" ဗုဒ္ဓ မဖြေကြားသော ပြဿနာများ " ဆောင်းပါး
၁။ ဘုရားရှင် ပွင့်ထွန်းလာသည်နှင့် တပြိုင်နက် လူ၊ နတ်၊ ဗြဟ္မာ သတ္တ၀ါအားလုံးတို့၏ ၀ဋ်ဆင်းရဲမှ ထွက်မြောက်ရာ နိဗ္ဗာန်အလို့ငှာ သစ္စာလေးပါးတရားကို ဟောကြားတော်မူပါသည် … ဟောကြားသည့်အချိန်မှစ၍ ယနေ့အချိန်အထိ မည်သူမျှ စောဒက မတက်နိုင်သေးသော သစ္စာတရားကို ဟောကြားနိုင်မူကြောင့် ထင်ရှားကျော်ကြား လူသိများပြီး သာသနာတော်ကြီး ထွန်းကား စည်ပင်ခဲ့၏ …
🍀🍀🍀🍀🍀🍀🍀🍀🍀🍀🍀
( ဘုရားရှင်ကို စွပ်စွဲခြင်း )
၂။ ထိုအချိန်၌ ဘုရားအမည်ခံပြီး ၀ါဒတီထွင် တပည့်တပင်းများလှသော တိတ္တိဆရာကြီးတို့၏ တန်ခိုးရှိန်ဝါ လျှော့ကျလာသောအခါ ဘုရားရှင်အား မည်သို့ဖြေဖြေ အပြစ်မလွတ်သည့် ပြဿနာများ ဖန်တီးပြီး မေးမြန်းကြ၏ … ထိုမေးခွန်းများကို လျှော်ကန်အောင် ဖြေကြားနိုင်သဖြင့် မေးမြန်းလာသူတို့သာ ဗုဒ္ဓ၏တပည့် သာဝက ဖြစ်ကြကုန်၏ … သို့သော် တစ်ချိူ့သော မေးခွန်းပြဿနာများကိုကား မြတ်စွာဘုရားရှင် ဖြေကြားခြင်း မပြုခဲ့ပေ … ထိုသို့ ဖြေကြားခြင်းမပြုသည်ကိုပင် မသိ၊ နားမလည်၍ မဖြေခြင်း ဖြစ်ကြောင်း စွပ်စွဲပြောဆိုကြရာ ဘုရားရှင်၏ တစ်ချိူ့သော တပည့်ရဟန်းကပင် ထင်ယောင်ထင်မှား ဖြစ်၍ ဘုရားရှင်ကို မေးလျှောက်ကြလေ၏ …
🍀🍀🍀🍀🍀🍀🍀🍀🍀🍀🍀
( မာလုကျ၏ အမေး နှင့် ဗုဒ္ဓ၏ အဖြေ )
၃။ မာလုကျပုတ္တဟု အမည်ရသော ရဟန်းသည် ဘုရားရှင်ကို ဤသို့ မေးလျှောက်၏ ..
မာလုကျ - အရှင်ဘုရား လောက သည် မြဲသလော၊ မမြဲသလော
ဗုဒ္ဓ - ငါဘုရားရှင် မဖြေကြားပေ။
မာလုကျ - အရှင်ဘုရား လောကသည် အစအဆုံး ရှိသလော၊ မရှိသလော..
(လောက၌ သတ္တလောက၊ သင်္ခါရလောက၊ သြကာသလောက ၃ ပါးရှိရာ ယနေ့ခေတ် ဗုဒ္ဓဘာသာဝင်တို့ကို မေးခွန်းထုတ်ခံရသော လူဘယ်က စဖြစ်သနည်း စသော အမေးများ သည် ဤ မေးခွန်းတွင် အကြုံးဝင်ပါသည်။)
ဗုဒ္ဓ - ငါဘုရားရှင် မဖြေကြားပေ။
မာလုကျ - အသက်သည် ပင် ကိုယ်လော … အသက်ကတခြား ကိုယ်က တခြားလော …
ဗုဒ္ဓ - ငါဘုရားရှင် မဖြေကြားပေ။
မာလုကျ - သတ္တ၀ါသေပြီးနောက် ဖြစ်သေးသလော … မဖြစ်သလော …
ဗုဒ္ဓ - ငါဘုရားရှင် မဖြေကြားပေ။
မာလုကျ - သတ္တ၀ါသေပြီးနောက် ဖြစ်သည်လည်းရှိ … မဖြစ်သည်လည်း ရှိသလော …
ဗုဒ္ဓ - ငါဘုရားရှင် မဖြေကြားပေ။
မာလုကျ - အရှင်ဘုရား သတ္တ၀ါသေပြီးနောက် ဖြစ်သည်လည်း မဟုတ် … မဖြစ်သည်လည်း မဟုတ်ပါသလော ..
ဗုဒ္ဓ - ငါဘုရားရှင် မဖြေကြားပေ။
မာလုကျ - အရှင်ဘုရား ထိုအကြောင်းများကို မြတ်စွာဘုရားရှင် မဖြေကြားပါက တပည့်တော် လူထွက်အံ့ … အကယ်၍ အရှင်ဘုရား မသိလျှင်လည်း မသိကြောင်း ၀န်ခံခြင်းသည်သာလျှင် ရိုးသားဖြောင့်မတ်ရာ ရောက်ပါသည် … ဘုရား...
ဗုဒ္ဓ - အချည်းနှီးယောင်္ကျား “ လောကမြဲ၊ မမြဲ စသော မေးခွန်းများကို မြတ်စွာဘုရားမဖြေကြားပါက ငါသည် မြတ်စွာဘုရားထံမှ အကျင့်မြတ်ကို မကျင့်အံ့ ” ဟု တစ်စုံတစ်ယောက်သောသူက ဆိုပါက ထိုသူသည် အကျင့်မြတ်ကို မကျင့်ဘဲသာလျှင် သေလွန်ရာ၏ … ငါကား ထိုမေးခွန်းများကို ဖြေကြားမည်မဟုတ်ပေ …
ဗုဒ္ဓ - မာလုကျ ... ဥပမာ - အဆိပ်လူးမြှား စူးဝင်နေသူအား ဆေးဆရာက မြှားကို နှူတ်ပယ် မည်လုပ်သောအခါ မိမိအား မြှားဖြင့်ပစ်သူမှာ မည်သူနည်း၊ ထိုသူသည် ယုတ်သလော၊ အမျိူးမြတ်သလော၊ မည်သို့သော လေးဖြင့် ပစ်သနည်း၊ မည်သို့သော မြှားဖြစ်သနည်း စသော အကြောင်းများကို မသိရသေးမီ မြှားကို မနှူတ်ရန် ပြောဆို၏ … ထိုသူသည် မြှားကို မနှူတ်ရဘဲ ထိုမြှား အဆိပ်ဖြင့်ပင် သေလွန်ရန်သာ ရှိ၏။ ထိုအကြောင်းများကို ကား သိနိုင်သွားလ်ိမ့်မည် မဟုတ်ပေ …
မာလုကျ .. လောကမြဲ၊ မမြဲ စသော အကြောင်းများကို သိခြင်းသည် မိမိဆင်းရဲ ကုန် ခမ်းခြင်းငှာ ဖြစ်နိုင်မည်လော …
မာလုကျ - မဖြစ်နိုင်ပါဘုရား …
ဗုဒ္ဓ - မာလုကျ ... လောကမြဲနေသည်ဖြစ်စေ၊ မမြဲသည်ဖြစ်စေ … လောက သည် အဆုံးရှိသည်ဖြစ်စေ၊ မရှိသည်ဖြစ်စေ … မွေးဆင်းရဲ၊ အိုဆင်းရဲ၊ သေဆင်းရဲ ဟူသော စိုးရိမ်ခြင်း၊ ငိုကြွေးခြင်း၊ ကိုယ်စိတ်ဆင်းရဲခြင်း၊ ကိုယ်စိတ်ပင်ပန်းခြင်း တို့သည် ရှိနေသည်သာ ဖြစ်၏… ငါကား မျက်မှောက်ဘ၀၌ ထိုဆင်းရဲတရား တို့ကို ပယ်ဖျောက်ရန်ဟောကြား၏… ထို့ကြောင့် ငါဟောသည်ကို ဟောသည်ဟု မှတ်ပါ.. မဟောသည်ကို မဟော ဟု မှတ်ပါ …
မာလုကျ … ထိုလောကမြဲ၊ မမြဲ လောက အစအဆုံး ရှိ၊ မရှိစသော အကြောင်းတို့ကို ငါမဟောကြားပေ… အဘယ်ကြောင့် မဟော သနည်း ဆိုသော် ထိုအကြောင်းများသည် အကျိူးစီးပွားနှင့် မစပ်၊ အကျင့်မြတ်၏ အစဦးလည်း မဟုတ်၊ ၀ဋ်ဆင်းရဲ၌ ငြီးငွေ့ခြင်း၊ တပ်မက်မူကင်းခြင်း၊ ဆင်းရဲချူပ်ငြိမ်းခြင်း၊ အသိဥာဏ်ထူးဖြစ်ပေါ်ခြင်း၊ ကိလေသာငြိမ်းခြင်းတို့အတွက်လည်း အထောက်အကူ မပြုသောကြောင့်ဖြစ်၏ …
မာလုကျ - ဤကားဆင်းရဲတည်း … ဤကားဆင်းရဲဖြစ်ကြောင်းတည်း … ဤကား ဆင်းရဲချူပ်ရာတည်း … ဤကား ဆင်းရဲချူပ်ရာအကျင့်တည်း ဟု ငါဟောကြား၏ … အဘယ်ကြောင့် ဟောသနည်း ဆိုသော ထိုအကြောင်းများသည် အကျိူးစီးပွား နှင့် စပ်၏ … အကျင့်မြတ်၏အစဦးလည်း ဖြစ်သည့်အပြင် ၀ဋ်ဆင်းရဲ၌ငြီးငွေ့ခြင်း၊ တပ်မက်မူကင်းခြင်း၊ ဆင်းရဲချူပ်ငြိမ်းခြင်း၊ အသိဥာဏ်ထူးဖြစ်ပေါ်ခြင်း၊ ကိလေသာငြိမ်းခြင်း တို့အတွက် အထောက်အကူဖြစ်သောကြောင့် ဖြစ်၏။
ထိုသို့ ဘုရားရှင်ဖြေကြားသည်ကို အရှင်မာလုကျပုတ္တ သည် နှစ်သက်ကျေနပ်၍ လူမထွက်တော့ဘဲ ဘုရားရှင်အား ၀န်ချတောင်းပန်ကာ အကျင့်မြတ်ကို ဆုံးခန်းတိုင်အောင် ကျင့်ခဲ့၏ ..
(မဇ္ဈိမနိကာယ်၊ စူဋ္ဌမာလုကျသုတ်)
🍀🍀🍀🍀🍀🍀🍀🍀🍀🍀🍀
( မဆုံးနိုင်သော အဖြေ)
၎။ လောကမြဲ၊ မမြဲစသော အကြောင်းများသည် အကျိူးစီးပွားအတွက် အထောက်အကူ မပြုယုံသာမက ထိုအကြောင်းများကို ဖြေလျှင်လည်း မကုန်ဆုံးနိုင်ကြောင်းကို …
" သာရိပုတ္တရာ … လွန်ကဲသော သတိပညာ နှင့် ပြည့်စုံသော အသက်တစ်ရာရှည်မည့် သာဝကလေးပါးတို့သည် ငါ့အား ပြဿနာများကို မေးကုန်ရာ၏ … ငါသည်လည်း စားခြင်း၊ သောက်ခြင်း၊ ကျင်ကြီး၊ ကျင်ငယ်စွန့်ခြင်း၊ အပန်းဖြေအိပ်စက်ခြင်းမှတစ်ပါး အခြား တစ်စုံတစ်ရာကိုမျှ မပြုလုပ်ဘဲ ထိုသာဝကလေးပါးတို့ မေးသမျှ ပြဿနာတို့ကို သာလျှင် ဖြေကြားနေရာ၏ … ယင်းသို့ ဖြေကြားနေခဲ့သော တောင်မှ ထိုသာဝကလေးပါးတို့သည် အသက်တစ်ရာပြည့်၍ ကွယ်လွန်ကုန်ရာ၏ … ငါ၏ အဖြေကား မကုန်ဆုံးသေးသည်သာ ဖြစ်၏ …ဟု " ဟောတော်မူခဲ့၏…
(မဇ္ဈိမနိကာယ်၊ မဟာသီဟနာဒသုတ်)
🍀🍀🍀🍀🍀🍀🍀🍀🍀🍀🍀
(ဘုရားရှင်၏ အား ၁၀ ပါး)
၅။ လောကမြဲ၊ မမြဲစသော အကြောင်းများကို မြတ်စွာဘုရားရှင် မသိသည်မဟုတ် သိမြင်တော်မူပြီး ဖြစ်၍ အကျိူးစီးပွား နှင့် မစပ်ဆိုင်သောကြောင့်သာလျှင် ဝေနေယျသတ္တ၀ါတို့အား မဟောကြားခြင်း ဖြစ်ပေသည် …
သာရိပုတ္တရာ … ငါဘုရားရှင်သည် အား ၁၀ ပါး နှင့် ပြည့်စုံ၍ မြင့်မြတ်အရာကို ၀န်ခံ၏ …ထို အား ၁၀ ပါးကား …
၁ - လောကဖြစ်စဉ်တို့၏ အကြောင်း ဟုတ်၊ မဟုတ်ကို အမှန်အတိုင်း သိခြင်း။
၂ - များစွာသော ဓာတ်သဘော၊ အမျိူးမျိူးသော ဓာတ်သဘောရှိသည့် လောကကို အမှန်အတိုင်း သိခြင်း။
၃ - အတိတ်၊ အနာဂတ်၊ ပစ္စုပ္ပန် အလုံးစုံသော ကံ အကျိူးတရားကို အမှန်အတိုင်း သိခြင်း။
၎ - ဘုံဘ၀ အားလုံးသို့ လားရောက်ကြောင်း အကျင့်တို့ကို အမှန်အတိုင်း သိခြင်း။
၅ - သတ္တ၀ါတို့၏ အလိုအဇ္ဈာသယအမျိူးမျိူးကို အမှန်အတိုင်း သိခြင်း။
၆ - သတ္တ၀ါတို့၏ ဣဒြေအနုအရင့်ကို အမှန်အတိုင်း ခွဲခြားသိမြင်ခြင်း။
၇ - ဈာန်၊ ၀ိမောက္ခ၊ သမာဓိ၊ သမာပတ် တို့၏ ညစ်ညူးကြောင်း၊ ဖြူစင်ကြောင်း၊ ထမြောက်ကြောင်းကို ဟုတ်တိုင်းမှန်စွာ ခွဲခြားသိမြင်ခြင်း။
၈ - ဖြစ်ခဲ့ဘူးသော ဘ၀များစွာကို ပြန်ပြောင်းအောက်မေ့နိုင်ခြင်း။
၉ - သတ္တ၀ါတို့၏ သေခြင်း၊ ပဋိသန္ဓေနေခြင်းကို ဟုတ်တိုင်းမှန်စွာ ခွဲခြားသိမြင်ခြင်း။
၁၀ - အာသဝေါကင်းသော စေတောဝိမုတ္တိ၊ ပညာဝိမုတ္တိ ကို မျက်မှောက်ပြုနိုင်ခြင်း တို့ဖြစ်၏ …
မြတ်စွာဘုရားရှင်၏ အား ဆယ်ပါး ၌ အမှတ်စဉ် ၁ နှင့် ၂ သည် လောကဖြစ်ကြောင်း နှင့် ဖြစ်စဉ်အပေါ်တွင် သိမြင်တော်မူသော ဥာဏ်တော် ဖြစ်လေ၏ ….
(မဇ္ဈိမနိကာယ်၊ မဟာသီဟနာဒသုတ်)
🍀🍀🍀🍀🍀🍀🍀🍀🍀🍀🍀
(လောကသင်္ခါရ အကြောင်း ဟောကြားခြင်း)
၆။ မြတ်စွာဘုရားရှင်အား လောကအကြောင်း မေးမြန်းလျှောက်ထားသူတို့သည် ကျော်ဇောရန်၊ ဂုဏ်သိက္ခာတက်ရန်၊ အခြံအရံများရန်၊ ဂိုဏ်းဆရာ ဖြစ်ရန်၊ ဘုရားဟု အသိအမှတ်ပြုခံရရန်၊ လာဘ်လာဘပေါများရန်၊ ငြင်းခုံရန်အတွက် တဏှာ၊ မာန၊ ဒိဋ္ဌိ နှင့်ယှဉ်၍ မေးလျှောက်ကြသဖြင့် ဖြေဆိုတော်မူခြင်း မပြုပေ …
မျက်မှောက်ဆင်းရဲပယ်ဖျောက်ရန် အတွက် ငြီးငွေ့ခြင်း၊ တပ်မက်မူကင်းခြင်း၊ သစ္စာဥာဏ်ရင့်ကျက်၍ အထူးသိခြင်း၊ ကိလေသာငြိမ်းခြင်း တို့အတွက်မူကား လျှောက်ပတ်သောအခါကာလ တို့၌ လောကအကြောင်းများကို ဟောကြားတော်မူခဲ့ပါသည် …
ရဟန်းတို့ သင်္ခါရတို့သည် မမြဲကုန်၊ မခိုင်ခံ့ကုန်၊ သာယာအပ်သော သဘောမရှိ … ရဟန်းတို့ ခပ်သိမ်းသော သင်္ခါရတို့၌ စင်စစ်ငြိးငွေ့ခြင်း၊ တပ်မက်မူကင်းခြင်းငှာသာ သင့်၏ … ခပ်သိမ်းသော သင်္ခါရတို့မှ လွတ်မြောက်ခြင်းငှာ သင့်၏ …
ရဟန်းတို့ တခါတရံ ရှည်လျားသော အဓွန့်ကာလလွန်လတ်သော နှစ်ပေါင်းရာထောင်များစွာ ကာလပတ်လုံး၊ နှစ်ပေါင်းသ်ိန်းပေါင်းများစွာ ကာလပတ်လုံး မိုးမရွာသော အခါသည်ရှိ၏ … မိုးမရွာသည် ရှိသော် ဗီဇဂါမ်၊ ဘူတဂါမ် ဟုဆိုအပ်သော ဆေးပင်၊ မြက်ပင်၊ တောစိုးအပင်တို့သည် ခြောက်သွေ့ပျက်စီး ကုန်၏ … ရဟန်းတို့ သင်္ခါရတို့သည် ဤသို့လျှင် မမြဲသော သဘောရှိကုန်၏ … မသာယာသော သဘောရှိကုန်၏ … ခပ်သိမ်းသော သင်္ခါရတို့၌ စင်စစ်ငြီးငွေ့ခြင်းငှာ သင့်၏ … တပ်မက်မူကင်းခြင်းငှာ သင့်၏ … ခပ်သိမ်းသော သင်္ခါရတို့မှ လွတ်မြောက်ခြင်းငှာ သင့်၏ …
(စကားချပ် - ဖောက်ပြန်ပြောင်းလဲနေသော အစဉ်သည် သင်္ခါရ မည်၏။)
ရဟန်းတို့ တခါတရံ ရှည်လျားသော အဓွန့်ကာလလွန်လတ်သော ဒုတိယမြောက် နေမင်း ဖြစ်ပေါ်လာသော အခါသည် ရှိ၏ … ဒုတိယ နေမင်း ဖြစ်ပေါ်လာခြင်းကြောင့် မြစ်ငယ်၊ အိုင်ငယ် ဟူသမျှတို့သည် ခန်းခြောက်ကုန်၏ ... ရဟန်းတို့ သင်္ခါရတို့သည် မမြဲကုန်၊ မခိုင်ခံ့ကုန်၊ သာယာအပ်သော သဘောမရှိ … ရဟန်းတို့ ခပ်သိမ်းသော သင်္ခါရတို့၌ စင်စစ်ငြိးငွေ့ခြင်း၊ တပ်မက်မူကင်းခြင်းငှာသာ သင့်၏ … ခပ်သိမ်းသော သင်္ခါရတို့မှ လွတ်မြောက်ခြင်းငှာ သင့်၏..
ရဟန်းတို့ တခါတရံ တတိယမြောက် နေမင်း သည် ဖြစ်ပေါ်လာသောသည် အခါသည် ရှိတတ်၏ … တတိယမြောက်နေ ဖြစ်ပေါ်လာခြင်းကြောင့် ဂင်္ဂါ၊ ယမုံနာ၊ အစီရ၀တီ၊ သရဖူ၊ မဟီဟူသော မြစ်ကြီး ၅ စင်းတို့သည် ခန်းခြောက်ကုန်၏ …
ရဟန်းတို့ တခါတရံ စတုတ္တမြောက် နေမင်း သည် ဖြစ်ပေါ်လာသောအခါသည် ရှိတတ်၏ … စတုတ္တမြောက် နေမင်း ဖြစ်ပေါ်လာသောကြာင့် မြစ်ကြီး ၅ စင်းတို့ မြစ်ဖျားခံရာ ဖြစ်သည့် အနောတတ်အိုင်၊ သီဟပပါတအိုင်၊ ရထကာရအိုင်၊ ကဏ္ဏမုဏ္ဍအိုင်၊ ကုဏာလအိုင်၊ ဆဒ္ဒန္တအိုင်၊ မန္ဒာကိနီ အိုင်ဟူသော အိုင်ကြီး ၇ အိုင်သည် ခန်းခြောက်ကုန်၏ …
ရဟန်းတို့ တခါတရံ ပဉ္စမမြောက် နေမင်း ဖြစ်ပေါ်လာသော အခါသည် ရှိ၏ … ပဉ္စမမြောက် နေမင်း ဖြစ်ပေါ်လာခြင်းကြောင့် မဟာသမုဒ္ဒရာ၌ ယူဇနတစ်ရာမျှ ရေတို့သည် ယုတ်လျော့ကုန်၏ … ထို့နောက် ယူဇနာ ၇၀၀ မျှသော ရေတို့သည် ယုတ်လျှော့ကုန်၏ … ထန်းပင် ၇ ပြန်မျှသော ရေအနက် သည်သာလျှင် တည်လေ၏..ထို့နောက်တွင် ထန်းတစ်ပင်၊ လက်ခုပ်ခုနှစ်ဖေါင်၊ လပ်ခုပ်တစ်ဖေါင်၊ လက်ခုပ်ဖေါင်ဝက်မျှ ရေသာတည်လေတော့၏ … နောက်ဆုံးတွင် မဟာသမုဒ္ဒရာ ရေပြင်ကြီးသည် ခါးလောက်၊ ဒူးလောက်၊ ခြေကျင်းဝတ်မျှသော ရေသာရှိတော့ လေ၏ ...
ဥပမာ - တန်ဆောင်မုန်းလ သရဒရာသီ၌ မိုးလုံးကြီးသော မိုးရွာသည်ရှိသော် ထို အရပ်တို့၌ နွားခြေရာခွက်တို့တွင် ရေများတည်သကဲ့သို့ ထို့အတူ မဟာသမုဒ္ဒရာ၌ ခြေကျင်းဝတ်မျှသော ရေသာတည်၏ … ပဉ္စမမြောက် နေမင်း ဖြစ်ပေါ်လာသောကြောင့် မဟာသမုဒ္ဒရာ၌ လက်တစ်ဆစ်မျှသော ရေသည်ပင် မရှိတော့ပေ..
ရဟန်းတို့ တခါတရံ ဆဋ္ဌမမြောက် နေမင်း ဖြစ်ပေါ်လာသော အခါတည်ရှိ၏ .. ဆဋ္ဌမမြောက် နေမင်း ဖြစ်ပေါ်လာခြင်းကြောင့် ဤ မဟာပထ၀ီမြေကြီး နှင့် မြင်းမိုရ်တောင်မင်း တို့သည် အခိုးထွက်ကုန်၏ .. ဥပမာ - အိုးဖုတ်သည့် အိုးဖိုသည် မီးတိုက်သော် ရှေးဦးစွာ အခိုးထွက်သကဲ့သို့ ဖြစ်၏ …
ရဟန်းတို့ တခါတရံ ရှည်လျားသော အဓွန့်ကာလလွန်လတ်သော သတ္တမမြောက် နေမင်းသည် ဖြစ်ပေါ်လာသောအခါသည် ရှိ၏..သတ္တမမြောက် နေဖြစ်ပေါ်လာခြင်းကြောင့် ဤ မဟာပထ၀ီမြေကြီး နှင့် မြင်းမိုရ်တောင်မင်းသည် အလျှံတပြောင်ပြောင် တောက်လောင်ကုန်၏ … မီးတောက်မီးလျှံ တို့သည် လေဖြင့်လွင့်ပါလျက် ဗြဟ္မာ့ပြည်အထိပင် တက်သွား၏ … ဤမဟာပထ၀ီမြေကြီး နှင့် မြင်းမိုရ်တောင်တို့သည် မီးလောင်သည် ရှိသော် ပြာလည်းမထင်၊ မီးသွေးလည်း မတွေ့ရပေ .. ဥပမာ - ထောပတ်ကို ဖြစ်စေ … ဆီကို ဖြစ်စေ .. မီးလောင်သည် ရှိသော် ပြာလည်းမထင်၊ မီးသွေးလည်း မတွေ့ရသကဲ့သို့ ဖြစ်၏ ...
ရဟန်းတို့ သင်္ခါရတို့သည် ဤသို့လျှင် မမြဲသော သဘောရှိကုန်၏ … မသာယာအပ်သော သဘောရှိကုန်၏ … ခပ်သိမ်းသော သင်္ခါရတို့၌ ငြီးငွေ့ခြင်းသည် သင့်၏ … တပ်မက်ကင်းခြင်းသည် သင့်၏ .. လွတ်မြောက်ခြင်းသည် သင့်၏ ...
ရဟန်းတို့ ရှေးအခါက အယူဝါဒကို တီထွင်တတ်သော ကာမဂုဏ်တပ်မက်မူကင်းသော (သုနေတ္တ) မည်သော ဆရာသည် ပေါ်ခဲ့၏ … သုနေတ္တတွင် ရာပေါင်းများစွာသော တပည့်တို့သည် ရှိ၏ … သုနေတ္တသည် တပည့်တို့အား မြဟ္မာ့ပြည်၌ ဖြစ်ရန် တရားကိုဟော၏ … သုနေတ္တဟောကြားသည့် တရား အဆုံးအမကို အကုန်အစင်သိသော တပည့်တို့သည် သေလွန်သောအခါ ဗြဟ္မာ့ပြည်သို့ ရောက်ကုန်၏ … အကုန်အစင် မသိသော တပည့်တို့ကား အချိူ့ ပရနိမ္မိတ၀သ၀တီနတ်ပြည်၊ အချိူ့ နိမ္မာနရတိ၊ အချိူ့ တုသိတာ၊ အချိူ့ ယာမာ၊ အချိူ့ တာဝတိံသာ၊ အချိူ့ စတုမဟာရာဇ်နတ်ပြည် သို့ ရောက်ကုန်၏ .. အချိူ့ လူ့ပြည်သို့ ရောက်ကုန်၏ ..
ရဟန်းတို့ ထိုအခါ သုနေတ္တသည် ဤသို့ အကြံဖြစ်ပေါ်၏ … ငါသည် တပည့်တို့နှင့် အတူ လားရာရှိသူဖြစ်ခြင်းငှာ မသင့်၊ တိုးတက်၍ မေတ္တာကို ပွားများခြင်းငှာ သင့်၏ဟု အကြံဖြစ်လေသည် … ထို့နောက် သုနေတ္တသည် ခုနှစ်နှစ် ပတ်လုံး မေတ္တာကို ပွားများလေ၏ .. ထိုသို့ပွားများခြင်းကြောင့် ဗြဟ္မာ့ပြည်သို့ ရောက်သွားပြီး သံဝဋကပ် (မီးတောက်မီးလျှံတို့ဖြင့် ကမ္ဘာပျက်သော ကာလ)၊ ၀ိဝဋကပ် (ကမ္ဘာပြည်တည်သောကာလ)၊ ထိုသို့ ကပ် ပေါင်း (၇) ကပ် ပတ်လုံး ဤ ကာမဘုံ သို့ ပြန်မလာခဲ့ပေ … သူသည် ကမ္ဘာပျက်သောအခါ " အာဘာဿရဘုံ " သို့ရောက်နေ၏ .. ကမ္ဘာလောကတည်သော အခါ ကာမဘုံ သို့ ပြန်လာ၏ …
ရဟန်းတို့ ဤသို့လျှင် အလွန်အသက်ရှည်သည့် သုနေတ္တဆရာသည်လည်း မွေးဆင်းရဲ (ဇာတိ)၊ အိုဆင်းရဲ (ဇရာ)၊ စသော ၀ဋ်ဒုက္ခမှ မလွတ်ခဲ့ .. အဘယ်ကြောင့် မလွတ်သနည်းဆိုသော် အရိယာတို့၏ သီလ (သီလမဂ္ဂင်)၊ အရိယာတို့၏ သမာဓိ (သမာဓိမဂ္ဂင်)၊ အရိယာတို့၏ ပညာ ( ပညာမဂ္ဂင်)၊ ၀ိမုတ္တိ (နိရောဓ) ဟူသော တရားလေးပါး ကို ထိုးထွင်းမသိသောကြောင့် ဖြစ်၏ .. ရဟန်းတို့ ငါသည်ကား ထိုတရား လေးပါးကို ထိုးထွင်းသိခဲ့ပေပြီ .. ထို့ကြောင့် ငါ့မှာဇာတိ ဆင်းရဲကုန်ပြီ၊ ဘ၀တဏှာပြတ်ပြီ၊ ဘ၀အသစ်ဖြစ်ဖို့ မရှိတော့ပေဟု ဟောကြားတော်မူပေသတည်း …။
(အဂုင်္တ္တရနိကာယ်၊ သတ္တကနိပါတ်၊ သတ္တသူရိယသုတ်)
🍀🍀🍀🍀🍀🍀🍀🍀🍀🍀🍀
၇။ " တခါတရံ ရှည်လျားသော အဓွန့်ကာလလွန်လတ်သော နှစ်ပေါင်းရာထောင်များစွာ ကာလပတ်လုံး နှစ်ပေါင်းသိန်းပေါင်းများစွာ ကာလပတ်လုံး မိုးမရွာသောအခါသည် ရှိ၏ .. " ဟု မြတ်စွာဘုရားရှင် ဟောတော်မူသည်ကား မဟာဘုတ်ဓာတ်လေးပါးဖြစ်သော ပထ၀ီ (မာခြင်း၊ပျော့ခြင်း) ၊ အာပေါ ( ယိုစီးခြင်း၊ ဖွဲ့စည်းခြင်း) ၊ တေဇော (ပူခြင်း၊ အေးခြင်း) ၊ ၀ါယော (ထောက်ကန်ခြင်း) တို့တွင် တေဇောဓာတ်လွန်ကဲ၍ အခြားဓာတ်တို့ ယုတ်လျော့ဖောက်ပြန်လာခြင်းပင် ဖြစ်၏ …
ထိုသို့ ဖောက်ပြန်သော ဓမ္မနိယာမကြောင့် ဖောက်ပြန်သော ဥတုနိယာမ ဖြစ်လာ၏ … ထိုဓာတ်ကြီး လေးပါးမှာ ပြောင်းလဲဖောက်ပြန်ခြင်းရှိသော်လည်း ချူပ်ပျောက်ပျက်စီး ကောင်းသော တ၇ား မဟုတ်ပေ …
ဒီဃနိကာယ်၊ ကေ၀ဋသုတ်၌ ရဟန်း မဟာဘုတ်ဓာတ်လေးပါးသည် အဘယ်အရပ်၌ အကြွင်းမဲ့ချူပ်သနည်း ဟု မမေးအပ်၊ အဘယ်အရပ်၌ ဓာတ်လေးပါး မတည်သနည်း ဟုသာ မေးအပ်၏ ..ဟု ဟောတော်မူခြင်းကြောင့် ထို မဟာဘုတ်ဓာတ်လေးပါးသည် ချူပ်ပျောက်ကောင်းသော တရား မဟုတ်ပေ …
🍀🍀🍀🍀🍀🍀🍀🍀🍀🍀🍀
၈။ နိယာမတရားဟူသည်ကား တစ်စုံတစ်ယောက်သော လူ၊ နတ်၊ သိကြား၊ ဗြဟ္မာ၊ ထာဝရဘုရား တို့၏ ပြုလုပ်မူ၊ ဖန်ဆင်းမူတို့နှင့် မစပ်မဆိုင်ဘဲ ဓာတ်သဘာဝအလျောက် အစဉ်မပျက် တဆက်တည်း ဖြစ်ပွားနေ မူပင်ဖြစ်၏ …
- ပထ၀ီဓာတ်၌ မာသောအရာ တို့ ပျော့သွားခြင်း၊ ပျော့သောအရာတို့ မာသွားခြင်းသည်လည်းကောင်း …
- အာပေါဓာတ်၌ ယိုစီးသောအရာတို့ ဖွဲ့စည်းခြင်း၊ ဖွဲ့စည်းသော အရာတို့ ယိုစီးခြင်းသည် လည်းကောင်း …
- တေဇောဓာတ်၌ ပူသောအရာတို့ အေးခြင်း၊ အေးသော အရာတို့ ပူခြင်းသည်လည်းကောင်း …
- ၀ါယောဓာတ်၌ ကျစ်လစ်သောအရာတို့ ပွယောင်းခြင်း၊ ပွယောင်းသော အရာတို့ ကျစ်လစ်ခြင်းသည် လည်းကောင်း တို့သည်
အစဉ်မပျက် တဆက်တည်းဖြစ်ပွားနေခြင်းသာဖြစ်ပြီး တစ်စုံတစ်ယောက်သော လူ၊ နတ်၊ သိကြား၊ ထာဝရ ဘုရားတို့ ပြုလုပ်ဖန်ဆင်းခြင်း မဟုတ်ဘဲ ဓာတ်သဘာဝအလျောက် ဖြစ်ပေါ်နေခြင်းသည် ဓမ္မနိယာမ ၏ သဘောတရားပင် ဖြစ်လေသည် … ထို ဓမ္မနိယာမ ကြောင့် နေ၊ လ၊ နက္ခတာရာ၊ ဂြိုလ်၊ ဥက္ကာ၊ တွင်းနက်၊ ကြယ်တံခွန်၊ နဂါးငွေ့ စသော အရာတို့သည် အစအဆုံး မရှိသော စကြာဝဋ္ဌာ၌ ဖြစ်ပေါ်နေကြ၍ အမြဲမပြတ်ပြောင်းလဲနေကြ၏ .. ထိုပြောင်းလဲမူတွေ အလွန် အဓွန့်ရှည်ကြာလွန်းသောကြောင့် မပြောင်းလဲ အမြဲတည်တံ့နေသည်ဟု ထင်မှတ်မှားနေခြင်း ဖြစ်လေသည် …
🍀🍀🍀🍀🍀🍀🍀🍀🍀🍀🍀
၉။ ယခင်က ကမ္ဘာ့ရာသီဥတု ဖောက်ပြန်မူများသည် လူတို့၏ ပယောဂကြောင့် ဂေဟစနစ်ပျက်ပြားမူဖြစ်သည် ဟုထင်မှတ်ကြသော်လည်းနောက်ပိုင်းတွင် လူတို့၏ ပယောဂ ကြောင့်သာမဟုတ်ဘဲ ကမ္ဘာကြီး၏ ဟန်ချက်ပျက်ပြားမူ ပြောင်းလဲမူဖြစ်စဉ် ကြောင့် ဟု သိလာကြသည် … ထို့ကြောင့်နောက်ပိုင်းတွင် ဟန်ချက်ပျက်ပြားမူ ကြောင့် အေးသောနေရာများတွင် အပူချိန်မြင့်တက်လာပြီး ..အပူပိုင်းဒေသများတွင် အလွန်အမင်း မိုးရွာသွန်းမူများ ဖြစ်ပေါ်လာလေသည် .. ကမ္ဘာအချိူ့နေရာများတွင်မူ ၃၊ ၄ နှစ် ကြာအောင် မိုးခေါင်ရေရှားမူများ ဖြစ်ပေါ်က ကမ္ဘာ့ အပူချိန်သည် နောက်ပိုင်းနှစ်များတွင် သိသိသာသာ ကို မြင့်တက် လာနေပေသည် …
နောင်အခါ နှစ်ရာစုနှစ်များတွင်မူ မိုးလုံးဝမရွာတော့တဲ့ အခါကာလထိကို ရောက်ရှိလာပေလိမ့်မည် … ထိုအခါ သက်ရှိ သတ္တ၀ါအားလုံး ပျက်သုဉ်းပြီး ဗီဇဂါမ်၊ ဘူတဂါမ် ဟု ခေါ်အပ်သော ကမ္ဘာပျိူးပင်၊ တောစိုးပင်ကြီး များတို့လည်း ပျက်သုဉ်းကြလေတော့မည် ဖြစ်၏ ...
🍀🍀🍀🍀🍀🍀🍀🍀🍀🍀🍀
၁၀။ အဓွန့်ရှည်ကြာသော ကာလလွန်လတ်သော် မဟာဘုတ် ဓာတ်လေးပါး ပြောင်းလဲမူ ဓမ္မနိယာမဖြစ်စဉ်သည် အဆက်မပြတ်ဖြစ်လျက်ရှိရာ စကြာဝဋ္ဌာ၌ နေနှင့်နီးသော ဂြိုလ်တို့လောင်မြိုက်ခံရပြီး ကောင်းကင်၌ နေ ၂ စင်းပေါ်ပေါက်လာပေမည် ..
ဥပမာ ..ကြီးမားသော မီးပုံ၏ အပူရှိန်ကြောင့် နောက်ထပ် မီးပုံတစ်ပုံ လောင်မြိုက်ခံရသကဲ့သို့ ဖြစ်၏ … ဒုတိယနေပေါ်ပေါက်လာသောကြောင့် ကမ္ဘာပေါ်ရှိ မြစ်ငယ်၊ အိုင်ငယ်တို့ ခန်းခြောက်ကုန်၏ …
အဓွန့်ရှည် ကာလတစ်ခု လွန်လတ်သော တတိယ နေမင်း ဖြစ်လာပြန်၏ … ဥပမာ - မီးပုံ ၂ ပုံ၏ အပူရှိန်ကြောင့် နောက်ထပ် မီးပုံ တစ်ပုံ လောင်မြိုက်ခံရသကဲ့သို့ဖြစ်၏...တတိယ နေမင်း ပေါ်ပေါက်လာသဖြင့် ကမ္ဘာ့အရှည်ဆုံး၊ အကြီးဆုံး မြစ်တို့သည် ခန်းခြောက်ကုန်၏ …
နောက်ထပ် အဓွန့်ရှည်သော ကာလတစ်ခု လွန်လတ်သော် စတုတ္တ နေမင်း ပေါ်ပေါက်လာ၏ … ဥပမာ - မီးပုံ ၃ ပုံ ၏ မီးပူရှိန်ကြောင့် နောက်ထပ် မီးပုံတစ်ပုံ လောင်မြိုက်ခံရသကဲ့သို့ ဖြစ်၏ …
စတုတ္ထနေမင်း ပေါ်ပေါက်လာခြင်းကြောင့် မြစ်ကြီး တို့ မြစ်ဖျားခံရာ အင်းအိုင်ကြီး တို့မှ ရေ တို့ ခန်းခြောက်ကုန်၏ … အဓွန့်ကာလရှည်လျားသော အချိန်တစ်ခုတွင် ပဉ္စမနေမင်း ထပ်မံ ပေါ်ပေါက်လာလေ၏ … မီးပုံ ၄ ပုံ ၏ အပူရှိန်ကြောင့် နောက်ထပ် မီးပုံတစ်ပုံ အလွယ်တကူ လောင်မြိုက်ခံရသကဲ့သို့ ဖြစ်၏ …
ပဉ္စမနေမင်း ပေါ်ပေါက်လာခြင်း ကြောင့် မဟာသမုဒ္ဒရာ ရေတို့သည် ခန်းခြောက်၍ ခြေကင်းဝတ်မျှသာ ရှိတော့မည် ဖြစ်လေသည် … အချိန်တစ်ခု ကြာပြီး သည့်အချိန်တွင် နောက်ထပ် ဆဋ္ဌမ မြောက် နေမင်း ဖြစ်ပေါ်လာပြန်၏ ...ဥပမာ မီးပုံ ၅ ပုံ ၏ အရှိန်သည် နောက်ထပ် မီးပုံတစ်ပုံကို အလွယ်တကူ လျှင်မြန်စွာ လောင်မြိုက်သကဲ့သို့ ဖြစ်၏ … ဆဋ္ဌမ မြောက် နေမင်း ပေါ်ပေါက်လာသောကြောင့် မဟာပထ၀ီမြေကြီး နှင့် ကမ္ဘာ့အမြင့်ဆုံးတောင်တို့သည် အခိုးတငူငူ ထွက်ကုန်၏ ..
ကမ္ဘာကို အာကာသ မှ ကြည့်မည်ဆိုလျှင် မီးတိုက်ခံရသော ထင်းစိုတုံးကဲ့သို့ အငွေ့တထောင်းထောင်း ထွက်နေပေလိမ့်မည် … နောင်အချိန်ကာလတစ်ခု လွန်သော သတ္တမမြောက် နေမင်း ပေါ်ပေါက်လာ၏ … မီးပုံ ၆ ပုံ ၏ အပူရှိန်ကြောင့် နောက်ထပ်မီးပုံတစ်ပုံ လျှင်မြန်စွာ တောက်လောင်သကဲ့သို့ ဖြစ်၏ … သတ္တမမြောက် နေမင်း ပေါ်ပေါက်လာသောကြောင့် မဟာပထ၀ီမြေကြီးသည် အလျှံတပြောင်ပြောင်တောက်လောင်ခံရ၍ မဟာ ပထ၀ီ မြေကြီးသည် မိမိကိုယ်တိုင်နေအဖြစ်သို့ ရောက်ရလေသည်…
🍀🍀🍀🍀🍀🍀🍀🍀🍀🍀🍀
၁၁။ ဤသို့အားဖြင့် မဟာပထ၀ီမြေကြီး အလျှံတပြောင်ပြောင်မီးတောက်လောင်၍ ကမ္ဘာပျက်နေခြင်းသည် လည်း တစ်စုံတစ်ယောက်သော လူ၊ နတ်၊ သိကြား၊ ဗြဟ္မာ၊ ထာဝရဘုရား တို့က ဖန်ဆင်းခြင်း မဟုတ်ဘဲ မဟာဘုတ်ဓာတ်ကြီးလေးပါး၏ ဓာတ်သဘာဝအလျောက် အစဉ်မပြတ်ဖြစ်ပေါ်နေသော ဓမ္မနိယာမတရား ကြောင့်ပင်ဖြစ်၏ … ထို ကမ္ဘာပျက်သော အဓွန့်ကာလကား ( သံဝဋ) ကပ် မည်လေ၏ …
🍀🍀🍀🍀🍀🍀🍀🍀🍀🍀🍀
ဝိ၀ဋကပ် ( ကမ္ဘာတည်ကာလ) နှင့် ဥတုနိယာမ
၁၂။ ဓမ္မနိယာမပြောင်းလဲမူဖြစ်စဉ်အရ အလွန်အဓွန့်ရှည်သောကာလတစ်ခု လွန်လတ်သော ကမ္ဘာပျက်မီးတို့ လောင်စာကုန်ခမ်း၍ လောင်ကျွမ်းပြီးချိန် ရောက်လေ၏ …
ထိုအခါဝယ် ကြွင်းသော သီတတေဇောဥတု (အအေးဘက်သို့ လားရာရှိသော တေဇောဓာတ်) ၏ အစွမ်းဖြင့် မာကျောခက်ထန်သော ကျောက်ဆိုင် ကျောက်ခဲ အဖြစ်သို့ ရောက်လေ၏ … နောင်ကာလ၌ သီတတေဇောဥတု၏ အလွန်ပြင်းထန်သော အစွမ်းအားဖြင့် နှင်းခဲအပြင်တို့ ဖြစ်ပေါ်၍ နေလမရှိ၊ နေ့မရှိ၊ မှောင်အတိကျသော ကမ္ဘာသည် အဓွန့်ရှည်ကြာစွာ ဖြစ်ပေါ်ပေ၏ …
တဖန် ဓမ္မနိယာမ၏ ပြောင်းလဲမူဖြစ်စဉ်အရ အဓွန့်ရှည်ကာလလွန်လတ်သော နေ တစ်လုံး စတင် ဖြစ်ပေါ်လာ၍ အလင်းရောင် စတင် ကျရောက်လေသည် … ဥပမာ - အရုဏ်လင်းအားကြီးအချိန် အလင်းရောင် ပျိူ့ပျိူ့ ကို မြင်ရသကဲ့သို့ ဖြစ်၏ … ထိုအခါ ကြွင်းကျန်သော ဥဏှတေဇောဥတု (အပူဘက်လားရာရှိသော တေဇောဓာတ်) ၏ အစွမ်းဖြင့် အခဲအပြင်တို့ အရည်ပျော်စေပြီး အလွန်ပြင်းထန်သော ဥဏှတေဇောဥတု၏ အစွမ်းအားဖြင့် ကမ္ဘာတစ်ခု လုံး ရေပြင်ဖြစ်ခြင်း၊ တိမ်ခိုး တိမ်တိုက်အဖြစ် အငွေ့ပြန်ခြင်းဖြင့် ရေတို့ ယုတ်လျော့ခြင်း၊ ကုန်းမြေပေါ်ခြင်း၊ ရေစီးကြောင်း များ ဖြစ်ပေါ်ခြင်း ဖြင့် မဟာဘုတ်ဓာတ်ကြီးလေးပါး ညီမျှသော ကာလသို့ ရောက်လေ၏ … နေ့ ည တို့သည် လည်း ပြန်လည် ဖြစ်ပေါ်လာ၏ … ထိုကာလသည် ကမ္ဘာတည်သော ကာလ ၀ိဝဋ ကပ် မည်လေ၏ …
ဓမ္မနိယာမကြောင့် ပေါ်ပေါက်သော ကမ္ဘာမီး ဓာတ်ကြီး ဖြင့် တိမ်ခိုး၊ တိမ်ငွေ့ ဖြစ်ပေါ်ခြင်း သည် ၀ဿန္တဥတု (မိုးဥတု) ဖြစ်စေရန် အကြောင်းတည်း …
ကြွင်းကျန်တိမ်ခိုး တိမ်ငွေ့နှင့် အေးစက်ခြင်း သည် ဟေမန္တ (ဆောင်းဥတု) ဖြစ်ရန် အကြောင်းတည်း…
ရေငွေ့ကင်းစင် အပူပိုလွန်လာခြင်းသည် ဂိမှန္တ (နွေဥတု) ဖြစ်ရန် အကြောင်း တည်း ...
ထိုသို့ နွေ၊ မိုး၊ ဆောင်း သူ့အကြောင်း နှင့် သူဖြစ်စဉ် ပေါ်ပေါက်နေခြင်းသည် တစ်စုံတစ်ယောက်သော လူ၊ နတ်၊ ဗြဟ္မာ၊ ထာဝရဘုရား တို့၏ ဖန်ဆင်းခြင်း မဟုတ်၊ ကမ္ဘာမီးဓာတ်ကြီး ၏ ဥတုနိယာမ ကြောင့် ပင်ဖြစ်လေ၏ ….
🍀🍀🍀🍀🍀🍀🍀🍀🍀🍀🍀
Comment တွင်ဆက်လက်ဖတ်ရှုပါရန် :) 👇
🍀🍀🍀🍀🍀🍀🍀🍀🍀🍀🍀
( ဗီဇနိယာမ ဖြစ်ပေါ်ခြင်း )
၁၃။ ကမ္ဘာပေါ်ရှိ ရေစီးကြောင်းတို့၏ အကွေ့၊ အချိူး၊ အကွယ်နေရာ၊ သဟဇာတမျှရာ နေရာတို့တွင် အညှိတက်၏ … ထို အညှိမှ ရေညှိအပင်ငယ်ဖြစ်လာ၍ ကမ္ဘာ့ပထမဦးဆုံး သစ်ပင်၏ ဗီဇဂမ် (ဗီဇသတ္တိ) ပေါ်ပေါက်၏ … ထို ဗီဇဓာတ်ဖြင့် ကမ္ဘာ့ ပထမဦးဆုံး အပင် ဘူတဂမ်၊ ကမ္ဘာ့ပထမဦးဆုံး ပျိူးပင် ဗီဇဂမ်၊ တောအုပ်ကိုဖြစ်စေသော အပင်တောစိုးပင် တို့ ပေါက်ရောက်ရှင်သန်လာကြ၏ … ထိုအပင်တို့သည် မည်သူ တစ်စုံတစ်ယောက်ကမှ ဖန်ဆင်းခြင်းမဟုတ် ဓမ္မနိယာမ၊ ဥတုနိယာမ၊ ဗီဇနိယာမ တို့ကြောင့် ပေါ်ပေါက်လာခြင်းဖြစ်၏ …
ထိုပျိူးပင်တို့သည် (မူလဗီဇံ) အမြစ်မျိူးစေ့၊ (ခန္ဓဗီဇံ) ပင်စည်မျိူးစေ့၊ (ဖလုဗီဇံ) အဆစ်မျိူးစေ့၊ (အဂ္ဂဗီဇံ) အညွှန့်မျိူးစေ့၊ (ဗီဇဗီဇံ) အစေ့မျိူးစေ့ တို့ဖြင့် မျိူးစေ့ ၅ မျိူး တို့မှ ပေါက်ရောက်ကုန်၍ သစ်ပင်၊ ၀ါးပင်၊ အုန်းပင်၊ ထန်းပင်၊ ချူံပင်၊ နွယ်ပင်၊ မြက်ပင်၊ ကောက်ပင်၊ ပဲပင် တို့ဖြစ်လေ ကုန်၏ … ကမ္ဘာသစ်ပင်တို့ ပေါ်ပေါက်ခြင်းသည် သတ္တဗီဇဓာတ် ပေါ်ပေါက်ရန် အကြောင်း ဖြစ်၏ …
ထို အကြောင်းကြောင့် မြတ်စွာဘုရား ရှင်သည် ပဋိသန္ဓေ ၄ မျိူး ကို ဟောကြားတော်မူ၏ …
" သာရိပုတ္တရာ သတ္တ၀ါတို့သည် …
- ဥ ၌ ဖြစ်သော သတ္တ၀ါ ( အဏ္ဍဇပဋိသန္ဓေ)၊
- သားအိမ်၌ ဖြစ်သော သတ္တ၀ါ ( ဇလာဗုဇပဋိသန္ဓေ)၊
- အညှိ၌ ဖြစ်သော သတ္တ၀ါ ( သံသေဒဇပဋိသန္ဓေ)၊
- ကိုယ်ထင်ရှား၍ ဘွားကနဲ ဖြစ်လာသော သတ္တ၀ါ (ဥပပတ္တိပဋိသန္ဓေ) ဟူ၍ လေးမျိူး ရှိ၏ ...
သာရိပုတ္တရာ ဤသို့ သိမြင်သော ငါ့အား ရဟန်းဂေါတမသည် ပကတိလူတို့ထက် သာလွန်သည့် အရိယာတို့၏ ဥာဏ်အမြင်ထူးမရှိ ဟူ၍ ပြောဆိုသောသူသည် ထိုစကားကို မစွန့်ဘဲ သေလျှင်ဧကန်မလွဲ ငရဲသို့ ကျရောက်လိမ့်မည် …"
(မဇ္ဈိမနိကာယ်၊ မဟာသီဟနာဒသုတ်)
(အောက်က Reply comments တွေမှာ ဆက်ပြီးဖတ်ရှုပါရန်) >>>
🍀🍀🍀🍀🍀🍀🍀🍀🍀🍀🍀
( သတ္တ၀ါပေါ်ပေါက်ခြင်း )
၁၄။ သစ်ပင်တို့၏ အရိပ်အာဝါသ၊ အရွက်၊ အခက်၊ ပင်စည်၊ အသီး၊ အပွင့် တို့ မြေ၌ ကျပြီး အကျိ အချွဲ အပုပ် အစပ်တို့ဖြစ်၍ ထိုဌာနတို့၌ သံသေဒဇပဋိသန္ဓေနေ၍ သတ္တ၀ါငယ်တို့ စတင်ပေါ်ပေါက်၏ …
ဥပမာ - မြောင်းပုပ်၌ တီကောင်ငယ် အသေကောင်အပုပ်၌ လောက်၊ ကြမ်းပြင် ကြားတို့၌ ဂျပိုး တို့ ပေါက်ပွား လာသကဲ့သို့ ဖြစ်၏ … ထို ဌာနတို့၌ သတ္တ၀ါငယ်တို့သည် အမိအဖ ပင်မလိုဘဲ အလိုအလျောက် ဗီဇနိယာမအရ သံသေဒဇပဋိသန္ဓေဖြင့် ကမ္ဘာ့ပထမဦးဆုံး သတ္တ၀ါသည် ဖြစ်ပေါ်လာ၏ … ကမ္ဘာဦး သတ္တ၀ါဖြစ်သည့် ဒိုင်နိုဆောလို အကောင်ကြီးမျိူးတွေသည် ထိုလို အကောင်ငယ်လေးဘ၀မှ တဆင့် ထက် တဆင့် ကြီးထွားလာကြခြင်း ဖြစ်သည် .. ၄င်းတို့နှင့် သဟဇတဖြစ်သော ဥတု ရှိ၍ ရှင်သန်နိုင်ကြသော်လည်း သဟဇာတမရှိသော် အချိန်မျိူးတွင်မူ မျိူးသုဉ်းပျောက်ကွယ်သွားရသည် ..
ယနေ့ခေတ် အာကာသပညာရှင်တို့ စကြာဝဋ္ဌာအတွင်း အာကာသယာဉ်တို့ဖြင့် စူးစမ်းလေ့လာမူအရ တချိူ့ ဂြိုလ်တွင် ရေစီးကြောင်း အရာများ သတ္တ၀ါကျောက်ဖြစ်ရုပ်ကြွင်းများ တွေ့ရှိရမူသည် ဤဖြစ်စဉ် ၏ သီအိုရီကြောင့် ပင်ဖြစ်သည် …
သံသေဒဇပဋိသန္ဓေဖြင့် ဖြစ်ပေါ်လာသော သတ္တ၀ါတို့သည် အဓွန့်ကာလကြာမြင့်သော် အဖိုအမပေါ်ပေါက်၍ မျိူးဗီဇအမျိူးမျိူး ကွဲပြားကာ
ဥ ၌ ဖြစ်သော သတ္တ၀ါ (အဏ္ဍဇပဋိသန္ဓေ)၊
သားအိမ်၌ ဖြစ်သော သတ္တ၀ါ (ဇလာဗုဇပဋိသန္ဓေ)၊
ကိုယ်ထင်ရှား ၌ ဘွားကနဲဖြစ်သော သတ္တ၀ါ (ဥပပတ္တိပဋိသန္ဓေ) ဟူ၍ ဖြစ်ပေါ်လာကြ၏ …
( ဥပပတ္တိပဋိသန္ဓေဖြင့် ငရဲသား၊ ပြိတ္တာ၊ တစ္ဆေ၊ နတ်၊ ဗြဟ္မာ တို့ ဖြစ်ပေါ်၏။)
ထိုသို့ သတ္တ၀ါတို့ ပေါ်ပေါက်ခြင်းသည် တစ်စုံတစ်ယောက်သော လူ၊ နတ်၊ ဗြဟ္မာ၊ ထာဝရဘုရားတို့ ဖန်ဆင်းခြင်း မဟုတ်ဘဲ ဓမ္မနိယာမ၊ ဗီဇနိယာမ တို့ကြောင့် ပေါ်ပေါက်လာခြင်း ဖြစ်ပေ၏ …။
🍀🍀🍀🍀🍀🍀🍀🍀🍀🍀🍀
၁၅။ သားအိမ်၌ ဖြစ်သော သတ္တ၀ါမျိူးဗီဇမှ လူသားဖြစ်ရန်သတ္တ၀ါသည် ပေါ်ပေါက်လာ၏ … ဘုရားဟော ကျမ်းဂန်များ၌ ပဒုံမာကြာဖူးမှာ ပဒုမ၀တီမင်းသမီး၊ သရက်ပင်၌ စိဉ္စာမာန၊ မကျည်းပင်၌ အမ္ဗပါလီ၊ ၀ါးပင်၌ ပေါက္ခရသာတိ ပုဏ္ဏားစသော သူတို့သည် အမိ၊ အဖ ပင်မရှိဘဲ သတ္တဗီဇနိယာမအရ သံသေဒဇပဋိသန္ဓေဖြင့် မွေးဖွားလာကြောင်း ဟောကြားချက်များ ရှိထားပါသည် ..
တချိူ့ သစ်ပင်တို့ လူယောင်္ကျားသဏ္ဍာန် ဥ များကို ဥ ကြသည် .. တစ်ချိူ့ သစ်ပင်တို့ အသီးတို့သည် လူမိန်းမ သဏ္ဍာန် အသီးသီးကြသည် … ကချင်ပြည်နယ်၊ ခါကာဘိုရာဇီ တောင်ထိပ်ရှိ ရှီးမဒီ အပင်ငယ်သည် တစ်ပိုင်းက အပင်၊ တစ်ပိုင်းက သတ္တ၀ါအဖြစ် ရှင်သန်ပေါက်ရောက်၏ …
ထို့ကြောင့် လူသားမျိူးနွယ်၏ အစဦးဆုံး သတ္တ၀ါသည်လည်း သံသေဒဇပဋိသန္ဓေ ဖြင့် အမိအဖ ပင်မရှိဘဲ မွေးဖွားလာ၍ အဆင့်ဆင့် ပြောင်းလဲလာကာ ယနေ့ လူသားဘ၀ကို ရောက်ရလေ၏ … သတ္တ၀ါ ၏ ထူးခြားချက်ကား အသက်ဝိညာဉ် ဟူသော နာမ်တရားရှိခြင်းပင်ဖြစ်သည် … ဒါဝင် ကဲ့သို့သော မနုဿဗေဒ ပညာရှင်တို့သည် သတ္တ၀ါပေါ်ပေါက်ပြီးနောက် ရုပ်ခန္ဓာ ဖြစ်စဉ်ကို လေ့လာနိုင်ကြသော်လည်း ခက်ခဲနက်နဲ သော နာမ်တရားကိုလည်းကောင်း၊ သတ္တဗီဇနိယာမ ကိုလည်းကောင်း၊ လေ့လာလို့မရနိုင် မဖော်ထုတ်နိုင်ကြပေ …
ထို့ကြောင့် အကြောင်းမှန်ကို မသိနားမလည်နိုင်သောကြောင့် လည်း တစ်ဦးတစ်ယောက်က ဖန်ဆင်းနေသည်ဟု ထင်မှတ်မှားပြီး သိပ္ပံပညာရှင်တို့က အစ ဖန်ဆင်းရှင်ဝါဒ ကို လက်ခံယုံကြည်နေကြခြင်း ဖြစ်၏ … ထို နာမ်တရား ဖြစ်စဉ် သည် နောက်ထပ် သတ္တ၀ါ ပေါ်ပေါက်ရေးတွင် အထောက်အပံ့ပြုသော အရေးအကြီးဆုံး အကြောင်းအချက်တစ်ရပ် ဖြစ်ခဲ့လေသည် …
🍀🍀🍀🍀🍀🍀🍀🍀🍀🍀🍀
၁၆။ မျိူးဗီဇ နှင့် အမိမအဖ တို့ ပေါ်ပေါက်ပြီး နောက်အခါဝယ် “ ရဟန်းတို့ မိဘ နှစ်ပါး ပေါင်းဖက်ခြင်း၊ မိခင်ရာသီလာခြင်း၊ သန္ဓေလောင်းဖြစ်သော သတ္တ၀ါ အဆင့်ဆင့်ဖြစ်ခြင်း (ကမ္မနိယာမ) ဟူသော အကြောင်း ၃ ပါး ပေါင်းဆုံမှသာလျှင် ကိုယ်ဝန်တည်ခြင်းဖြစ်၏ … ထို ၃ ပါးတွင် တစ်ပါးပါးသော အကြောင်းချိူ့တဲ့ခဲ့သော ကိုယ်ဝန်တည်ခြင်း မဖြစ်နိုင်ပေ … ” ဟု မဇ္ဈိမနိကာယ်၊ မဟာတဏှာသင်္ခယသုတ် တွင် ဟောတော်မူပါသည် …
အမိ၏ ၀မ်းတွင် ကာလရေကြည်၊ ရေနောက်၊ ရေမြှပ်၊ သွေးခဲ၊ သားတစ်၊ ခက်မငါးဖြာ၊ သန္ဓေသားအဆင့်သို့ ရောက်သည်နှင့် ကမ္မနိယာမ၏ လှူံ့ဆော်မူဖြင့် အသက်ဝိညာဉ် ပေါ်ပေါက်၏ …အသက်ကို ဖြစ်စေတတ်သော ထို ၀ိညာဉ်ပေါ်ပေါက်ပြီး ရုပ်၊ နာမ်တရား ဖွံ့ဖြိုးစည်ပင်ပြီးနောက် အဆင်း၊ အသံ၊ စသော ဗဟိဒ္ဓတို့သည် မျက်စိ၊ နား စသော ပသာဒ တို့၌ ထိခိုက်ကြကုန်ပြီး စီမံဖန်ဆင်းသူမရှိပါဘဲလျက် စိတ်တို့၏ ရှေ့နောက်အစဉ် (၀ီထိ) သည် သူ့ကိစ္စနှင့် သူ ဖြစ်ကြကုန်၏ …
ထိုသို့ဖြစ်ခြင်းသည်လည်း တစ်စုံတစ်ယောက်သော လူ၊ နတ်၊ သိကြား၊ ဗြဟ္မာ၊ ထာဝရဘုရား က ဖန်ဆင်းခြင်း မဟုတ်ဘဲ စိတ်တို့ သူ့ ကိစ္စနှင့် သူဖြစ်သော စိတ္တနိယာမ ကြောင့် ဖြစ်လေသည် ..
🍀🍀🍀🍀🍀🍀🍀🍀🍀🍀🍀
၁၇။ မျက်စိ နှင့် အဆင်း ကြုံကြိုက်သော မြင်စိတ်၊
နား နှင့် အသံ ကြုံကြိုက်သော ကြားစိတ်၊
နှာခေါင်း နှင့် အနံ့ကြုံကြိုက်သော နံစိတ်၊
လျှာ နှင့် အရသာ ကြုံကြိုက်သော လျှက်စိတ် တနည်းဆိုသော အရသာသိစိတ်၊
ကိုယ် နှင့် အထိအတွေ့ ကြုံကြိုက်သော တွေ့စိတ်၊
ဟဒယ နှင့် အကြံအစည်ကြုံကြိုက်သော ကြံစိတ် တို့သည် ပြုလုပ်သူ ဖန်ဆင်းသူ မရှိပါဘဲ လျက် ကြုံကြိုက်တိုင်း စိတ်တို့ ဖြစ်ပေါ်ကုန်၏ …
ဝီထိ တစ်ခုတွင်လည်း စိတ် (၇) မျိူး တို့သည် မည်သူမျှ ပြုလုပ်ဖန်ဆင်း သူ မရှိပါဘဲလျက် အစီအစဉ် အတိုင်း တန်းစီ၍ သူ့ကိစ္စ နှင့် သူ ကြုံကြိုက်ပြီး ပေါ်ပေါက်လေ၏ .. ထို စိတ် ၇ မျိူးမှာ -
၁) ဆင်ခြင်စိတ်
၂) မြင်စိတ်၊ ကြားစိတ်
၃) ခံယူစိတ်
၎) စုံစမ်းစိတ်
၅) ပြဌာန်းစိတ်
၆) ခံစားစိတ်
၇) နောက်လိုက်စိတ် တို့ ဖြစ်၏ ...
ထို စိတ် ၇ မျိူး တွင် ခံစား စိတ်သည် အရှိန်အဟုန်ထက်သန် ပြင်းထန်သောကြောင့် ( ဇောစိတ် ) ဟု ခေါ်၏ … ထို ဇောစိတ်ကြောင့် စေ့ဆော်တတ်သော စေတနာ ပေါ်ပေါက်လာ၏ … သတ္တ၀ါ တို့၏ လိုချင် တပ်မက်နှစ်သက်မူ၌ ယှဉ်၍ ပေါ်ပေါက်လာသော ထို စေတနာပင် ကာယကံ၊ ၀စီကံ၊ မနောကံ တို့ကို ဖန်တီး၍ ကံတို့ကြောင့် ကောင်းကောင်းဆိုးဆိုး အမျိူးမျိူးသော အကျိူးတရား တို့ကို ခံစားရ၏ …
တနည်းအားဖြင့် စိတ္တနိယာမသည် ကမ္မနိယာမ ကို ဖြစ်ပေါ်စေရန် လှူံ့ဆော်၍ ကမ္မနိယာမက သတ္တ၀ါကို ပဋိသန္ဓေနေစေ၍ စိတ္တနိယာမ ကို ဖြစ်ပေါ်စေလေ၏ ...
🍀🍀🍀🍀🍀🍀🍀🍀🍀🍀🍀
( ကမ္မနိယာမ )
၁၈။ သတ္တ၀ါတို့သည် မိမိပြုခဲ့သော ကာယကံ၊ ၀စီကံ၊ မနေကံ အမူ တို့နှင့်တူစွာ အကျိူးပေးမူသည် ကမ္မနိယာမပင် ဖြစ်၏ဟု (အဋ္ဌသာလိနီအဋ္ဌကထာ) နိယာမ ငါးပါး ဖွင့်ဆိုမူ ၌ ဖော်ပြထားပါသည် … မဇ္ဈိမနိကာယ်၊ စူဋ္ဌကမ္မ၀ိဘင်္ဂသုတ် ၌ မြတ်စွာဘုရားရှင်အား သုဘလုလင် သည် ဤသို့ မေးလျှောက်ခဲ့၏ …
" မြတ်စွာဘုရား လူတို့၌ ..
အသက်တိုသူ အသက်ရှည်သူ
အနာရောဂါများသူ အနာရောပါနည်းသူ
အဆင်းမလှသူ အဆင်းလှသူ
အခြံအရံနည်းသူ အခြံအရံများသူ
စည်းစိမ်ဥစ္စာနည်းသူ စည်းစိမ်ဥစ္စာများသူ
အမျိူးယုတ်သူ အမျိူးမြတ်သူ
ပညာမဲ့သူ ပညာရှိသူ ဟူ၍ ကွဲပြားခြားနားခြင်းသည် အဘယ်အကြောင်းကြောင့် နည်း ..." ဟု မေးလျှောက်ရာ မြတ်စွာဘုရားရှင် က ဤသို့ ဖြေကြားတော်မူခဲ့၏ ..
" လုလင် … တစ်ချိူ့သော သူတို့သည် သူ့ အသတ်ကို သတ်လေ့ရှိ၏ … ထိုသူတို့သည် အသက်တို၏ … တစ်ချိူ့သော လူတို့သည် သူ့ အသက် သတ်ခြင်း မှ ရှောင်ကြဉ်၏ … ထိုသူတို့သည်အသက်ရှည်၏ …"
" လုလင် … တချိူ့သော သူတို့သည် သတ္တ၀ါတို့ကို ညှင်းဆဲနှိပ်စက်လေ့ရှိ၏ … ထိုသူတို့သည် အနာရောဂါများလေ့ရှိသည် … တချိူ့သော သူတို့သည် သတ္တ၀ါတို့ကို ညှင်းဆဲနှိပ်စက်လေ့မရှိ … ထိုသူတို့သည် အနာရောဂါ နည်းသည် …"
" လုလင် … တချိူ့သော သူတို့သည် အမျက်ဒေါသကြီး၏ … ထိုသူတို့သည် ရုပ်အဆင်းမလှသူ ဖြစ်လေ့ရှိ၏ … တချိူ့သောသူတို့သည် အမျက်ဒေါသမကြီး ထိုသူတို့သည် ရုပ်အဆင်းလှသူ ဖြစ်ကြ၏ …"
" လုလင် … တချိူ့သော သူတို့သည် သူတပါးအပေါ် ၌ ငြူစူစိတ်ရှိ၏ … ထိုသူတို့သည် အခြံအရံ နည်းလေ့ရှိ၏ … တချိူ့သော သူတို့သည် သူတပါးတို့ အပေါ်၌ ငြူစူစိတ်မရှိ .. ထိုသူတို့သည် အခြံအရံများသူ များ ဖြစ်ကြ၏ …"
" လုလင် … တချိူ့သော သူတို့သည် ပေးလှူခြင်းမပြု … ထိုသူတို့သည် ပစ္စည်းဥစ္စာ နည်းပါးလေ့ရှိ၏ … တချိူ့သော သူတို့သည် ပေးလှူခြင်းကို ပြုကြ၏ … ထိုသူတို့သည် ပစ္စည်းဥစ္စာ ပေါများ လေ့ရှိ၏ …"
" လုလင် … တချိူ့သော သူတို့သည် မာနကြီး၍ မောက်မာ၏ … ထိုသူတို့သည် အမျိူးယုတ်သူ ဖြစ်ရ၏ … တချိူ့သော သူတို့သည် မာနကင်း၍ မောက်မာခြင်းမရှိ … ထိုသူတို့သည် အမျိူးမြတ်သူ ဖြစ်ရ၏ …"
" လုလင် … တချိူ့သောသူတို့သည် ပညာရှိကို ဆည်းကပ်လေ့မရှိ … ထိုသူတို့သည် ပညာမဲ့သူ ဖြစ်ရ၏ … တချိူ့သော သူတို့သည် ပညာရှိကို ဆည်းကပ်လေ့ရှိ၏ … ထိုသူတို့သည် ပညာရှိသူ ဖြစ်ရ၏ …"
" လုလင် … သတ္တ၀ါတို့သည် ကံသာလျှင် မိမိဥစ္စာရှိကုန်၏ … ကံ၏ အမွေခံတို့ ဖြစ်ကြကုန်၏ … ကံသာ လျှင် အကြောင်းရင်း ရှိ၏ … ကံသာလျှင် ဆွေမျိူးရှိကြကုန်၏ … ကံသာလျှင် မှီခိုရာ ရှိကြကုန်၏ … သတ္တ၀ါတို့၏ ယုတ်ညံ့မူမြင့်မြတ်မူအတွက် ကံသည် ဝေဖန်ပိုင်းခြား၏ … ဟု " ဟောတော်မူလေသည် …
ယနေ့ ကမ္ဘာတွင် သူ့အသတ်ကို သတ်လေ့ရှိသူတို့သည် လက်ငင်းလက်တွေ့ အသက်တိုကြ ကုန်သည်ကို လက်ရှိမျက်မှောက်မှာတင် တွေ့မြင်နေရသည် .. အကြမ်းဖက်သမား အိုင်အက်စ် တို့သည် သူတစ်ပါး အသက်ကို သတ်ခြင်း အကျိူးသည် ယခုထိုသူတို့ မိသားစု နှင့် သူတို့ကိုယ်တိုင်ကို ငြိမ်းငြိမ်ချမ်းချမ်းမနေရဘဲ ပျက်စီးကြကုန်သကဲ့သို့ ဖြစ်ရ၏ … အခြား အကျိူး တရားတို့သည် လည်း ထိုနည်း တူစွာပင်ဖြစ်၏ …
ထို့ကြောင့် လောက၌ အကျိူးအမျိူးမျိူးကို ခံစားနေရခြင်းသည် တစ်စုံတစ်ယောက်သော လူ၊ နတ်၊ သိကြား၊ ထာဝရဘုရား၊ ဖန်ဆင်းရှင် တို့က ဖန်တီးနေခြင်း၊ စီမံနေခြင်း မဟုတ်ပေ … သတ္တ၀ါတို့ မိမိကိုယ်တိုင်ပြုခဲ့သော ကာယကံ၊ ၀စီကံ၊ မနောကံ တို့၏ ကမ္မနိယာမ သတ္တိကြောင့် ပင်ဖြစ်၏ …
ထို ကမ္မသတ္တိသည်ပင် ပဋိစ္စသပုပ္ပါဒ် တရားတော်အစဉ်ဖြင့် ပဋိသန္ဓေ (၄) မျိူးအနက် တစ်မျိူးမျိူး၌ ပဋိသန္ဓေနေ၍ သတ္တလောကကို အဓွန့်ရှည်စေ၏ …
🍀🍀🍀🍀🍀🍀🍀🍀🍀🍀🍀
( ခန္ဓာငါးပါးသည်သာ လောက )
၁၉။ ထို့ကြောင့် မြတ်စွာဘုရားရှင်က ရဟန်းတို့ သင်္ခါရတို့သည် မမြဲကုန် … မခိုင်ခံ့ကုန် … သာယာအပ်သော သဘောမရှိ … ရဟန်းတို့ ခပ်သိမ်းအပ်သော သင်္ခါရတို့၌ စင်စစ်ငြီးငွေ့ခြင်း၊ တပ်မက်မူကင်းခြင်းငှာ သင့်၏ … ခပ်သိမ်းသော သင်္ခါရတို့မှ လွတ်မြောက်ခြင်းငှာ သင့်၏ ဟု ဟောတော်မူ၏ …
အခါတပါး၌ ရောဟိတဿ မည်သော နတ်သား သည် ဗုဒ္ဓထံ ချဉ်းကပ်၍ ပြဿနာ တစ်ခု ကို မေးလျှောက်၏ …
နတ်သား - အရှင်ဘုရား .. ပဋိသန္ဓေဆင်းရဲ၊ အိုဆင်းရဲ၊ သေဆင်းရဲ မရှိရာ ဖြစ်သော လောကအဆုံးကို ခြေလျင်သွားခြင်းဖြင့် သိမြင် ဆိုက်ရောက်ခြင်းငှာ တတ်ကောင်းပါ၏လော …
ဗုဒ္ဓ - နတ်သား လောက ၏ အဆုံးကို ခြေလျင်သွားခြင်းဖြင့် သိမြင်ဆိုက်ရောက်ခြင်းငှာ မတတ်ကောင်းပေ …
နတ်သား - အရှင်ဘုရာုး တပည့်တော်သည် ရှေးအခါက တန်ခိုးကြီးသည့် ရောဟိတဿ မည်သော နတ်ဖြစ်ခဲ့ပါသည် … ကျွမ်းကျင်သော လေးသမားသည် ပေါ့ပါးသော မြှားဖြင့် ထန်းပင်ရိပ်ကို ဖီလာကန့်လန့်လွန်စေသော အချိန်အတွင်း၌ပင် တပည့်တော်သည် စကြာဝဋ္ဌာတစ်ခုကို လွန်စေနိုင်သော လျှင်မြန်ခြင်းဆိုသည် တန်ခိုး နှင့် ပြည့်စုံခဲ့ပါသည် … တပည့်တော်၏ ခြေလှမ်းတစ်လှမ်းသည် အရှေ့သမုဒ္ဒရာမှ အနောက်သမုဒ္ဒရာအထိ ကျယ်ပြန့်ခဲ့ပါသည် …
ဤသို့သော လျှင်မြန်ခြင်း၊ ဤသို့သော ခြေလှမ်းနှင့် ပြည့်စုံသော တပည့်တော်အား ငါသည် လောက၏ အဆုံးသို့ သွားအံ့ ဟု အကြံဖြစ်ခဲ့၏ … ထို့နောက် တပည့်တော်သည် နှစ်ပေါင်းတစ်ရာပတ်လုံး သွားခဲ့သော်လည်း လောက၏ အဆုံး သို့မရောက်ဘဲ စကြာဝဋ္ဌာ၏ ကြား၌သာလျှင် ကွယ်လွန်ခဲ့ရပါသည် …
ဗုဒ္ဓ - နတ်သား ပဋိသန္ဓေဆင်းရဲ၊ အိုဆင်းရဲ၊ သေဆင်းရဲ မရှိရာကို လောက၏ အဆုံးသို့ ခြေလျင်သွားခြင်းဖြင့် မရောက်နိင်ပေ … လောကအဆုံး သို့ မရောက်၍လည်း ဆင်းရဲကုန်ဆုံးမူမရှိဟု ငါမဟော … နတ်သား စင်စစ်သော်ကား မှတ်သားခြင်းသညာ၊ သိခြင်းစိတ် နှင့် တကွဖြစ်သည့် တလံမျှလောက်သာ ရှိသော ဤကိုယ်သာလျှင် လောကဟု လည်းကောင်း၊ လောကဖြစ်ကြောင်း ဟုလည်းကောင်း၊ လောက၏ ချူပ်ရာဟု လည်းကောင်း၊ လောကချူပ်ငြိမ်းခြင်းသို့ ရောက်စေသော အကျင့်ဟုလည်းကောင်း ငါဟောကြား၏ ဟုမိန့်တော်မူ၏ …
( အဂုင်္တ္တရနိကာယ်၊ စတုက္ကနိပါတ်၊ ရောဟိတဿသုတ်)
🍀🍀🍀🍀🍀🍀🍀🍀🍀🍀🍀
၂၀။ ဤခန္ဓာကား အမာခံအထည်ဒြပ် ရှိ၍ သြကာသလောက လည်း မည်၏ … ပြုပြင်ပြောင်းလဲသော သဘော ရှိသောကြောင့် သင်္ခါရလောကလည်း မည်၏ … အသက်ရှိသောကြောင့် သတ္တလောကလည်း မည်၏ … လောက၏ အကောင်း အဆိုး နှစ်ပါးကို ရှင်သန်နေသော တစ်လံမျှသော ဤခန္ဓာဖြင့် သာ ခံစား၍ သောက၊ ပရိဒေ၀၊ ဒုက္ခ၊ ဒေါမနဿ တို့သည် ဒုက္ခသစ္စာဖြစ်လေ၏ ..ထို့ကြောင့် ဤခန္ဓာကို လောကဟု ဘုရားရှင်ဟောတော်မူခြင်း ဖြစ်၏ …
ပဋိသန္ဓေ နေသော သတ္တ၀ါတိုင်း အ၀ိဇ္ဇာ တဏှာ ဖြင့် အသက်နှင့်ခန္ဓာကို မြတ်နိုးတွယ်တာ၍ လောကကြီးကောင်းမလား၊ ဆိုးမလား၊ မုန်တိုင်းကျမလား၊ ရေကြီးမလား စသည်ဖြင့် လောက၌ အမြဲစေစား နေ၍ လောကသည် သတ္တ၀ါတို့၏ သဏ္ဍာန်၌ အလွန်ထင်ရှားလေသည် .. ထို့ကြောင့် ဤခန္ဓာသည်ကား လောကဖြစ်ကြောင်း သမုဒယသစ္စာ ဟု ဟောတော်မူ၏ …
ဤခန္ဓာ ၌ တဏှာ (သမုဒယသစ္စာ) ကို ပယ်ဖျောက်ချူပ်ငြိမ်းပြီးသော အရိယာတို့သည် လောက၌ စေစားခြင်းမရှိ၊ အကောင်းအဆိုး၌ တုန်လှူပ်ခြင်းမရှိ ထို အရိယာတို့၏ သဏ္ဍာန်၌ လောက နှင့် စပ်သော အတွေးအကြံတို့ ချူပ်ငြိမ်းလွတ်မြောက်ခြင်း (နိရောဓသစ္စာ) ဆိုက်ရောက်၍နေ၏ … ထို့ကြောင့် ဤခန္ဓာသည်သာ လောကချူပ်ရာ ဟု ဟောတော်မူခြင်း ဖြစ်သည် …
လောကကို ဖြစ်စေသော သမုဒယကို ပယ်ဖျောက်သည့် အကျင့် (မဂ္ဂသစ္စာ) ကို ခန္ဓာ၌သာ ကျင့်ကြံ ပွားများ ရမည်ဖြစ်သဖြင့် လောကချူပ်ကြောင်း အကျင့်သည် ဤခန္ဓာပင် ဖြစ်သည်ဟု ဟောတော်မူခြင်း ဖြစ်၏ …
🍀🍀🍀🍀🍀🍀🍀🍀🍀🍀🍀
၂၁။ ဤသစ္စာလေးပါး မြတ်တရားကို မှန်ကန်စွာ သိမြင်သောသူသည် လောကမြဲသလော .. မမြဲသလော .. လောက အစဆုံး ရှိသလော .. မရှိသလော .. သူသော မေးခွန်းတို့သည် ခန္ဓာကိုယ်၌ စွဲလမ်းသော သမုဒယကြောင့် ပေါ်ပေါက်လာသည့် မေးခွန်းတို့ဖြစ်သဖြင့် မမေးထိုက်ကြောင်း၊ မေးရင်လည်း အကျိူးမရှိကြောင်း မဆုံးနိုင်သော အမေးဖြစ်ကြောင်း၊ ဆင်းရဲတိုးပွားရာသာ ဖြစ်ကြောင်း သိမြင်လာ၏ …
ဥပမာ - တစ်စုံတစ်ယောက်သော သူက (ကြက်) ဘယ်က ဖြစ်သလဲဟု မေးသော ဖြေသူ က ကြက်ဥ က ဖြစ်သည်ဟု ဖြေလိမ့်မည် … တဖန် ကြက်ဥ ဘယ်က ဖြစ်သနည်းမေးသော် ကြက် က ဖြစ်သည်ဟု ဖြေလိမ့်မည် … ဤသို့အားဖြင့် မေးသူ၊ ဖြေသူ တို့သည် မဆုံးနိုင်သော အမေး၊ အဖြေ တို့ဖြင့် တိုတောင်းလှသော သက်တမ်းသည် ကုန်လွန်ရာ၏ … အဆုံးသတ်အဖြေကား ရမည် မဟုတ်ဟု သိပြီးသကာလ ဤတရားတော်ကို သစ္စာလေးတန် မဟာသတိပဋ္ဌာန် ယောဂီအပေါင်းတို့ သစ္စာဥာဏ် ရင့်သန်စေခြင်း အကျိူးငှာ ဟောကြားရလေသတည်း ။ ။
🍀🍀🍀🍀🍀🍀🍀🍀🍀🍀🍀
ဗုဒ္ဓ မဖြေကြားသော ပြဿနာများ ဆောင်းပါး ပြီး၏ ...
ဟောကြားသူ - ဆရာတော် အရှင်အရိယဓမ္မ
Credit သစ္စာလေးတန် မဟာသတိပဌာန် ၀ိပဿနာတရားစခန်း
#MgShweOo
Ngaoh
