ရဟန်းတို့ - စိတ်ကို ဘာဝနာ၏အစွမ်းဖြင့် မပွားအပ်သည်ရှိသော် အမှု၌- မခံ့၊ ထိုအမှု၌ - မခံ့သော တစ်ခုသော သဘောတရားမျှကိုလည်း ငါဘုရားသည် ကြည့်ရှု၍ မြင်တော်မမူ -
ရဟန်းတို့ - စိတ်ကို ဘာဝနာ၏အစွမ်းဖြင့် ပွားများအပ်သည် ရှိသော် အမှု၌- ခံ့၏၊ ထိုအမှု၌- ခံ့သော တစ်ခုသော သဘောတရားမျှကိုလည်း ငါဘုရားသည် မြင်တော်မူ၏။
(အံ- ၁- ၆)
မိမိစိတ်ကို မစောင့်စည်းဘဲ စိတ်အလို စိတ်အကြိုက် လိုက်၍နေပါမူ စိတ်လောက် ဂနာမငြိမ်၊ ဂမူးရှူးထိုး၊ နွားသိုးကြိုးပြတ်၊ပေါက်လွတ်ပဲစား ဖြစ်တတ်သော သဘောတရားမည်သည် မရှိချေ။
မိမိအကျိုးပေး ဆုတ်ယုတ်စေတတ်သည့် (တစ်နည်း) အပါယ်လေးပါးသို့ ကျရောက်စေမည့် အကုသိုလ် စိတ်ယုတ်မာများ ထကြွလာပါက ဘာဝနာ တစ်နည်းနည်းဖြင့် ပွားများအားထုတ်လိုက်လျှင် စိတ်ကဲ့သို့ ငြိမ်ဝပ်ပိပြား တည်ကြည်ခိုင်ခန့်သော သဘောမည်သည် မရှိတော့ချေ။
( စိတ်မငြိမ်လျှင် လူမငြိမ် )
စဉ်းလဲကောက်ကျစ်သော နွားလားကို ပဲ့ပြင်ဆုံးမ လိုသူသည် ချည်တိုင်၌ ခိုင်မြဲစွာ ချည်နှောင်သကဲ့သို့ ဤအတူ ပျက်ချော်လေလွင့်နေသော မိမိစိတ်ကို ဆုံးမပဲ့ပြင်လိုသူသည် ကမ္မဋ္ဌာန်းဘာဝနာကို မှတ်သားခြင်း - သတိ ဟူသောကြိုးဖြင့် ကမ္မဋ္ဌာန်းအာရုံ၌ ထိုစိတ်ကို ကျပ်တည်းခိုင်မြဲစွာ နှောင်ဖွဲ့ချည်ရာ၏။
( ဝိသုဒ္ဓိမဂ်- ၁- ၂၆၁၊ ပြန်- ၁- ၅၃၂ )
ရဟန်းတို့ - နွေလတို့၏ နောက်ဆုံးလ၌ အထက်သို့ လွင့်တက်ပြန့်လွင့်နေသော မြူမှုန်တို့ကို အခါမဲ့ သည်းထန်စွာသွန်းသော မိုးကြီးသည် တစ်ခဏခြင်း ကွယ်ပျောက် ငြိမ်းအေးစေနိုင်သကဲ့သို့၊ ဤအတူပင် ရဟန်းတို့ ဤအာနပါနသတိ သမာဓိသည် ပွားများလေ့လာအပ်သည်ရှိသော်- ငြိမ်လည်း ငြိမ်သက်၏၊ မွန်လည်းမွန်မြတ်၏၊ ထပ်လောင်း ဖြည့်စွက်စရာလည်း မရှိ။ှိချမ်းသာစွာလည်း နေရာဖြစ်၏။ ဖြစ်တိုင်း ဖြစ်တိုင်းသော ယုတ်မာသော အကုသိုလ်တရားတို့ကိုလည်း တစ်ခဏချင်း ကွယ်ပြောက်ငြိမ်းအေးစေနိုင်၏ဟု မိန့်တော်မူ၏။
( သံ- ၃- ၂၈၂ / ဝိ- ၁- ၈၈/ ၉ )
အာနာပါန အားထုတ်သူသည် ငြိမ်သက်ရ၏။ ယိမ်းထိုးမနေရ မွန်မြတ်သော ဘာဝနာဖြစ်၏။ ထွက်လေ၀င်လေမှ တစ်ပါးအခြား ဖြည့်စွက်စရာမလို ချမ်းသာစွာလည်း ဖြစ်၏။ ဖြစ်ဖြစ်သမျှ အကုသိုလ်ကို ချက်ချင်းလက်ငင်း ဒိဋ္ဌ ကွယ်ပျောက်ချုပ်ငြိမ်းခြင်း အကျိုးရသည်မှာ ထင်ရှားလေ၏။
သမထဘာဝနာပွားလျှင် အဝိဇ္ဇာမှ တစ်ပါး ကျန်နီဝရဏတရား (၅)ပါး ငြိမ်း၏။
ဝိပဿနာ ဘာဝနာပွားလျှင် အဝိဇ္ဇာနှင့်တကွ နီဝရဏတရား (၆)ပါး ငြိမ်း၏။
အာနာပါန - အစပိုင်းကား သမထဖြစ်သည်။ အာနာပါနဘာဝနာ ပွားများရခြင်းသည် ယုတ်မာတဲ့ အကုသိုလ် ဒိဋ္ဌ ငြိမ်းအေးခြင်း၊ အဝိဇ္ဇာမှ တစ်ပါးသော အကုသိုလ်ဖြစ်ကြောင်း နှောက်ယှက်တတ်သည့် နီဝရဏတရားတို့ ချုပ်ငြိမ်းကြသည်။
No comments:
Post a Comment