"နတ်ပြည် ခြောက်ထပ်အကြောင်းသိကောင်းစရာ"
👆👆👆👆👆👆👆👆👆👆👆👆👆👆👆👆👆
နတ်ဟူသည် မြန်မာစကား " နာထ" ဟူသော ပါဠိမှ
ဆင်းသက်လာသည်ဟု ဝေါဟာရလိနတ္တဒီပနီကျမ်း၌
ဖွင့်ဆိုထားသည် ။
နတ်ကို ပါဠိဘာသာအားဖြင့် " ဒေဝ" ဟူ၍၎င်း၊
" ဒေဝတာ " ဟူ၍၎င်းခေါ်ဝေါ်သုံးစွဲခဲ့သည်။
နတ်ပြည်ခြောက်ထပ်၏ မြေအမျိုးအစားမှာ လူ့ပြည်ကဲ့သို့ ဖုန်မှုန့်ပါသော မြေမျိုးမဟုတ်ပဲ ဖန်မြေ ၊ မှန်မြေ ဖြစ်၏။
ဖုန်မှုန့်အညစ်အကြေး ကင်းစင်ကြသဖြင့် နတ်တို့၏ ကိုယ်ကာယအဆင်းသည် ဝင်းလက်တောက်ပြောင်ကြသည်။နတ်တို့စားသုံးသော နတ်သုဒ္ဓါကား အစွမ်းထက်သောအဆီအနှစ်များဖြစ်သည့်အတွက် လူတို့ကဲ့သို့
အပေါ့ အလေးစွန့်ရန်မလိုအပ်ပေ။ဗြဟ္မာပြည်တွင် လိင်ကွဲပြားမှုမရှိသော်လည်း နတ်ပြည်တွင်မူ နတ်သား၊ နတ်သမီးလိင်ကွဲပြားမှုရှိပြီး ချစ်မှုကြိုက်မှုလည်းရှိသည်။ နတ်သား ၊ နတ်သမီးတို့သည် လူသားများကဲ့သို့ကြိုးပမ်းအားထုတ်စရာမလိုပဲ မိမိသဘောကျနှစ်ခြိုက်သည့်အရာကို စိတ်ညွှတ်ယုံဖြင့် အရာခပ်သိမ်းကိစ္စပြီးစီးနိုင်ကြ၏ ။
နတ်ပြည် ၆ ထပ်မှာ......
(၁) စတုမဟာရာဇ်
(၂) တာဝတိံသာ
(၃) ယာမာ
(၄) တုသိတာ
(၅) နိမ္မာနရတိ
(၆) ပရနိမ္မိတဝသဝတ္တီ တို့ဖြစ်သည်။
စတုမဟာရာဇ် မှာ အောက်ဆုံးဖြစ်၍
ပရနိမ္မိတဝသဝတ္တီ မှာ အထက်ဆုံးအထပ်ဖြစ်လေသည်။
၁ ။ "စတုမဟာရာဇ် "
ဓတရဋ္ဌ၊ဝိရူဠက၊ဝိရူပက္ခ၊ကုဝေရ ဟူသော နတ်မင်းကြီးလေးပါးကို ပါဠိလို " စတုမဟာရာဇ "ဟူခေါ်၏ ။
(စတု = လေးယောက်သော + မဟာရာဇ = နတ်မင်းကြီး)
ထိုနတ်မင်းကြီးလေးပါးကိုဆည်းကပ်ခစားရသည့်လက်အောက်ခံ နတ်တို့ကို "စတုမဟာရာဇိက"
ဟုခေါ်သည်။နတ်မင်းကြီးလေးပါးနှင့် စတုမဟာရာဇိက နတ်တို့၏ နေရာဘုံကို ပါဠိလို "စတုမဟာရာဇိကာ" မြန်မာလို စတုမဟာရာဇ် ဘုံ ဟုခေါ်လေသည်။
ဤ ဘုံ၌
ဓတရဋ္ဌ နတ်မင်း
ဝိရူဠက နတ်မင်း
ဝိရူပက္ခ နတ်မင်း
ကုဝေရ နတ်မင်း ဟူသော နတ်မင်းကြီးလေးပါးက အုပ်စိုးသည်။
-ဓတရဋ္ဌ ငွေရောင်တောက်ပသောမြင့်မိုရ်တောင်၏နတ်မင်းကြီးသည် အလယ်ခုလတ် အရှေ့ဘက်နံပါး၌ တည်လျှက် ဂန္ဓဗ္ဗနတ် (မွေးကြိုင်သော နံ့သာပင်၌ ပဋိသန္ဓေတည်ကြသော နတ်များ)အပေါင်းတို့ကို
အုပ်ချုပ်မင်းလုပ်သည်။
- ဝိရူဠကနတ်မင်းကြီးသည် မြရောင်တောက်ပသော
မြင့်မိုရ်တောင်၏ တောင်ဘက်နံပါး၌တည်လျှက် ကုမ္ဘာန
( ပြူးကျယ်နီဝန်းသောမျက်စိ ၊ ကြီးမားသောဝမ်းဗိုက်နှင့်ဝှေးစေ့ ရှိကြသော ဒါနဝရက္ခိုသ် )အပေါင်းတို့ကို အုပ်ချုပ် မင်းလုပ်သည်။
- ဝိရူပက္ခနတ်မင်းကြီးသည် ဖန်ရောင်တောက်ပသော
မြင့်မ်ိုရ်တောင်၏ နောက်ဘက်နံပါး၌တည်၍ နတ်နဂါး
အပေါင်းတို့ကိုအုပ်ချုပ်မင်းလုပ်သည်။
- ကုဝေရနတ်မင်းကြီးသည် ရွှေရောင်တောက်ပသော
မြင့်မိုရ်တောင်၏မြောက်ဘက်နံပါး၌ တည်လျှက် နတ်ဘီလူးအပေါင်းတို့ကိုအုပ်ချုပ်မင်းလုပ်သည်။
စတုမဟာရာဇ်နတ်ပြည်သည် လူ့ဘုံ၏ အထက်ယူဇနာလေးသောင်းနှစ်ထောင်ဝေးကွာသော ယုဂန္ဓိုရ်တောင် (မြင့်မိုရ်တောင်ထက်ဝက်အမြင့်ရှိ၏)ထိပ်မှစ၍ မြင့်မိုရ်တောင်အောက်ခြေအထိကျယ်ပြန့်သည်။
စတုမဟာရာဇ်နတ်များ၏သက်တမ်းမှာ သူတုိ့၏ အရေအတွက်အားဖြင့် အနှစ် (၅၀၀) ရှိ၏။
လူတို့၏အရေအတွက်အားဖြင့်အနှစ် (၉) သန်းဖြစ်သည်။လူ့နှစ်ပေါင်း (၅၀ )သည် စတုမဟာရာဇ် နတ်သက် (၁) ရက်ဖြစ်သည်။
၂ ။ "တာဝတိံသာ "
မာဃလုလင်အမှူးရှိသော အတူတကွကောင်း
မှုပြုဖော်ပြုဖက်ဖြစ်သော ၃၃ တာဝတိံသာ
နတ်ပြည်ဟုခေါ်သည်။တာဝတိံသာနတ်ပြည်သည် မြင့်မိုရ်တောင်၏ တောင်ထိပ်၌ယောက်သောသူတို့၏နေရာဖြစ်သောဘုံကိုတည်ရှိသောကြောင့် စတုမဟာရာဇ်နတ်ပြည်နှင့် ယူဇနာ ၄၂, ၀၀၀ ကွာဝေးသည်။တာဝတိံသာ၏ တည်နေပုံမှာ.ယူဇနာ တစ်သောင်း ကျယ်ပြန့်သည်ဟုဆို၏ ။
ထိုနတ်ပြည်၌ တံခါးပေါင်းတစ်ထောင်ရှိ၍ အရှေ့တံခါးနှင့်အနောက်တံခါး ၊ တောင်တံခါးနှင့် မြောက်တံခါးတို့သည် ယူဇနာတစ်သောင်းကွာဝေးသည်ဟုဆိုသည် ။နတ်ပြည်၏ အလယ်တွင်မူရတနာခုနှစ်ပါးတို့ဖြင့်စီချယ်ထားသော ယူဇနာတစ်ထောင်အမြင့်ရှိသည့် ဝေဇယန္တာပြဿဒ်ကြီး တစ်ခုရှိလေသည်။ထိုပြဿဒ်ကြီးကို ယူဇနာသုံးရာမြင့်သော ထီးတံခွန်တို့ဖြင့်ဝန်းရံထားသည်။ ထို့ပြင် ယူဇနာငါးဆယ်ကျယ်သော နန္ဒာရေကန်နှင့် ယူဇနာခြောက်ဆယ်ရှိသော နတ်သစ်ပင် ၊ ပန်းပင်တို့ဖြင့်ဝေဆာနေသော ဥယျာဉ်ကြီးငါးခု တို့လည်း သာယာကြည်နူးဖွယ်ရှိလေသည်။
ဥယျာဉ်ကြီး ၅ ခုမှာ
(၁) နန္ဒဝန်ဥယျာဉ် - မြို့၏အရှေ့ဘက်ယူဇနာ တစ်ထောင်ကျယ်၍ နတ်တို့နှစ်သက်စွာပျော်ပါးရာ ဥယျာဉ်တော်။
(၂) ဖာရုသက ဥယျာဉ် - မြို့၏ တောင်ဘက် ယုဇနာ ၇၀၀ ကျယ်၍ အဖျော်ယမကာတို့သောက်စားကာ အသူရာတို့အားကြိမ်းဝါးခြိမ်းခြောက်ရာ ဥယျာဉ်တော်။
(၃) စိတ္တလတာဥယျာဉ် - မြို့၏အနောက်ဘက်ယူဇနာ ၅၀၀ ကျယ်၍ အာသာဝတီနွယ်နီ နတ်ပန်း ဆွတ်လှန်းပျော်ပါးရန် ၊ ဆန်းကြယ်သောအဝတ်တန်ဆာယာဉ်ရထားတို့ဖြင့် ဝင်ထွက်ရာဥယျာဉ်တော်။
(၄)မိဿက ဥယျာဉ် -မြို့၏ မြောက်ဘက်ယုဇနာ ၅၀၀ ကျယ်၍ နတ်သား၊ နတ်သမီးတို့ယှဉ်တွဲပျော်မြူးရာ ဥယျာဉ်တော်။
(၅) မဟာဝန် ဥယျာဉ် - မြို့၏ အရှေ့ဘက်ယူဇနာ ၇၀၀ ကျယ်၍ လှပဆန်းကြယ်နှစ်သက်ဖွယ်ရာ သုနန္ဒာရေကန်တော်ကြီး ရှိသည့် ဥယျာဉ်တော်။
ထို့ပြင် တာဝတိံသာနတ်ပြည်တွင် ပင်လယ်ကသစ်ပင်ဟူ၍လည်းရှိပေသည် ။ပင်လယ်ကသစ်ပင်၏ အဝန်းမှာယူဇနာသုံးရာ ၊လုံးပတ်မှာ တစ်ဆယ့်ငါးယူဇနာ ၊အမြင့်မှာယူဇနာတစ်ရာရှိသည်။ထိုအပင်ခြေရင်း၌ ယူဇနာအားဖြင့် အလျားခြောက်ဆယ် ၊ အနံငါးဆယ် ၊ထုတစ်ဆယ့်ငါးယူဇနာရှိသော ပဏ္ဍကမ္ဗလာ မြကျောက်ဖျာ တည်ရှိလေသည်။မြကျောက်ဖျာသည် လယ်ခေါင်ရမ်းပွင့် အရောင်အသွေးကဲ့သို့ နီသွေးသောအရောင်အဆင်းရှိသည်။အလွန်နူးညံ့သောကမ္ဗလာဖြစ်၍ သိကြားမင်းထိုင်လျှင်ကိုယ်တစ်ဝက်မြုပ်၍ ထလျှင်ပြန်၍ပြည့်မြဲပြည့်သောကမ္ဗလာဖြစ်လေသည်။
တာဝတိံသာ၌ ကုသိုလ်ကောင်းမှုပြုလုပ်ရန် စူဠာမဏိစေတိတော်လည်း ရှိပေသည်။ထိုစေတီတော်သည် ယူဇနာတစ်ရာအမြင့်ရှိသော မြသားစေတီတော်ဖြစ်သည်။ မြတ်စွာဘုရား၏ ဆံတော်၊ မကိုဋ်တော်သာမက ၊လက်ယာအထက်စွယ်တော်ပါ ကိန်းဝပ်တည်ရှိသည်။ သုဓမ္မာအမည်ရှိသော နတ်တို့အစည်းအဝေးပြုလုပ်ရာ နတ်သဘင်ဓမ္မာရုံကြီးလည်းရှိပေသည်။
ဤတာဝတိံသာ ဘုံ၌ သိကြားမင်းနှင့် ပဇာပတိ ၊ဝရုဏ ဤသာန စသော (၃၃) ပါးသောနတ်မင်းကြီးတို့စံနေကြသည်။ တာဝတိံသာ နတ်သက်မှာ အနှစ် (၁၀၀၀) ဖြစ်သည်။လူတို့၏ နှစ်အရေအတွက်အားဖြင့် သုံးကုဋေခြောက်သန်းရှိသည်။ လူ့သက်တမ်းအနှစ် (၁၀၀) သည် တာဝတိံသာ ၌ နတ်သက် (၁) ရက်ဖြစ်သည်။
၃။" ယာမာ"
ဆင်းရဲဒုက္ခမှကင်းသော နတ်ချမ်းသာများစံနေရာဘုံဖြစ်သည်။ ထိုဘုံ၌ အပရာဇိပလ္လင်တော်ထက်က "ဘုရားမဖြစ်မချင်း ငါမထတော့ " ဟူသောအဓိဋ္ဌာန်နဲ့ ဘုရားအဖြစ်ရဖို့ကြိုးစားတော်မူခဲ့တဲ့ သိဒ္ဓတ္ထဘုရားလောင်းကို သားမြီးယပ်နဲ့ပူဇော်ခဲ့သော သုယာမနတ်မင်းကြီးအုပ်ချုပ်မင်းလုပ်လေသည်။ထိုနတ်မင်းသည်
သိကြားမင်းရာထူးကိုလည်း ရလေသည်။ယာမာနတ်ပြည်သည် တာဝတိံသာအထက် ယူဇနာ ၄၂၀၀၀အကွာမှာ တည်ရှိသည်။
ယာမာနတ်သက်သည် အနှစ် (၂၀၀၀) ဖြစ်သည်။လူတို့၏အရေအတွက်အားဖြင့်ဆိုလျှင် (၁၄)ကုဋေ (၄ )သန်း ရှိလေသည်။ လူတို့၏ အနှစ် (၂၀၀) သည် ယာမာနတ်သက် (၁) ရက်ဖြစ်သည်။
၎။" တုသိတာ"
ကြီးကျယ်မြင့်မြတ်သော စည်းစိမ်ကျက်သရေတို့နှင့် ပြည့်စုံ၍ ရွှင်လန်းနှစ်သက်ခြင်းတို့ရောက်နေကြသော နတ်တို့စံရာဘုံဖြစ်သည်။ထိုဘုံ၌ဖြစ်သော နတ်တို့သည် အမြဲမပြတ် ရွှင်မြူးနှစ်သက်ပျော်ပါးနေရသောကြောင့် တုသိတာ နတ်ပြည်ဟုခေါ်လေသည်။ထိုဘုံ၌ သန္တုဿိတာနတ်မင်းကြီး အုပ်ချုပ်မင်းလုပ်နေသည်။
ဗုဒ္ဓဘုရားလောင်းသည် ဘုရားမဖြစ်မီ တစ်ဘဝ၌ တုသိတာ နတ်ပြည်၌ "သေတကေတု "မည်သော နတ်သားဖြစ်လေသည်။ဘုရားအလောင်း ၊ ဘုရားအလောင်းမယ်တော်စသည့် သူတော်ကောင်းများစံရာ နတ်ဘုံဖြစ်သည်။နောင်ပွင့်တော်မူမည့် အရိမေတ္တယျဘုရားအလောင်းတော် အဇိတနတ်သား စံစားလျက်ရှိသော နတ်ဘုံလည်းဖြစ်ပေသည်။ယာမာနတ်ပြည်၏ အထက်ယူဇနာ ၄၂၀၀၀ အကွာမှာတည်ရှိလေသည်။
တုသိတာနတ်သက်သည် နှစ်ပေါင်း (၄၀၀၀) ရှိသည်။ လူ့အရေအတွက်အားဖြင့်ဆိုလျှင် (၅၇)ကုဋေ (၆)သန်း ရှိသည်။ လူတုိ့၏အနှစ် (၄၀၀) သည် တုသိတာနတ်သက် (၁) ရက်ဖြစ်သည်။
၅ ။" နိမ္မာနရတိ"
ထိုနတ်ပြည်ရှိနတ်တုိ့သည် ပင်ကိုယ်ရှိပီးသားစည်းစိမ်ထက် ပို၍ခံစားလိုကြသောအခါမိမိတို့ကိုယ်တိုင် စိတ်တိုင်းကျဖန်တီး၍ မွေ့လျော်လေ့ရှိသော နတ်များဖြစ်ကြသည်။အပိုအလွန်စည်းစိမ်ခံစားလိုသော အခါ မိမိတို့လိုရာ အဆင်း ၊ အသံတုိ့ကိုဖန်ဆင်း၍ ထိုဖန်ဆင်းသောအာရုံ၌ပင်မွေ့လျော်ပျော်ပိုက်ကြသည်။ထို့ကြောင့်ထိုနတ်များကို "နိမ္မာနရတိ" နတ်များဟုခေါ်သည်။ ထိုနတ်ပြည်ကို " သုနိမ္မိတ"နတ်မင်း ကြီးအုပ်ချုပ်မင်းလုပ်သည်။သာဝတ္ထိပြည် ဒုတိယကျောင်းအလှူရှင်ဒါယိကာမကြီး ဝိသာခါသည် နတ်မင်းကြီး၏ နတ်မိဖုရားခေါင်ကြီးအဖြစ်စံစားလျှက်ရှိသည်။တုသိတာနတ်ပြည်၏အထက်ယူဇနာ ၄၂၀၀၀ အကွာမှာတည်ရှိလေသည်။
နိမ္မာနရတိနတ်သက်မှာ နှစ်ပေါင်း ၈၀၀၀ ရှည်၍ လူ့အရေအတွက်အားဖြင့်ဆိုလျှင် နှစ်ပေါင်း ၂၃၀ ကုဋေ နှင့် ၄ သန်းရှိ၏။ လူတုိ့၏အနှစ် ၈၀၀ သည် နိမ္မာနရတိနတ်သက် ၁ ရက်ဖြစ်သည်။
၆ ။ "ပရနိမ္မိတဝသဝတ္ထိ "
ထိုနတ်ပြည်ရှိနတ်တို့သည် မိမိတုိ့အလိုရှိရာကို ကိုယ်တိုင်ဖန်ဆင်းစရာမလိုပဲ အစေအပါးနတ်များ၏အလိုက်သိစွာ စိတ်တိုင်းကျဖန်ဆင်းပေးသောစည်းစိမ်ချမ်း သာတို့ကိုစံစားကြရလေသည်။ထိုနတ်ဘုံ၌ မြတ်စွာဘုရားရှင်ကို အမြဲလိုက်လံနှောက်ယှက်တတ်သော မာရ် နတ်မင်းလည်း သီးသန့်စံမြန်းလျက်ရှိသည်။ ပရနိမ္မိတဝသဝတ္ထိနတ်ပြည်ကို " ဝသဝတ္ထိနတ်မင်းကြီး" ကအုပ်ချုပ်မင်းလုပ်သည်။ ထိုနတ်ဘုံ၏ နတ်သက်သည် နှစ်ပေါင်း ၁၆၀၀၀ ရှိ၍ လူ့အရေအတွက်အားဖြင့်ဆိုလျှင် နှစ်ပေါင်း ၉၂၁ ကုဋေ နှင့် ၆ သန်းရှိသည်။ လူတို့၏ နှစ် ၁၆၀၀ သည် ပရနိမ္မိတဝသဝတ္ထိနတ်သက် ၁ ရက်ဖြစ်သည်။
✏ ဗုဒ္ဓကျမ်းဂန်များကိုအခြေခံ၍ ကိုးကားရေးသားပါသည်။
No comments:
Post a Comment