လူဆိုတာ အမြဲတမ်း ကောင်းကျိုးချမ်းသာ ရတာ မဟုတ်ဘူး။

■ လူဆိုတာ အမြဲတမ်း ကောင်းကျိုးချမ်းသာ
    ရတာ မဟုတ်ဘူး။
━ တစ်ခါတလေ ရာထူးကျသွားတာ ရှိတယ်။
━ စီးပွားဥစ္စာတွေ ပျက်သွားတာ ရှိတယ်။
━ နောက်ဆုံးမှာ ကုန်းကောက်စရာ မရှိအောင်
   ဆင်းရဲသွားတာတွေ ရှိတယ်။

■ “မှားတဲ့နည်းနဲ့ ထွက်ပေါက်ရှာတာ”

❖ အဲဒီလိုရှိတဲ့အခါမှာ လူဟာ Depression 
ဝင်လာတယ်။ ဝင်လာတဲ့အခါမျိုးမှာ နိုင်ငံခြား
တိုင်းပြည်တွေမှာဆို suicide လုပ်ပစ်တာတွေ
ရှိတယ်ပေါ့။Suicide လုပ်တယ်ဆိုတာ ဒီဘဝမှာ
“မှားတဲ့နည်းနဲ့ ထွက်ပေါက်ရှာတာ” ။
နောင်ဘဝမှာ ကောင်းစားသွားမလားဆိုတော့
ဒီထက်ဆိုးတဲ့ဘဝ ရောက်သွားနိုင်တယ်။
ဘာဖြစ်လို့လဲဆိုတော့ ကိုယ့်ကိုယ်ကို သတ်သေ
တယ်ဆိုတဲ့လူက ဒေါသနဲ့ သတ်သေတာ ဖြစ်သည့်
အတွက်ကြောင့် ဒီ့ထက်ဆိုးတဲ့ “ငရဲ”
ရောက်သွားနိုင်တယ်။

❖ အဲဒီ ကိုယ့်ကိုယ်ကို သတ်သေတဲ့အမှုကိုက ငရဲကို
ရောက်သွားနိုင်တယ်။ သေခါနီးမှာ စိတ်က
ပြောင်းသွားရင်တော့ မပြောနိုင်ဘူးပေါ့။
များသောအားဖြင့် ကိုယ့်ကိုယ်ကို သတ်သေရင်
“ဒေါသ” နဲ့ သေတာ။ “ငရဲ” ဘဝ ရောက်တယ်။

❖ အကယ်၍ ဒေါသပြေပြီးတော့ ကုသိုလ်ကောင်းမှုလေး
သတိရလို့ မသေခင်လေးမှာ စိတ်ကလေး
ပြောင်းသွားရင်တော့ လူမသိနိုင်ဘူးပေါ့။
ဒါကြောင့်မို့ ကိုယ့်ကိုယ်ကို သတ်သေပြီးတော့
လူပြန်ဖြစ်တယ်ဆိုတာ ခုနက ကြားထဲမှာ
အပြောင်းအလွဲလေးတွေ ဖြစ်တတ်တယ်ပေါ့နော်။

❖ အေး၊ အဲဒီလို ပျက်စီးလာပြီဆိုတဲ့အခါ လူမှာ
    Depression  ဝင်လာတတ်တယ်။
    အဲဒီလိုလည်း မဝင်စေနဲ့တဲ့။

❖ “ဘာကြောင့် ပျက်စီးတာတုန်းလို့ အကြောင်း
     တရားကို ရှာ။ဘယ်လို ရပ်တည်ရမလဲလို့
     အကြောင်းတရားကိုရှာ။”

❖ “အတ္ထဗျာပတ္တိ အဗျထော”- ကိုယ့်ကျိုး
     ကိုယ့်စီးပွားတွေ ပျက်စီးဆုံးရှုံးလာတယ်
     ဆိုတဲ့အချိန်မှာ မတုန်လှုပ်နဲ့တဲ့။

✦“ဘာကြောင့် ပျက်စီးတာတုန်းလို့
    အကြောင်းတရားကိုရှာ။
✦ဘယ်လို ရပ်တည်ရမလဲလို့
    အကြောင်းတရားကိုရှာ”တဲ့။

❖ နိုင်ငံခြားတွေမှာ ကုမ္ပဏီကြီးတွေ စီးပွားပျက်ကပ်နဲ့
ကြုံတာရှိတယ်။မိတ်ဆွေသင်္ဂဟတွေနဲ့ အဖြေရှာပြီး
သူတို့ ကုစားကြတာပဲ။ ပံ့ပိုးပေးကြတာ။
Bankcrupt  ဖြစ်တော့မယ်ဆိုရင် ဝိုင်းပြီးတော့
Support လုပ်ကြတာ မဟုတ်လား။
လူတွေလည်း ကိုယ့်အချင်းချင်း ပြန်ပြီးတော့
ထိန်းမတ်သွားအောင် ဒီလိုပဲ လမ်းကြောင်းရှာရမယ်။
စိတ်ပျက်နေလို့က အဖြေမပေါ်ဘူး။

❖ တစ်စုံတစ်ခု စီးပွားရေးပျက်သွားရင်….
►  လမ်းကြောင်း ပြောင်းမယ်။
►  ကိုယ့်စိတ် သက်သာရာ သက်သာကြောင်း
     တစ်ခုခု လုပ်မယ်။
►  လမ်းမှန်တွေ့အောင် ရှာမယ်။
►  အခြေအနေကောင်းတွေကို ဖန်တီးမယ်။
►  ဒီတစ်နေရာမှာ စီးပွားမဖြစ်လို့ နောက်
     တစ်နေရာမှာ ပြောင်းပြီးတော့ လုပ်မယ်။
►  ဒီလုပ်ငန်းမကောင်းလို့ နောက်လုပ်ငန်း
     ပြောင်းလုပ်မယ်၊ ဒီလိုပဲ လုပ်သင့်တာပဲ။
✦  ဒါ “ထွက်ပေါက် အစစ်အမှန်” ပဲ။ ✦

❖ အဲဒီလိုမဟုတ်ဘဲနဲ့ စိတ်ဓာတ်တုန်လှုပ်
ခြောက်ခြားပြီးတော့ Depression တွေ ဝင်သွားတာဟာ အဖြေ မဟုတ်ဘူးတဲ့။
အဲဒါကြောင့် မြတ်စွာဘုရားက

❖ “အတ္ထ ဗျာပတ္တိ အဗျထော” –
ရာထူးကျမယ်။စည်းစိမ်ဥစ္စာတွေ
ပျက်စီးမယ်ဆိုရင် - “အဗျထ”
- မတုန်လှုပ်ပါစေနဲ့တဲ့၊
-စိတ်ဓာတ်တွေ မပျက်ပါစေနဲ့တဲ့။
ကိုယ့်ဘာသာကိုယ် ကြံ့ကြံ့ခိုင်ခိုင် ရပ်တည်နိုင်အောင်
ကြိုးစားပါတဲ့။ဒါကလုပ်ရမယ့်ကိစ္စတွေကို
မြတ်စွာဘုရား ဟောတာ။

❖ အဲဒီတော့ ဒီသုတ္တန်တွေဟာ တစ်နေရာတည်းမှာ
မဟုတ်ဘူး။လောကမှာ လူတွေ လိုက်နာ ကျင့်သုံးဖို့
ဆိုတာ မြတ်စွာဘုရားက စပ်ရာစပ်ရာ ဟိုနားဒီနား
ဟောထားတဲ့သုတ္တန်တွေကို ဘုန်းကြီးတို့ စုပြီးတော့
ဒီနေရာမှာ ဟောပေးတာနော်။

● “ပစ္စည်းဥစ္စာရဲ့ ယိုကျဖို့ရာ အပေါက် ၆-ပေါက်” ●

❖ နောက်တစ်ခါ သတိထားစရာ အချက်ကလေး
တစ်ခုရှိတယ်။ မြတ်စွာဘုရားက ဖြေဆိုထားတာ။
အဖြေ ထုတ်ထားတာလေး။
ပစ္စည်းဥစ္စာတွေရဲ့ ယိုကျပျက်စီးသွားတတ်တဲ့
ယိုပေါက်ကြီး ၆-ပေါက် ရှိတယ်။
အဲဒီယိုပေါက်ကြီး ၆ - ပေါက်မှာ ကိုယ်ရှာထားတဲ့
ပစ္စည်းဥစ္စာတွေဟာ အကုန်လုံး ပျောက်ပြီးတော့
နောက်ဆုံးမှာ ဆင်းရဲဒုက္ခတွေ ရောက်သွားတယ်။
ဒါတွေဟာ ပုံပြင်တွေ အများကြီး ရှိတာပဲ။

❖ အားလုံး သိကြလိမ့်မယ်။ရန်ကုန်မှာ ချင်းချောင်း
ပဲလေ့စ် Chin Chong Palace ဆိုတာ ရှိတယ်။
ဘုန်းကြီးတို့ တစ်လောတုန်းက ဂျာနယ်တစ်ခုမှာ
ချင်းချောင်း သူဌေးအကြောင်း ဖတ်လိုက်ရတယ်။
နောက်ဆုံးကျတော့ သူက တကယ့်ကို ဆင်းရဲ
ဒုက္ခ ရောက်သွားရှာတယ်။
ကုက္ကိုင်းလမ်းဆုံမှာ တကယ့် နန်းတော်ကြီးလို
ဆောက်ထားတာပဲ။နောက်ဆုံးကျတော့
ပျက်စီးဆုံးရှုံးသွားတာ။
မိဘတွေလက်ထက်က အင်မတန် ချမ်းသာတာ။
ပျက်စီးဆုံးရှုံးသွားတာဟာ အကြောင်းမဲ့တော့
မဟုတ်ဘူး။အကြောင်းတော့ရှိတယ်။
မကျွမ်းကျင်တာတွေရော။မကြိုးစားတာတွေရော
အကုန်လုံးပေါ့။ဒီလို ဖြစ်တတ်တယ်။

★ အဲဒီမှာ မြတ်စွာဘုရား ဟောထားတာကတော့
လောကမှာ စီးပွားရေးပစ္စည်းဥစ္စာတွေရဲ့
ယိုပေါက်ကြီး ၆-ခုဆိုတာ ဘာလဲဆိုတော့
ပစ္စည်းဥစ္စာဟာ ဘယ်တော့မှ မတည်ဘူးတဲ့။
မြန်မာတွေကတော့ ပြောကြတယ်။
“လူမိုက်နဲ့ငွေ” အတူမနေဘူးတဲ့။
ပစ္စည်းဥစ္စာဟာ ပျောက်သွားတယ်။

● (၁)။လူပျင်းနဲ့ဆိုရင်ငွေဟာ အတူမနေဘူး။ ●

● မြတ်စွာဘုရားက ဘာကို ဟောသလဲဆိုရင်-
နံပါတ် (၁) က အာလသျ - လူပျင်းနဲ့ဆိုရင်
ငွေဟာ အတူမနေဘူးတဲ့။ပျင်းရိလို့ရှိရင် -
ပျင်းတယ်ဆိုတာ ခုနကပြောတဲ့ ပူလွန်းတယ်။
အေးလွန်းတယ်။မိုးချုပ်လွန်းတယ်။
ဆာနေသေးတယ်။မစားရသေးဘူး။
စားပြီးပြီ။ဗိုက်လေးတယ် ဆိုတဲ့ အချက်တွေကို
အကြောင်းပြပြီး အလုပ်မလုပ်ဘဲနဲ့နေတာကို
ပျင်းတယ် လို့ ပြောတာနော်။
အဲဒီလိုပျင်းရိမှုဟာလည်း ပစ္စည်းဥစ္စာရဲ့
ယိုကျဖို့ရာ အပေါက်တစ်ခုပဲတဲ့။

● (၂)။ “ပမာဒ-အပျော်အပါးတွေဘက်ပဲ
            စိတ်ဝင်စားတယ်။”

● နောက် နံပါတ် (၂) ကတော့ ပမာဒ တဲ့။
အပျော်အပါးတွေဘက်ပဲ စိတ်ဝင်စားတယ်။
ကောင်းကျိုးချမ်းသာဖြစ်ဖို့ စိတ်မဝင်စားဘူး။
လုပ်ငန်းကိုလည်းစိတ်မဝင်စားဘူး။
အပျော်အပါးတွေကို အမြဲတမ်း
စိတ်ဝင်စားနေရင်လည်း ပျက်စီးနိုင်တယ်။

● (၃)။ “လုပ်ငန်းတစ်ခုကို လုပ်တဲ့အခါမှာ
           တက်တက်ကြွကြွ မရှိဘူး။”

● နံပါတ် (၃) က အနုဋ္ဌာန - လုပ်ငန်းတစ်ခုကို
လုပ်တဲ့အခါမှာ တက်တက်ကြွကြွ မရှိဘူး။
ဝတ်ကျေတမ်းကျေပဲ လုပ်တယ်။
ဖြေးဖြေးဆေးဆေးပဲ။၊ slow ပေါ့။
သွက်သွက်လက်လက် လုပ်ရမယ့်ဟာကို
သွက်သွက် လက်လက် မလုပ်ဘူး။
ပျင်းပျင်းရိရိ လုပ်တယ်။အဲဒီလိုဟာမျိုး
မဖြစ်ရဘူးတဲ့၊ ကြိုးကြိုးစားစား လုပ်ရမယ်။
အဲဒီတော့ ပျင်းရိခြင်းဟာလည်း ဥစ္စာရဲ့ယိုပေါက်
တစ်ခု။

● (၄)။ “ကာမဂုဏ်အာရုံတွေထဲမှာ စိတ်ကို
           လွှတ်ထားပြီးတော့ ပျော်ပါးခြင်း”

● နံပါတ် (၄) က ကာမဂုဏ်အာရုံတွေထဲမှာ စိတ်ကို
လွှတ်ထားပြီးတော့ ပျော်ပါးခြင်း ဟာလည်း ပစ္စည်း
ဥစ္စာရဲ့ ယိုကျတဲ့အပေါက်တစ်ခုတဲ့။

● (၅)။ “မစောင့်စည်းခြင်း”

● နံပါတ် (၅) က မစောင့်စည်းခြင်း၊
ကိုယ့်စိတ်ကိုလည်း မစောင့်စည်းဘူး။
ကာယကံ ဝစီကံကိုလည်းမထိန်းသိမ်း
မစောင့်ရှောက်ဘူး။ကိုယ်ကျင့်တရားကိုလည်း
မထိန်းသိမ်း မစောင့်ရှောက်ဘူး။
အဲဒါဟာစီးပွားရေး ယိုပေါက်တစ်ခုပဲ။

● (၆)။ “အအိပ်ကြူးခြင်း”

● နံပါတ် (၆) က အအိပ်ကြူးခြင်း၊
ဘယ်တော့ဖြစ်ဖြစ် အိပ်တာပဲ၊ အအိပ်များနေတယ်၊
အဲဒီဟာလည်းပဲ ပျက်စီးခြင်း အကြောင်းတစ်ခုပဲ။
ခုနကပြောခဲ့တဲ့ “အာလသျ နဲ့ တန္ဒီ” မှာ -
အာလသျ-ပျင်းရိတယ် ဆိုတဲ့နေရာမှာ
ဘာအလုပ်မှ မလုပ်ဘဲနေတာမျိုး။
တန္ဒီ- ကျတော့ ဖြစ်ပေါ်လာတဲ့ အချိန်ကိုရွှေ့တာ။
အမြဲတမ်းအချိန်ကို ရွှေ့ချင်တယ်။
စောသေးတယ်။အချိန်ရွှေ့လိုက်တယ်။
၈-နာရီလောက် အလုပ် လုပ်ရမှာကို မလုပ်သေးပါဘူး။
၉-နာရီမှ လုပ်မယ်။၉-နာရီကျတော့လည်း
၁၀-နာရီကျမှ သွားတော့မယ်။
ဒီလိုအချိန်တွေကို ရွှေ့ရွှေ့သွားတာမျိုးကို ဆိုလိုတယ်။

★ အဲဒီအပေါက် ၆-ပေါက်ကို ပိတ်နိုင်မှတဲ့။
မပိတ်နိုင်လို့ရှိရင် ပစ္စည်းဥစ္စာဟာ လူတွေနဲ့အတူ
မရှိနိုင်ဘူးလို့ ဒီလို မြတ်စွာဘုရားက ဟောတယ်။
အဲဒီလိုဟောတာ တွေဟာ ကိုယ့်အတွက်
ပစ္စုပ္ပန်ဘဝမှာ ကောင်းကျိုးရနိုင်သလို၊
သံသရာအတွက်လည်း ကောင်းကျိုးရနိုင်တယ်။
မကောင်းတဲ့ အချက်အလက်တွေကို ရှောင်ပြီးတော့
ကောင်းတဲ့ အချက်အလက်တွေကို ကိုယ့်သန္တာန်မှာ
ကျင့်ဆောင်ဖို့ အရေးကြီးတယ်။ ။……………………

☝ #ပါမောက္ခချုပ်ဆရာတော် ☝
    #ဒေါက်တာအရှင်နန္ဒမာလာဘိဝံသ။