ဘုရားကအရင်လား တရားကအရင်လား
--------------------
တချို့က မေးတတ်ကြသေးတယ်။
ဘုရားနဲ့ တရား ဘယ်သူက အရင်ပေါ်လာတာလဲတဲ့။
ဒီမေးခွန်းကို မေးတတ်ကြတယ်၊
ဘာဖြစ်လို့ မေးလဲလို့ဆိုရင် တရားကျင့်လို့ ဘုရားဖြစ်တယ်၊
အဲဒီတော့ တရားကျင့်လို့ ဘုရားဖြစ်တယ်ဆိုရင် ဘုရားမဖြစ်ခင်က တရားရှိတယ်ဆိုတဲ့ အဓိပ္ပာယ်ရတယ်။
ဘုရားမဖြစ်သေးခင် ဒီတရားကို ကျင့်ရတယ်၊အဲဒီတော့ တရားက အရင်ပေါ်တယ်လို့ တစ်ဖက်ကကြည့်ပြီး ပြောစရာရှိတယ်။
သဘာဝတရားက ရှိနေတာမှန်တယ်၊
သို့သော် ဘုရား၊ တရား၊ သံဃာ ရတနာသုံးပါးလို့ ဆိုတဲ့အထဲမယ် ဘုရားပွင့်တာက အရင်၊ ဘုရားကကျင့်လို့ ကျင့်တဲ့တရားက
ဘုရားမဖြစ်ခင်ကတရား မှန်တယ်။
သို့သော် ဒီနေရာမှာ တရားရတနာဆိုတာ
ဘုရားမဖြစ်ခင်က ကျင့်တဲ့တရားကို ပြောတာမဟုတ်ဘူး၊
မြတ်စွာဘုရား ဘုရားဖြစ်ပြီးတဲ့နောက်မှာ သိလို့ဟောတဲ့ တရားဒေသနာတွေကို ပြောတာ။
အဲဒီတော့ ဘုရားပွင့်မှ တရားဆိုတာ ပေါ်တာလေ၊
မြတ်စွာဘုရားဟောပြမှ ဒီတရားတော်တွေက ထွက်ပေါ်လာတာ။
ဒါကြောင့်မို့ ဘုရားပေါ်လာပြီးတဲ့နောက်မှာ တရားပေါ်လာတယ်၊
ကြည့်လေ မြတ်စွာဘုရားနဲ့ ဓမ္မစကြာတရား ဘယ်သူက အရင်ပေါ်လဲ။ဘုရားက အရင်ပေါ်တာလေ။
ဓမ္မစကြာတရားက နောက်မှပေါ်တယ်။
ဒါကြောင့်မို့ ဘုရားရတနာပြီးမှ တရားရတနာ။
တပုဿတို့ ဘလ္လိကတို့ မြတ်စွာဘုရားနဲ့ တွေ့တဲ့အခါမှာ
ပထမဆုံး သရဏဂုံတည်တာ အဲဒီတုန်းက သံဃာဆိုတာ မပေါ်သေးသည့်အတွက်ကြောင့် ဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ လို့ ဆိုကြရတယ်။
ဒွေဝါစိက သရဏဂုံ လို့ ခေါ်တယ်၊
ဗုဒ္ဓ နဲ့ ဓမ္မ ဒီနှစ်ခုပဲ ကိုးကွယ်လို့ရသေးတယ်၊သံဃာမရှိသေးဘူးပေါ့။
အဲဒီလို ဒွေဝါစိက သရဏဂုံနဲ့ တပုဿ၊ ဘလ္လိက တို့ဟာ ပထမဆုံး ဗုဒ္ဓဘာသာဝင်ဖြစ်ကြတဲ့ ပုဂ္ဂိုလ်တွေပဲပေါ့။
မြတ်စွာဘုရားပေါ်ပြီးတဲ့နောက်မှာ တရား ပေါ်လာတယ်၊ မြတ်စွာဘုရားဟောတဲ့တရားကို အနှစ်ချုပ်လိုက်ရင် မဂ္ဂင်ရှစ်ပါးပဲ။
အဲဒီမဂ္ဂင်ရှစ်ပါး အကျင့်တရားကို ဒီထက်
ထပ်ပြီးတော့ ချုံ့လိုက်လို့ရှိရင် သီလ၊ သမာဓိ၊ ပညာ သိက္ခာသုံးပါး အကျင့်တရားပဲ။
အဲဒီ သိက္ခာသုံးပါး အကျင့်တရားဖြင့် ဖွဲ့စည်းထားတဲ့ မဂ္ဂင်ရှစ်ပါး အကျင့်တရားသည် မည်မျှထိအောင် စွမ်းဆောင်မှု ပေးနိုင်သလဲဆိုရင် နိဗ္ဗာန်ထိအောင် စွမ်းဆောင်မှု ပေးနိုင်တယ်။
သံသရာဝဋ်က လွတ်စေဖို့အတွက် မြတ်စွာဘုရားက ဒီလမ်းစဉ်ကို ချမှတ် ဟောကြားတာ ဖြစ်တယ်။
ဆိုပါစို့၊ ဆေးဆရာပေါ်လာတဲ့အခါမှာ ဆေးဆရာက ဖော်စပ်လိုက်သည့်ဆေးသည် ရောဂါကို ပျောက်စေနိုင်တယ်၊ ဆေးဆရာက ဆေးကုတယ်လို့ပြောပေမယ့် တကယ်က ရောဂါပျောက်အောင် လုပ်တာ ဆရာက လုပ်တာမဟုတ်ဘူး၊ ရောဂါကို တကယ်ကုတာ ဘယ်သူလဲလို့ဆိုရင် ဆေးပဲ။ ဆေးမစားဘဲနဲ့ ရောဂါဆိုတာ ဘယ်လိုမှ မပျောက်ဘူး။
ဒါကြောင့်မို့ ဥပမာအားဖြင့် ပြောမယ်ဆိုရင် မြတ်စွာဘုရားက ဆေးဆရာနဲ့တူတယ်၊
ဘုရားဟောလိုက်တဲ့တရားက ဖော်စပ်လိုက်တဲ့ဆေးနဲ့ အလားတူတယ်။ဒီလိုဆိုတာ။
မြတ်စွာဘုရားသည် မှန်ကန်တဲ့ဆေးကို ညွှန်လိုက်တာကို လူနာဖြစ်တဲ့ ပုဂ္ဂိုလ်က မသောက်ဘူး၊ သတ္တဝါတွေက မကျင့်သုံးဘူး ဆိုလို့ရှိရင် ဒီအကျိုးကျေးဇူးကို ခံစားရမှာ မဟုတ်ဘူး။
ဆေးမသောက်တဲ့လူ ရောဂါမပျောက်သလိုပဲ တရား မကျင့်လို့ရှိရင်လည်း နိဗ္ဗာန်ချမ်းသာကို ရမှာမဟုတ်ဘူး၊
ဒါက ရှင်းနေတာပဲ၊အဲဒီလို ဆိုလိုတာ။
ဒါကြောင့်မို့ မြတ်စွာဘုရား ဟောကြားထားတဲ့ ဓမ္မစကြာစတဲ့ ဓမ္မဒေသနာတွေဟာ ဓမ္မရတနာပဲလို့...။
အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph. D)
No comments:
Post a Comment