မိတ်ကောင်းဆွေကောင်းဆိုတာနဲ့ ပတ်သက်ပြီးတော့
မြတ်စွာဘုရားက အင်္ဂုတ္တနိကာယ် မှာ မိတ္တသုတ် ဆိုပြီး
ဟောထားတာရှိတယ်။
အဲ့ဒီထဲမှာ ပေါင်းထိုက်တဲ့ မိတ်ဆွေကောင်းရဲ့
သွင်ပြင် လက္ခဏာ ဟောပြထားတယ်။
မိတ်ကောင်းဆွေကောင်းဆိုတာ လူဆိုးလူကောင်းလိုပဲ။
ရုပ်ပုံကြည့်ရုံနဲ့ သိပါ့မလား၊ မသိဘူး။
အပေါ်ယံကြည့်ရုံနဲ့မသိနိုင်ဘူး။
ဒါကြောင့် ငယ်ငယ်တုန်းက ပြောကြတယ်။
လူဆိုးဆိုတာ ချိုနဲ့မှ မဟုတ်တာ ဘယ်သိမလဲ။
ချိုပေါက်နေရင်တော့ သိချင်သိမယ်။
ဒါကြောင့်မို့ လူမြင်ရုံ နဲ့ ဒီလူဟာ လူဆိုးလား၊
လူကောင်းလား ဆိုတာ သိလို့မရဘူး။
ဘာနဲ့ သိနိုင်တုန်းဆိုရင် သူ့ရဲ့ “လုပ်ရပ်”
အပေါ်မူတည်ပြီး သိနိုင်တယ်။
သူ လုပ်တဲ့ လုပ်ရပ်ကို ကြည့်ပြီးတော့
ဒီလူဟာ လူဆိုးလား ၊ လူကောင်းလား ဆိုတာ ခွဲခြားသိရတယ်။
အဲ့ဒီတော့ မိတ်ကောင်း ဆွေကောင်း နဲ့
ပတ်သက် ပြီးတော့ အကဲခတ်လို့ ရတဲ့အခြေအနေမျိုးတွေကို
မြတ်စွာဘုရားက ဟောထားတာ ရှိတယ်။
(၁) “ဒုဒ္ဒဒံ ဒဒါတိ” တဲ့။
ပေးနိုင်ခဲတဲ့ အရာကို ပေးတတ်လို့ရှိရင်
ဒါ မိတ်ကောင်း ဆွေကောင်းပဲ ။
(၂) “ဒုက္ကရံ ကရောတိ” တဲ့ ။
သာမန်ပုဂ္ဂိုလ်တွေ လုပ်ဖို့ မလွယ်နိုင်ဘူး။
လုပ်နိုင်ခဲတဲ့ အရာကိုပဲ လုပ်ပေးတယ်ဆိုရင်
မိတ်ကောင်းဆွေကောင်း ပဲတဲ့။
ဒါဟာ ဘယ်လောက် ခဲယဉ်းတယ်ဆိုတာတော့ အတိုင်းအတာတစ်ခု ရှိတာပေါ့နော်။
နောက်တစ်ခုက
(၃) “ဒုက္ခမံ ခမတိ” တဲ့ ။
သည်းခံနိုင်ခဲတဲ့ အရာကိုလည်း
သည်းခံတတ်တယ် ဆိုရင် ဒါ မိတ်ကောင်းဆွေကောင်းပဲ။
မိတ်ကောင်းဆွေကောင်း နဲ့ ပတ်သတ်ပြီးတော့
ဒီ မိတ္တသုတ်မှာ မြတ်စွာဘုရားက
အင်္ဂါရပ်တွေကို ဟောထားတာ။
(၄) “အာပဒါသု န ဇဟတိ” ဒုက္ခရောက်နေတဲ့
အချိန်မှာ စွန့်ပြီးမသွားဘူးတဲ့။
အဲ့ဒါ မိတ်ကောင်း ဆွေကောင်းပဲ။
“ဒုက္ခ”ရောက်လာတဲ့အခါမှာ စွန့်ပြီးတော့
မသွားရဘူး။အခု လောကမှာ အများက
ရာထူးလေးရှိရင် ပေါင်းကြတယ်။
ပိုက်ဆံလေး ရှိရင် ပေါင်းကြတယ်။
ရာထူးလည်းကျသွားရော
မမြင်ချင်ယောင်ဆောင်သွားရော။
ဆင်းရဲ မွဲတေ ဒေဝါလီ ခံသွားတာနဲ့တစ်ပြိုင်နက်
မမြင်ချင်ယောင်ဆောင်သွားတယ်။
ဟုတ်ကဲ့လား။
အဲ့ဒီ အနေအထားမျိုးရှိတဲ့လူအများစုကို
ပြောတာပါ။အများစုက “ရာထူး”ကို ပေါင်းတာ။
“ငွေကြေးဓန”ကို ပေါင်းတာ။
ဒီပုံစံမျိုး ဖြစ်တယ်ပေါ့။
ဒါ လောကကြီး ရဲ့ သဘာဝကိုက ဒီအတိုင်းပဲ ။
အဲဒီလို “မိတ်ကောင်း ဆွေကောင်း” ဖြစ်ဖို့ဆိုတာ
အင်မတန်မှ ခက်တယ်။
▬▬▬▬▬▬▬▬▬▬▬▬▬▬▬▬
●“မိတ်ဆွေကောင်း မပီသသူကို မပေါင်းနဲ့”●
▬▬▬▬▬▬▬▬▬▬▬▬▬▬
ငယ်ငယ်တုန်းက “ ပုံပြင်လေး” တစ်ခု ဖတ်ဖူးတယ်။
အင်မတန်မှ မှတ်သားစရာကောင်းတဲ့ ပုံပြင်လေး တစ်ခုပဲ။
သူငယ်ချင်း နှစ်ယောက် တောအုပ်ကြီး တစ်ခုကို
ဖြတ်သန်းသွားတယ်။
တစ်ယောက်က လက်နက်ပါလာတယ်။
တစ်ယောက်က မပါဘူး။လက်နက်ပါတဲ့ လူက ဘာပြောလဲ
ဆိုတော့“ဒီနေရာမှာ ဆင်ပဲ တွေ့တွေ့ ၊ ကျားပဲ တွေ့တွေ့ ၊
ဘာကောင်ပဲ တွေ့တွေ့ ငါ ကာကွယ်နိုင်တယ်ပေါ့ ၊
ဘယ်အကောင်မှ မကြောက်ဘူး”တဲ့။
သူက ဒီလို ပြောနေတယ်။ပြောလို့မှ မဆုံးသေးဘူး။
လမ်းကွေ့ တစ်ကွေ့မှာ “ဝက်ဝံကြီး”တစ်ကောင်ဘွားခနဲ
ပေါ်လာတယ်။ဝက်ဝံကြီးကိုလည်း တွေ့လိုက်ရော အဲဒီလူကသစ်ပင်ပေါ်တက်ပြေးပါလေရော။
လက်နက် မပါတဲ့ သူငယ်ချင်း ကို ဒီအတိုင်း ပစ်ထားခဲ့ပြီး
ကိုယ်လွတ်ရုန်း ထွက်ပြေးသွားတယ်။
သူငယ်ချင်း လုပ်တဲ့ သူက တိမ်းရှောင်ဖို့ အချိန်မရလိုက်ဘူး။
အဲ့ဒီတော့ သူ့အသက်ကိုသူ ကာကွယ်တဲ့ အနေနဲ့ လှဲအိပ်
လိုက်ပြီး အသက်အောင့်ထားတယ်။
အသေယောင်ဆောင်နေလိုက်ရတယ်။
အဲ့ဒီ အချိန်မှာ ဝက်ဝံကြီးက အနားနား လာပြီးတော့
ခေါင်းကို လျှာနဲ့ လျက်တယ်။ဟိုနမ်း ဒီနမ်း လုပ်တယ်ပေါ့။
မလှုပ်ရဲဘူး။အသက်လည်း မရှူရဲဘူး။ငြိမ်နေရတယ်။
လှုပ်လိုက်ရင်တော့ အကိုက်ခံရမှာ သေချာတယ်။
အဲ့ဒီမှာ ငြိမ်နေတဲ့ အခါကျတော့ ဝက်ဝံကြီးက
လက်နဲ့ ဟိုဘက်က ပုတ်ကြည့်။ဒီဘက်က ပုတ်ကြည့်။
အသေကြီးပဲ မှတ်ထင်ပြီး သူ့လမ်းသူ ဆက်သွားတယ်။
ဝက်ဝံကြီး ထွက်သွားပြီဆိုတော့မှ ဟိုသေနတ်နဲ့ကောင်က
သစ်ပင်ပေါ်က ဆင်းလာတယ်။ဆင်းလာပြီးတော့
“သူငယ်ချင်း ၊ မင်းကို ဝက်ဝံကြီးက တိုးတိုး တိုးတိုးနဲ့
ဘာပြောသွားတာတုန်း”မေးသတဲ့။
ဟိုလူက ပြောတယ်။
“အေး ၊ ဝက်ဝံကြီးက ငါ့ နားနား ကပ်ပြောသွားတာ
မိတ်ဆွေ သူငယ်ချင်း မပီသတဲ့ အကောင်မျိုးကို
နောင် ဘယ်တော့မှ မပေါင်းနဲ့တဲ့”။
အရေးကြုံလာပြီဆိုရင် နှစ်ဦး ပူးပေါင်း ခုခံမယ်
မလုပ်ဘဲနဲ့ “အဲ့ဒီလို ကိုယ်လွတ်ရုံးသွားတဲ့
အကောင်မျိုးကို ဘယ်တော့မှ မပေါင်းနဲ့” လို့
ဝက်ဝံကြီး က သူ့ကို မှာသွားတယ်လို့ ပြောသတဲ့။
“အာပဒါသု န ဇဟတိ” ဒုက္ခကြုံလာတဲ့အခါမှာ
စွန့်ပြီး သွားတာမျိုး မဖြစ်စေရဘူးတဲ့။
အဲ့ဒါ ဘုရားဟောတဲ့ မိတ်ကောင်း ဆွေကောင်း ပါပဲ။
(ပါမောက္ခချုပ်ဆရာတော်)
မေတ္တာဖြင့်ပြန်လည်ဓမ္မဒါနပြုပါဧ။် ။
No comments:
Post a Comment