တရား အားထုတ်ဖို့ရာက ကိုယ့်တာဝန်
<><><><><><><><><><><><><>
#ပစ္စေကဗုဒ္ဓ_ဆိုတာ
#ပစ္စေက ဆိုတာ - တစ်သီးတစ်ခြား
#ဗုဒ္ဓ ဆိုတာ - သိတာ
#သမ္မာသမ္ဗုဒ္ဓ ဆိုတာ - ကိုယ်တိုင် မှန်မှန်ကန်ကန်
သစ္စာ ၄- ပါးကို သိတာ
ကိုယ်တိုင် သိတာကို သူများကို
မှန်မှန်ကန်ကန် ဟောပြောနိုင်တာ …
#ပစ္စေကဗုဒ္ဓ_ဆိုတာ
ကိုယ်ပိုင်နည်းနဲ့ သစ္စာ ၄- ပါးကိုသိတာ …
သူတစ်ပါး နားဝင်အောင် သိသွားအောင်တော့
မပြောတတ်ဘူး …
သူသိသလို အခြားသူ သိအောင်
သစ္စာ ၄ - ပါးကို မဟောပြောနိုင်ဘူးတဲ့ …
#ပစ္စေကဗုဒ္ဓတွေဟာ
ဘုရားမပွင့်တဲ့ အချိန်မှာ ပွင့်တာ …
ဘယ်လိုပုဂ္ဂိုလ်တွေ ဖြစ်တာတုန်း ဆိုရင်
ဒီဘဝမှာ ဝိပဿနာတရားကို စွဲစွဲမြဲမြဲ
အားထုတ်တဲ့ ပုဂ္ဂိုလ် …
အဲဒီလို
ကြိုးပမ်းအားထုတ်တဲ့ ပုဂ္ဂိုလ်ဟာ
ဒီဘဝမှာ ရဟန္တာ ဖြစ်ရင် ဖြစ်
မဖြစ်ရင် သေခါနီးမှာ ဖြစ်နိုင်တယ် …
သေခါနီးမှာ မဖြစ်ရင်
ဒီဘဝက သေသွားပြီးတော့ နောက်ဆုံးအချိန်မှာ
ပစ္စေကဗုဒ္ဓ ဖြစ်သွားနိုင်တယ်လို့ …
တရားကို စွဲစွဲမြဲမြဲအားထုတ်ရင်
တရားအားထုတ်တဲ့ ပုဂ္ဂိုလ်ရဲ့
အကျိုးကျေးဇူးကို ဖော်ပြထားတယ် …
တရားအားထုတ်ဖို့ရာ ကိုယ့်တာဝန်
တရားထူးတရားမြတ်ကို ရဖို့က
ကိုယ့်တာဝန် မဟုတ်ဘူး …
ဆိုပါစို့
ဘာနဲ့ ဥပမာတူသလဲ ဆိုရင်
သစ်ပင်စိုက်တဲ့ အခါ ကိုယ်လုပ်ပေးရမှာက
ပေါင်းသင်ပေးရမယ် , မြေသြဇာ ထည့်ရမယ် ,
ရေလောင်းပေးရမယ် , ပိုးမကျအောင်
ဖယ်ရှားပေးရမယ် …
ဒါ ကိုယ့်တာဝန်ပေါ့ …
အပွင့်လေး ပွင့်အောင်
ကိုယ်လုပ်နိုင်သလား ၊ မလုပ်နိုင်ဘူး …
ကိုယ်က အခြေအနေကောင်းလေးတွေ
ဖန်တီးပေးတာပဲ ရှိတာ …
ရေလောင်းမယ် ၊ နေရောင်ထဲထားမယ်
နေပူရင်လည်း အရိပ်ထဲရွှေ့ထားမယ် စသည်ဖြင့်
ကိုယ်က အခြေအနေကောင်းလေးတွေ
ဖန်တီးပေးမယ် …
ထိုအခြေအနေကောင်းလေးတွေက
သူ့ဟာသူဆောင်ရွက်ကြတော့
အဖူးလေးတွေ အပွင့်လေးတွေ ဖြစ်လာတာပေါ့ …
အဲလိုပါပဲ
တရားအားထုတ်ပြီးနေရင်
သူ့ဟာသူ အခြေအနေကောင်းလေးတွေနဲ့
တရားထူးတရားမြတ်ရလာမှာပါ …
ဘယ်ဟာပဲ ဖြစ်ဖြစ်
သူ့ဟာသူ ရင့်ကျက် လာမှာပေါ့ …
ပွင့်ချိန်တန် ပွင့် , သီးချိန်တန် သီး
လက်ရှိ ကြိုးပမ်းအားထုတ်နေတဲ့ သူဟာ ဒီဘဝမှာ
- တရားထူး တရားမြတ် ရနိုင်တယ်
- သေခါနီးအချိန်မှာ ရနိုင်တယ်
- သေခါနီးအချိန်မှာ မရရင် နောက်ဘဝမှာ ရမယ်
- မရသေးဘူးဆိုရင် ပစ္စေကဗုဒ္ဓ အဖြစ်
ရောက်နိုင်တယ် …
အဲဒါကြောင့်
ကိုယ်ပိုင် အသိဥာဏ်နဲ့ လုပ်ရမယ် …
လုပ်မှ ဒီလမ်းကြောင်းကို မှတ်မိ နေမှာနော် …
#ပါချူပ်_ဆရာတော်_ဘုရား
Credit , Original Uploader
No comments:
Post a Comment