“မ” ဖျက်ရင် ပြည်ပျက်တယ်

ဒီစကားပုံကို လူတော်တော်များများက”မိန်းမ” ဖျက်ရင် ပြည်ပျက်မယ်လို့ ဆိုလိုတယ်ထင်မှတ်နေကြတာ။

ဒီစကားပုံ ဘာကြောင့်ပြောလဲ ?ပါချုပ်ဆရာတော်ကြီး Dr နန္ဒမာလာ ဘိဝံသရှင်းတမ်းလေးမှာ မိန့်ကြားတော်မူပါတယ်။

မိန်းမ ဖျက်လို့ ပြည်မပျက်ပါဘူး မ- ဖျက်ရင်သာ ပြည်ပျက်တာပါ

“မ”ဖျက်ရင် ပြည်ပျက်မယ်ဆိုတဲ့စကားကိုလူမှန်းသိစတဲက ကြားဘူးပါတယ်။

ဥပဒေတခု ရေးဆွဲကြမယ်ဆိုရင်တားမြစ်ချက် ၊ လိုက်နာဆောင်ရွက်ရမည့် စည်းကမ်းစသဖြင့် ကျင့်သုံးစရာ လိုက်နာစရာ တွေရှိပါလိမ့်မယ်။

ထိုအခါမှာ ဥပဒေအရ ဖြစ်စေ၊အန္တရာယ်ဖြစ်စေနိုင်တဲ့ သတိပေးစရာ၊လုပ်ဆောင်ခွင့်မပြုသင့်တာမှန်သမျှ “မ” အက္ခရာဖြင့် တားမြစ်ရေးသားတာရှိပါတယ်။

ဥပမာငါး မဖမ်းရ၊ ရေ မကူးရ၊ဥပဒေကို မချိုးဖောက်ရ၊ မကောင်းတာ မလုပ်ရ၊သစ်ပင် မခုတ်ရ၊ ဆေးလိပ် မသောက်ရ၊ အများကြီးပါ။

ဒါကို ဥပဒေချိုးဖောက်ချင်တဲ့သူက “မ” အက္ခရာကိုဖျက်ပြီးကိုယ်လုပ်ချင်တာ လုပ်ကြမယ်ဆိုရင် စည်းကမ်းလိုက်နာမှုမရှိဘဲ ချမှတ်ထားတဲ့ဥပဒေတွေဟာ အလဟဿဖြစ်တော့မှာ ဖြစ်တဲ့အတွက် နောက်ဆုံး တိုင်းပြည်ပါပျက်စီးနိုင်လို့

‘မ’ ကိုမဖျက်ကြပါရန်ရှေးမြန်မာစာဆိုကြီးတွေရဲ့အဆို အမိန့်ဖြစ်ပါတယ်။

ဆရာတော်ဘုရားကြီးအားအလွန်ကျေးဇူးတင်အပ်ပါတယ်။

(26,5,2017 မွန်းလွဲပိုင်း ပါမောက္ခချုပ်ဆရာတော်ဘုရားကြီး ကိုယ်တော်တိုင်MRTV 4 မဟာဗောဓိရုပ်သံ လိုင်းမှ တရားဟောကြားစဉ် ထဲ့သွင်းဟောကြားခဲ့ခြင်းဖြစ်ပါတယ်)

Credit – ( အရှင် ဓမ္မပါလ )