကြတယ်။
"နေ"ဟာ "ပူပြင်းတယ်"ဆိုပေမယ့်
လောကကြီးကို သိပ် ကျေးဇူးပြုတယ် ။

လမင်း
--------

"နေ"ဝင်သွားရင် ကမ္ဘာကြီး အမှောင်ကျတယ်။
"မှောင်ပြီ"ဆိုရင် လူတွေက ကြောက်တယ်။

လူတွေက ကြောက်တော့ အလင်းရောင် တ- တယ်။
"လ"ပေါ်လာလို့ လင်းသွားတော့ ဘာဖြစ်သွားလဲ?။
ကြောက်စိတ်တွေ ပြေလို့ မကောင်းဘူးလား ။

ထိတ်လန့်တုန်လှုပ်နေတဲ့ ကမ္ဘာလူသားအားလုံးကို
ကြောက်စိတ်ပြေအောင် ဆောင်ရွက်နိုင်ဖို့
အရေးကြီးတယ်။

"လ"ကဲ့သို့ ကမ္ဘာ့လူသားတွေကို ကျေးဇူးပြုရမယ်။
ကမ္ဘာလူသားတွေကို ခြိမ်းခြောက်ဖို့ စိတ်မကူးနဲ့။

"အလင်း"လာဖို့ တောင့်တတာကနေ
"အလင်းရောင်"ရလာတော့
"ကြောက်စိတ်"တွေ ပြေပြီး
"အလိုဆန္ဒ"တွေ ပြည့်လာလို့ "ဆန္ဒ" လို့
ခေါ်တာကနေ -"ဆ"ကို "စ"ပြောင်းလိုက်တာ။
ဘယ်သူ ပြောင်းပစ်လိုက်မှန်း မသိဘူးလေ။

"ဃနာ"="မိုးတိမ်"
----------------------

"မိုးတိမ်"မရှိဘဲ ကောင်းကင်ကြီး လင်း ရှင်း နေရင်
"နေပူရှိန်"က သိပ်ထိုးတယ်။

အဲဒီ "မိုးတိမ်ထုထည်"ကို မရခဲ့ရင်
"ပင်လယ်"ထဲက "ရေ"ကို
"သယ်ဆောင်ပေးမယ့် အရာဝတ္ထု"မရှိဘူး လေ။

"ပင်လယ်"က"ရေ"ကို "မိုးတိမ်"က သယ်လာတာ။
"လေ"က တွန်းပေးလို့
"မိုးတိမ်"တွေ ကုန်းပြင်ပေါ် ရောက်တဲ့အခါ
"ရေ"တွေက များလွန်းတော့
လေးပြီးတော့ ထိန်းမထားနိုင်တဲ့ အတွက်ကြောင့်
အောက်ကို ယို ကျတာ ။
ဒါကိုဘဲ "မိုးရွာတယ်"။

"မိုးတိမ် မရှိ"ရင် "မိုး မရွာ"ဘူး ဗျ။
မိုးတိမ်- လောကကြီးကို သိပ် ကျေးဇူးပြုတယ် ။

သစ်ပင်
---------

အဲဒီတော့ "ကမ္ဘာမြေကြီး"ကို "အရိပ်" နာနာပေးမှ
"မိုးတိမ်"က သယ်လာတဲ့ "ရေ"တွေကို
ထိန်းနိုင်မှာပေါ့။

"အရိပ်"ကင်းမဲ့ရင် "မိုးတိမ်"က သယ်လာတဲ့
"ရေ"တွေကို"ကမ္ဘာမြေကြီး"က မထိန်းနိုင်ဘူး။

အဲဒါကြောင့်-
"အရိပ်ကောင်းတဲ့ သစ်ပင်"ဟာလည်းဘဲ"မိုးရေ"ကို
ထိန်းပြီးတော့
"လူသား"တွေကို "အရိပ်"ပေးတဲ့
"ကျေးဇူးရှင်များ"ဖြစ်ကြတယ် ။

"နဒီ"= "မြစ်"
----------------

"ဧရာဝတီ"ဆိုတဲ့ "မြစ်ကြီး"ဟာ
သယ်လာတဲ့ "ရေ"တွေဟာ သူ သောက်ဖို့ မဟုတ်ဘူး။

- ဒီ မြစ်ရိုးတစ်လျှောက်က လူတွေ
အကုန်"သောက်"တယ် ။
- မြစ်ရိုးတစ်လျှောက်က လူတွေ
ဒီရေနဲ့ "ကောက်ပဲသီးနှံ"စိုက်တယ် ။

"မြစ်"တို့သည် "ရေ"ကို သယ်လာတာ
- သူ့အတွက် မဟုတ်ဘူး ။
- သူတစ်ပါးအတွက် သယ်လာတာ ။

"ဂါဝေါစ - ဂါဝေါ"="နွားထီး နွားမ"
--------------------------------------

"နွားထီး"တွေ ပုခုံးပွန်းအောင် ရုန်းတယ် ။
- သူတို့ ကောက်ရိုးဘဲ စားတယ်လေ ။
- ကျန်တဲ့သူတွေ အကုန် "ဆန်၊ စပါး"
ဝိုင်းစားကြတာ ။

-သူတစ်ပါးတို့ကို ဆန်စပါး ပေးစားပြီး
-သူ ကိုယ်တိုင်က "ကောက်ရိုး"ဘဲ စားတယ် ။

အေး အလုပ် သိပ်လုပ်ပြီးတော့-
"ကောင်းတာ ငါချည်းစားမယ်"ဆိုတဲ့ စိတ်ဓာတ် မမွေးကြနဲ့ ။

ရုန်းလို့ ကုန်းလို့ လုပ်ရတဲ့-
"သူတစ်ပါးအတွက်"ဆိုတဲ့
"သူတစ်ပါး ဦးစားပေး စိတ်ဓာတ်"ကို အားလုံးမွေးကြ။

သူတစ်ပါး ပေးကမ်းပြီးတော့မှ
ပိုတာ လျှံတာလေး ကိုယ် "စား"
ဒီလို စိတ်ကူးထား ။

"နွားထီး"လို ကုန်းရုန်းလုပ်ပြီး-
- တိုင်းပြည် အတွက်
- သာသနာတော် အတွက်
"သယ်ပိုးလိုတဲ့ စိတ်ဓာတ်"တွေ မွေးကြဖို့ လိုမယ် ။

နောက်တစ်ခါ -
"ဂါဝီ"ပေါ့လေ၊ "နွားမ"။
"နွားမ"တွေ "နို့ရည်"တွေ တဒီးဒီး ယိုစီးကျတယ်။

မင်းတို့ ငါတို့ ဝိုင်း သောက်တာ
သူ့သား နွားလေးတောင်
ကောင်းကောင်း မသောက်လိုက်ရဘူး ။

အဲဒီတော့ လုပ်ကိုင်ဆောင်ရွက်လို့
ပေါ်လာတဲ့ အကျိုးစီးပွား -

တို့ ဘယ်နှစ်နှစ် ရှိပြီလည်း လုပ်နေတာ ။
"ရေ","ဆေး","တက္ကသိုလ်","တခြား ပရဟိတ"တွေ,
"စက္ခုဒါန ဆေးရုံ"တွေ,
နည်းနည်းနောနော ပိုက်ဆံတွေ မဟုတ်ဘူး ။

လောကကြီး ကို-
"အသက်မဲ့ အရာဝတ္ထု"တွေက
ကျေးဇူးပြုနေတာ အားလုံး အသိဘဲ။

-အသက် မဲ့သော
-စိတ်ဝိဉာဏ် မရှိသော
အရာဝတ္ထုတွေ လောကကို ကျေးဇူးပြုရင်

Graduated ဖြစ်နေတဲ့ -
-သိတတ်တဲ့
-စိတ်ဝိဉာဏ် ရှိနေတဲ့ -
မင်းတို့တစ်တွေ
လောကကြီးကို ကျေးဇူးပြုကြရမယ်။

အဲတော့-
တို့က ဘာလုပ်ဖို့လည်း ဆိုတော့
- စာတွေ သင်ကြတာ
- ဘွဲ့တွေ Degree တွေ ယူကြတာ-

ဘာလုပ်ဖို့လဲ?

"လောကကြီးကို ကျေးဇူးပြုဖို့"။

-အဲဒီ အဓိဋ္ဌာန်ကို စွဲစွဲမြဲမြဲ မှတ်ပြီးတော့
-ဒီ ဘွဲ့ ဒီဂရီတွေကို အခြေခံထားပြီးတော့,

ကမ္ဘာလောကကြီးထဲမှာ ဆက်လက်၍ သင်ကြား-
"ကမ္ဘာ တစ်ဝှမ်းလုံးကို ကျေးဇူးပြုတဲ့ ပုဂ္ဂိုလ်"တွေ
ဖြစ်နိုင်အောင် ဖြစ်အောင် အားလုံး ကြိုးစားကြရမယ် ။

"Gifted men achieve time and work
as their opportunity."

"လူစွမ်းကောင်း"ဆိုလို့ရှိရင် "အခွင့်အရေး"က-
- လစာ လည်း မတောင်းဘူး။
- ရိက္ခာ လည်း မတောင်းဘူး။
- နေရာ ရာထူး လည်း မတောင်းဘူး။

သူက-
- အချိန် များများ ယူမယ်။
- အလုပ် များများ လုပ်မယ်။
"လူစွမ်းကောင်း"က အဲဒါဘဲ။

တို့ "နှစ်(၈၀) လုံးလုံး"လုပ်ခဲ့တာဘဲ။
နောက်လည်း လုပ်ဦးမှာဘဲ။

ကြားဖြတ်ပြီး ရယ်စရာလေးတောင် ပြောချင်တယ်။

"နတ်ပြည် (၆)ထပ်"မှာ
"အပေါ်ဆုံးနတ်"က ဘာလဲ?
"ပရနိမ္မိတ၀ဿဝတီ"။

အေး-
မင်းတို့က "ပရနိမ္မိတ၀ဿဝတီ နတ်"တွေ။

"ပရနိမ္မိတ"ဆိုတဲ့ စာလုံးက
အနက်ထင်ရဲ့လား?။

"သူတစ်ပါး ဖန်ဆင်းတဲ့ ဘုံ"
တက်နေတဲ့ ကောင်တွေ။

ငါ ကတော့-
မင်းတို့အောက်က "နိမ္မာနရတိ"
လောက်ပဲ "နတ်ပြည်"ရောက်ရင် ငါ ရောက်မယ်။

(ဆရာတော်ကြီးမှ ပြုံးရယ်လျက်)

စဉ်းစဉ်းစားစား မင်းတို့ အလုပ်လုပ်ကြ။

"နိမ္မာနရတိ နတ်ပြည်"ဆိုတာ
ကိုယ့်ဘုံ,ကိုယ့်ဘာသာ ဖန်ဆင်းပြီး
နေရတာ ပျော်တာ ငါဘဲ။

မင်းတို့တတွေက
သူများ ဖန်ဆင်းပြီးသား ဘုံပေါ် တက်ပြီး
ဒူးနှံ့နေကြတာ။

(ဆရာတော်ကြီးမှ ပြုံးရယ်လျက်)

တပည့်တွေ
ကြီးကြီးကျယ်ကျယ် တွေး
ကြီးကြီးကျယ်ကျယ် ကြံဖို့ လိုတယ်။

ငါ "အာသီဝိသောပမ-သုတ္တန်"ကျက်နေ