စိတ်ကိုဝိပဿနာအာရုံနဲ့လေ့ကျင့်ပုံ

❀ စိတ်ကိုဝိပဿဿဿသာနာအာရုံနဲ့လေ့ကျင့်ပုံက တစ်မျိုး၊
ဝိပသာဿနာအာရုံနဲ့ လေ့ကျင့်မယ်ဆိုရင် ရုပ်နာမ်ဓမ္မ
သင်္ခါရတွေအပေါ်မှာ စိတ်ကိုလေ့ကျင့်ရတယ်။

❀ လေ့ကျင့်ပြီဆိုတဲ့အခါမှာ မျက်စိလည်းမှိတ်
ထားရမယ်။နားလည်းပိတ်ထားရမယ်။
ပိတ်တယ်ဆိုတာ အဲဒီအာရုံတွေကို အာရုံ
မပြုရဘူး။ ၀ိပဿသာနာ ကျင့်စဉ်ဆိုတာ မနော
ဒွါရမှာပိုပြီးတော့ အလုပ်လုပ်ရတယ်။

❀ သို့သော် ဒွါရ ၅ပါးက ၀င်လာတဲ့အာရုံကို
မမှတ်ရဘူးလို့ပြောတာ မဟုတ်ဘူးနော်။
မျက်စိကမြင်တဲ့အာရုံလည်း မှတ်လို့ရတယ်။

❀ ဒါကရှေ့ပိုင်းကလုပ်တာတွေပြောတာ။ နားက
ကြားတဲ့အသံတွေကိုလည်း မှတ်ရမယ်။ ကြားရင်
ကြားတယ် ကြားတယ်မှတ်။ မြင်ရင် မြင်တယ်
မြင်တယ် မှတ်။

❀ အဲဒီ မှတ်ဆိုတာ သတိသမ္ပဇဉ်ညကို လေ့ကျင့်နေ
တာလို့ခေါ်တယ်။ အဲဒါဆိုရင် လူတွေက ကြားရင်
ကြားတော့ကြားလိုက်တာပဲ။ တခြားတွေးချင်
တွေးနေမှာပဲ လေ။

❀ ကြားတယ်ဆိုတဲ့အပေါ်မှာ သိချင်မှသိလိုက်တာ။
ဒါကြောင့် သတိမမူဂူမမြင်ဆိုတာလေ။ လူဆိုတာက
ကြားချင်မှ ကြားလိုက်တာ။ တစ်ခါတစ်လေ အနီးနား
ခေါင်းလောင်းတီးတာတောင်မှ ကြားချင်မှကြားလိုက်
တာ။ အတွေးလွန်နေရင် မကြားဘူး။

❀ အဲဒါကြောင့်မို့ ဒွါရ ၆ပါးမှာ ထင်လာတဲ့ အာရုံတွေက
မှတ်ရင်း မှတ်ရင်းနဲ့နောက်ဆုံးကျတော့ မနောဒွါရမှာ
ဝင်လာတဲ့ အာရုံနဲ့အလုပ်လုပ်သွားတယ်။
အလုပ်လုပ်သွားတဲ့အခါမှာ ရုပ်နာမ်ဓမ္မသင်္ခါရတွေရဲ့
သဘာဝ လက္ခဏာ (Individual characteristic)
ကိုကြည့်ရမယ်။

❀ နံပါတ်(၁) ရုပ်တရားရဲ့ သဘာဝလက္ခဏာ၊
နာမ်တရားရဲ့သဘာဝ လက္ခဏာ၊ ပင်ကိုယ်အရှိ
အတိုင်း ဆိုပါစို့။

❀ ဖဿသာဆိုရင် အာရုံနဲ့ထိတွေ့တဲ့လက္ခဏာ ရှိတယ်။
ပထ၀ီဆိုရင် မာတယ် ပျော့တယ်။ အာပေါ ဆိုရင်
ဖွဲ့စည်းတယ် အရည်ဖျော်တယ်ဆိုတဲ့ ဒီလက္ခဏာတွေ။
အဲဒီလက္ခဏာတွေကိုကြည့်တယ်။

❀ သဘာဝလက္ခဏာကို ကြည့်လိုက်ခြင်းအားဖြင့်
ပထ၀ီကိုလည်းတွေ့တယ်။ အာပေါကိုလည်း
တွေ့တယ်။ ဖဿသာကိုလည်း တွေ့တယ်။
နာမ်တွေထဲက ဝေဒနာကိုလည်း တွေ့ပြီဆို
တဲ့အခါမှာ အဲဒီသဘာဝ လက္ခဏာတွေ
အပေါ်မှာ အလုပ် လုပ်ရင်း ထပ်ဆင့်တွေ့
လာတာက ဘာတုန်းဆိုရင် မမြဲတဲ့သဘော။

❀ မမြဲတဲ့သဘောကိုအရင် တွေ့လာပြီဆိုလို့ရှိရင်
မမြဲတဲ့အရာတစ်ခုသည် ကျေနပ်စရာမကောင်း
သောကြောင့် ဖြစ်မှု ပျက်မှုကြီးက အမြဲ
နှိပ်စက်နေလို့ ဒုက္ခဆိုတဲ့ သဘောကို
တွေ့လာတယ်။

❀ ဒုက္ခဆိုတဲ့သဘော တွေ့လိုက်တာနဲ့တပြိုင်နက်
အနတ္တ ကိုယ်မပိုင်ဘူး။ သူ့ဟာသူဖြစ်နေတာ
ကိုယ်က အုပ်ချုပ်လို့ မရဘူးဆိုတဲ့ ကိုယ်မပိုင်တဲ့
အနတ္တသဘောကို လည်းတွေ့လာတယ်။

❀ အနိစ္စ ဒုက္ခ အနတ္တဆိုတဲ့ လက္ခဏာတွေတစ်ခုခု
မြင်လိုက်တာနဲ့ တစ်ပြိုင်နက် ၀ိပဿသာနာလမ်းကြောင်းပေါ်
စတင်ရောက်သွားပြီလို့ မှတ်ရမယ်။ ဒါလည်းစိတ်ကို
အာရုံနဲ့လေ့ကျင့်တာပဲ။ ၀ိပဿသာနာကျင့်စဉ်နဲ့ စိတ်ကို
အာရုံနဲ့လေ့ကျင့်တာ။ အကျယ်တော့မပြောတော့ဘူး။
အကျယ်ကတော့ ရိပ်သာတွေမှာ ဟောနေတာပဲနော်။

❀ အဲဒီလိုစိတ်ကို အာရုံနဲ့လေ့ကျင့်ပေးလိုက်တဲ့
အခါ ဉာဏ်စဉ်တွေဟာ တစ်ခုပြီးတစ်ခု တက်လာတယ်။
အသိဉာဏ်တွေထက်မြက်လာတယ်။ သမာဓိစွမ်းအား
တွေ ရင့်လာတယ်။ နောက်ဆုံးကျတော့
သင်္ခါရတွေအပေါ်မှာ စိတ်တည်တည်ငြိမ်ငြိမ်
ထားနိုင်ပြီး ချစ်ခြင်း မုန်းခြင်းဆိုတာ ကင်းသွားတယ်။

❀ အဆင့်မြင့် သွားတဲ့ အသိဉာဏ်တစ်မျိုးဖြစ်တဲ့
သင်္ခါရုပေက္ခာဆိုတဲ့ ဉာဏ်ရသွားတယ်။ သင်္ခါရုပေက္ခာ
ဆိုတာ သင်္ခါရတွေအပေါ်မှာ လျစ်လျူရှုနိုင်တယ်။

❀ သင်္ခါရတွေအပေါ်မှာစိတ်ပျက်ခြင်း၊ ငြီးငွေ့ခြင်း၊
မုန်းခြင်း၊ ချစ်ခြင်းဆိုတာတွေမရှိတော့ဘဲ
သဘာဝကိုသိပြီး စိတ်တည်ငြိမ်မှုတွေရလာပြီဆိုရင်
စိတ်အစဉ်ကလေးက နောက်ဆုံးအဆင့်ရောက်
လာပြီဆိုလို့ရှိရင် ၀ိပသာဿနာကျင့်စဉ်နဲ့စိတ်ကို
လေ့ကျင့်လိုက်ရင် နောက်ဆုံးရောက်လာ
မယ့်ဟာက ခုနက ပြင်ဆင်နေတဲ့ ပရိကံဆိုတယ့်
မဟာကုသိုလ်ဉာဏသမ္ပယုတ်ဇောစောမယ်။

❀ ဒုတိယဇောက ဥပစာ၊ တတိယ ဇောက အနုလုံ၊
စတုတ္ထဇောကျတော့ ဂေါတြဘူဆိုတာလေး
လာလိုက်ပြီ ဆိုလို့ရှိရင် ဂေါတြဘူလို့ဆိုလိုက်တာ
နဲ့တစ်ပြိုင်နက် သင်္ခါရတွေမမြင်တော့ဘူး။
ချုပ်သွားပြီ။ သူယူလာတဲ့အာရုံတွေဟာ
ရှေ့ပိုင်းကသင်္ခါရတွေနဲ့ပဲစခန်းသွားနေတယ်။
လူ့ရဲ့စိတ်ဟာ အကုန်လုံးသင်္ခါရတွေနဲ့ပဲ
စခန်းသွားနေတာ။

❀ အေး ဂေါတြဘူရောက်တာနဲ့တပြိုင်နက်
သင်္ခါရတွေနဲ့စခန်းမသွားတော့ဘူး။ သင်္ခါရတွေ
ငြိမ်းသွားတာ သွားတွေ့တယ်။ သင်္ခါရဆိုတဲ့
အာရုံတွေလွတ်သွားပြီတဲ့။ လွတ်သွားတော့
နိဗ္ဗာန်ဆိုတဲ့သင်္ခါရတွေ လွတ်ကင်းတဲ့အာရုံတစ်ခု၊
အသစ်အဆန်းတစ်ခုကိုလှမ်းမြင်လိုက်ရပြီ။
အဲဒီဂေါတြဘူစိတ်ဖြစ်ပြီးတာနဲ့တပြိုင်နက်
ဂေါတြဘူကသတ်မှတ်ထားတဲ့ နိဗ္ဗာန်အပေါ်မှာ
မဂ်စိတ်ကလေးကဖြစ်လိုက်တယ်။

❀ လူ့ရဲ့သန္တာန်မှာ ဘ၀သံသရာကအနုသယ
ဓါတ်အနေနဲ့ကိန်းနေတဲ့ ကိလေသာတွေဟာ
အဆင့်ဆင့်ငြိမ်းသွားတယ်။ သောတာပတ္တိမဂ်
ဆိုရင်ဒိဋ္ဌိနဲ့ဝိစိကိစ္ဆာငြိမ်းသွားတယ်။

❀ ဒါကြောင့်မို့လို့ စိတ်ဖြစ်စဉ်ဟာဒီအတိုင်းပဲ။
ပရိကံ၊ ဥပစာ၊ အနုလုံ၊ ဂေါတြဘူ၊ သောတာပတ္တိမဂ်၊
သောတာပတ္တိဖိုလ်၊သောတာပတ္တိဖိုလ် နှစ်ကြိမ်
ဖြစ်ပြီးတဲ့အခါမှာ ဇော ၇ ကြိမ်ပြည့်ရင်
ချုပ်ငြိမ်းသွားတယ်။

❀ နောက်တစ်ခါပြန်ဝင်စားမယ်ဆိုရင်မဂ်ဆိုတာ
မလာတော့ဘူး။ ဖလသမာပတ်ဝင်စားရင် ဟောဒီ
ဝိပဿသာနာနဲ့ပဲ သွားရမယ်။ ဒီဖိုလ်ကို ပြန်လိုချင်ပြီ။ ဒီ
အဆင့်ကိုပြန်ရောက်ချင်တယ်ဆိုရင် ၀ိပဿသာနာ
လမ်းကြောင်းကထပ် လျှောက်၊ လျှောက်ရင် ပရိကံ၊
ဥပစာ၊ အနုလုံ ဂေါတြဘူ(သို့) ဝေါဒါန်ပြီးရင်
ဖိုလ်ဖိုလ် ဟော ဖိုလ်စိတ်တွေချည်း ပဲ
တစ်နေ့လုံးနေနေတာ။ ဖိုလ်ဆိုတာနိဗ္ဗာန်ကို
အာရုံပြုတာ။

❀ ပရိကံ၊ ဥပစာ၊ အနုလုံ ဆိုတဲ့စိတ်တွေကတော့
သင်္ခါရအာရုံနဲ့ဖြစ်တာ။ ဂေါတြဘူဝေါဒါန်က
သင်္ခါရချူပ်ငြိမ်းရာနိဗ္ဗာန်ကိုအာရုံယူပေးတယ်
ဥပမာလမ်းကြောင်းကြီးတစ်ခုကိုလျှောက်လိုက်တာ
လမ်းဆုံးသွားတာနဲ့တစ်ပြိုင်နက် ဘာမှမရှိတော့တာ
တွေ့တာပဲ။ သင်္ခါရအာရုံတွေအပေါ်မှာလျှောက်လှမ်း
သွားရင်းနဲ့ သင်္ခါရတွေချုပ်ဆုံးသွားတဲ့နေရာကို
လှမ်းတွေ့တာ။ အဲဒါနိဗ္ဗာန်ပဲ။ ခန့်မှန်း ပြောဆိုတာ
ဟုတ်ကဲ့လား။

❀ ဒါကြောင့်မို့လို့ သင်္ခါရာနံ အာပ၀တ္တိမတ္တံ သင်္ခါရတွေ
မဖြစ်ဘဲနဲ့ သင်္ခါရတွေချုပ်ငြိမ်း သွားတဲ့နေရာက
နိဗ္ဗာန်ပဲလို့ ဒီလိုပြောတာနော်။ ရှေ့ပိုင်းကစိတ်
တွေအားလုံးဟာ သင်္ခါရအာရုံစခန်းသွားနေတာ။

❀ သင်္ခါရတွေအပေါ်မှာ တွေးနေတဲ့အတွေးတွေနဲ့သွားပြီး၊
နောက်ဆုံးအဲဒီသင်္ခါရအာရုံတွေဟာ တဖြည်းဖြည်းနဲ့
လျော့လျော့သွားပြီး တော့ နောက်ဆုံးသင်္ခါရအာရုံ
တွေပျောက်သွားတယ်။ သင်္ခါရမရှိတဲ့အာရုံတစ်ခုရ
သွားတယ်နော်။

❀ အဲဒါဖိုလ်စိတ်တွေနဲ့တစ်နေကုန်နေရင်လည်း
ဖိုလ်စိတ်တွေဖြစ်နေမှာပဲ ထိန်းထားနိုင်တယ်။ အဲဒါ
ဖလသမာပတ်ဝင်စားတာခေါ်တယ်။

❀ အဲဒီအတိုင်းပဲ သောတာပန်ဖြစ်ပြီးရင် နောက်
သကဒါဂါမ်ဖြစ်ဖို့အတွက် ၀ိပဿသာနာကျင့်စဉ်ကိုတိုး
မြှင့်ရမယ်။ သကဒါဂါမ်ဖြစ်ပြီးရင် အနာဂါမ်ဖြစ်ချင်လို့ 
ရှိရင် ၀ိပသာဿနာကျင့်စဉ်ကိုတိုးမြှင့် ကျင့်ရမယ်။
Level ချင်း degree ချင်း မတူဘူး။

❀ အနာဂါမ်ဖြစ်ပြီးရင်ရဟန္တာဖြစ်ဖို့အတွက်
ဝိပဿသာနာစွမ်းအားကို တိုးမြှင့်ရမယ်။ တိုးမြှင့်တဲ့အခါမှာ
ရဟန္တာဖြစ်လောက်တဲ့ ၀ိပသာဿနာ စွမ်းအားတွေ
ရလောက်ပြီဆိုလို့ရှိရင် အရဟတ္တမဂ်၊ အရဟတ္တဖိုလ်
ရောက် ပြီး နောက်ဆုံးမှာ ရဟန္တာထိ
အောင် ရောက်သွားတယ်။

❀ ဒါတွေဟာ စိတ်ကိုအာရုံနဲ့လေ့ကျင့်ခြင်းလို့ခေါ်တယ်နော်။
စိတ်ကိုလေ့ကျင့်လိုက်လို့ရှိရင် ဈာန်လည်းရတယ်။
မဂ်လည်းရတယ်။ အဲဒီလိုလေ့ကျင့်ပြီးတော့စိတ်ကို
အာရုံနဲ့လေ့ကျင့်သွားနိုင်မှသာလျှင် ဒါတွေရနိုင်တယ်။

ပါမောက္ခချုပ်ဆရာတော်ဒေါက်တာနန္ဒမာလာဘိဝံသ
အဘိဓမ္မာမြတ်ဒေသနာ ဒုတိယတွဲ

Credit to

ဓမ္မရံသီစာမျက်နှာ