ဗေဒင်လဲ မမေးဘူး။ ကိန်းဂဏန်းတွေ အစွဲမရှိဘူး။ ရတနာမြတ် ၃ ပါးကိုသာ အလေးထားတယ်။ ဘုရားရောက်တဲ့ အခါ ဘယ်နေ့နံဒေါင့်မှာမှရှိခိုးမယ်လို့လဲ အစွဲမရှိဘူး။ ကြီး ၄ ကြီး၊ ကြီး ၉ ကြီးလဲ ပုတီးသွားစိပ်တာမျိုး မရှိဘူး။ ဆုတောင်းပြည့်ဘုရားတို့၊ ပုဂံက စွယ်တော် ၄ ဆူ နေ့ချင်းဖူးရင် ဆုတောင်းပြည့်တယ်တို့၊ ချမ်းသာတယ်တို့၊ ကျိုက်ထီးရိုးဘုရား တစ်နှစ်ထဲမှာ ၃ ခေါက် တက်ရင် ချမ်းသာတယ်တို့လဲ အယူမရှိဘူး။
ဘုရား ဆိုရင် ဘယ်နေရာက ဘုရား၊ စေတီ၊ ဆင်းတုတော်ကိုမဆို တန်းတူ သဘော ထားနိုင်တယ်။ သရဏဂုံတည်မယ်။ ၅ ပါး သီလ ကိုထိန်းမယ်။ ၈ ပါး သီလကို အခါအားလျှော်စွာ စောင့်ထိန်းမယ်။ နေ့စဉ် တရားထိုင်၊ တရားအားထုတ်မယ်။
အဲ့လို လူတွေ ဘယ်လောက်ရှိလဲ စစ်တမ်း လိုက်ကောက်ကြည့်ရင် လူဦးရေ သိပ်များမယ်မထင်ဘူးနော်။
ကံ ၊ ကံ ၏အကျိုး (ကံ=စေတနာ=အလုပ်)ကိုမယုံဘဲ မင်္ဂလိက ဒိဌိ၊ အယူအလွဲတွေကိုသာ ယုံကြည်နေကြရင် ဗုဒ္ဓဘာသာ မစစ်ဘူးပေါ့။ အညံ့စား ဗုဒ္ဓဘာသာဝင်တွေပေါ့။
ဒါကြောင့်
.
"ထေရဝါဒဗုဒ္ဓဘာသာ
.
ပီပီသသ သန့်သန့်ပြန့်ပြန့်
.
ဖြစ်နိုင်ကြပါစေ"
.
.
ပါမောက္ခချုပ်ဆရာတော်
ဘဒ္ဒန္တဒေါက်တာနန္ဒမာလာဘိဝံသ
No comments:
Post a Comment